ISAÍAS 10:16 - Biblia Guarani Tumpa Iñee

¹⁶ Jáeramo, yandeYa Tumpa Imbaepuere yae ete vae, opɨ̈rota Asiriaɨgua imbaepuere yae vae reta güi imbaepuere, jare oyatapɨta oyemboete jese vae re.

ISAÍAS 10:16 ပူးပေါင်းရင်းမြစ်များ

2 CRÓNICAS 32:21

Jayave yandeYa ombou metei araɨgua opa oyuka opaete sundaro jëia vae reta, sundaro ruvicha reta, jare metei äpɨta vae juvicha reta, mburuvicha guasu Asiria pegua jeyupa pe. Jare jae imara yae reve oyerova ye ojo iɨvɨ kotɨ. Jare oike yave itumpa itupao pe, joko pe jae taɨ reta aeño oyuka kɨsepuku pe.

SALMOS 106:15

Jae omee chupe reta, jae reta oiporugüe, ërei ombou chupe reta manoɨvɨ.

SALMOS 78:31

ou Tumpa iyarasɨ jese reta, jare omokañɨtei Israel pegua kuimbae tuichagüe jare oyeparavogüe reta.

ISAÍAS 10:18

Kaa jare ko ipöragüe opaeteita omboai, imbaerasɨ vae ipuereä etei rami oeyata.

ISAÍAS 17:4

Jókuae ara Israel iyemboetea jagüeta, mbaetɨta ma ikɨra oiko.

ISAÍAS 26:11

CheYa, ndepo remopüa ma renoi reinupa reta vaerä, ërei jae reta mbaetɨ oipota oikuaa jókuae regua, ërei oecha reta ndeporoaɨu, tëta ndembae vae kotɨ yave, imarata jókuae imotareɨa reta. ¡Mbae mona ndearasɨ opa omboai reta!

ISAÍAS 31:9

jare okɨɨye güi opata oë otekuarai oñemía güi, jare sundaro ruvicha reta opata omombo oeya ibandera. Jökorai jei yandeYa, jae oime güɨnoi Sión pe, Jerusalén pe tata.

ISAÍAS 37:29

Aikuaa ko ndearasɨ jare ndepɨayemboete, añonota cheargolla netï re, mɨmba re oñeñono rami, jare rombokayurupeguata, jare romboyerova yeta tape reyúa rupi.”

ISAÍAS 37:36

Jare oë yandeYa iaraɨgua, ojo jare oyuka Asiriaɨgua reta jeyupa pe ciento ochenta y cinco mil kuimbae; jare köe yave opüa reta yave, oecha reta opaete tëogüe yepeaiño ma.

ISAÍAS 5:17

Jare tëta guasu reta oyemboaita vae jendagüe rupi okaruta vecha jare kavara reta; ketɨgua reta omboaita oikokatu vae reta iko.

ISAÍAS 8:7

jáeramo, yandeYa güeruta jese reta ɨ tuicha jare ipɨ̈rata yae vae, (kuae jae ko mburuvicha guasu Asiria pegua, opaete imbaepuere ndive). Jókuae ɨ tɨnɨe yaeta ɨ̈aka, jare oyepɨyereta opaete jembeɨ rupi,

ISAÍAS 9:4

Echa nde reyora tembipɨɨ oiporara ñogüɨnoi vae güi, mburuvicha iporonupa güi, mburuvicha imbaepuere güi, Reiporarauka chupe, tëtaguasu Madián pe reiporarauka rami.

ISAÍAS 9:5

Echa opaete pɨapaa sundaro güɨraja ñeraroa pe vae, jare opaete temimonde tugüɨ oya jese vae, opata oyeapɨ, kapii oyeapɨ tata pe rami.

JEREMÍAS 21:14

Che aiporaraukata peve pereko reta oï rupi; amboyepotata tata kaa reta re, jare jókuae tata omboaita opaete peɨ́vɨri ñogüɨnoi vae reta. Che ndeYa ko jae kuae.’ ”

JEREMÍAS 48:14

Moab agüɨye tei: ‘Orerëia yae ko, ore ko ñeraro regua imbaepuere yae vae.’

EZEQUIEL 34:16

Che aekata chevecha okañɨgüe jare jopagüe aru yeta jókai pe, ipɨ opë vae güi ayokuata, ipɨtu vae amborɨta; ërei ikɨra vae jare oikove katu vae ayukata. Ayangareko kavita jupi rupi jese reta.

NAHUM 1:12

YandeYa jei tëta imbae vae pe körai: “Yepe tëi Asiriaɨgua reta imbaepuere yae jare jeta yae jökorai reve opata oyemboai, opata okañɨtei reta. Che ko jeta aiporarauka ndeve, ërei ngaraa ye ma aiporarauka ndeve.

SOFONÍAS 2:13

Jae omopüata ipo ɨvɨtuguasu kotɨ omboai vaerä Asiria, tëta Nínive oeyata kïrii ngatu, ñuu rami otinita opɨta.

ZACARÍAS 7:4

Jayave yandeYa Imbaepuere yae ete vae jei cheve körai:

Hechos 12:23

Jare jupiveiño metei yandeYa iaraɨgua omombaerasɨ Herodes, echa mbaetɨ omboeteuka Tumpa. Jare taso opa jou jökorai omano.