ISAÍAS 10:14 - Biblia Guarani Tumpa Iñee

¹⁴ Aipɨɨ tëta reta imbaembae jepɨ vae, jare opaete iɨvɨ, kia nunga vae güɨraja güɨra jupía jaitɨ pe oeyagüe rami, jare mbaetɨ kia ave oyemboavevo vae, ani iyuru ave mbaetɨ opopira ani omoë iñee vae.”

ISAÍAS 10:14 ပူးပေါင်းရင်းမြစ်များ

2 CRÓNICAS 32:13

¿Mbaetɨ yera peikuaa che jare cheñemuñagüe reta ndive kërai royapo opaete ɨvɨ pegua reta pe vae? ¿Jókuae tëtaguasu reta itumpa reta oepɨ pa iɨvɨ chupe reta chembaepuere güi?

JOB 31:25

Mbaetɨi jae cheyeupe: “Tayemboikokatu yae, ani tanoi jeta korepoti.”

PROVERBIOS 18:12

Ndei susere mbove, oime pɨayembotuicha; ndei oime yemboete mbove, oime susere.

ISAÍAS 14:6

tëtaguasu reta pe oiporarauka yepi iyarasɨ reve vae, oinupa avei yepi vae, iyarasɨ reve oyokuaiasɨ katu yepi tëtaguasu reta vae, oyapo yepi jeta ikavimbae chupe reta vae ipïrimbae reve vae.

ISAÍAS 37:25

Ɨvɨ ambuae pe ayoo ɨkua jare anoe ɨ jau, chepɨ peño opa amotini ɨ̈aka reta Egipto pegua.’

ISAÍAS 5:8

¡Peparavete!, pe jekuae güɨrave pegua o peyeupe vae reta, jare jekuae güɨrave pegua ko peyeupe vae reta, opaetei ma pegua. ¿Peño pa pekɨ̈reɨ peiko kuae ɨvɨ pe?

JEREMÍAS 49:16

Ndepɨayemboete pe reyembotavɨuka, jare ndepɨapochɨ pe. Reiko ɨ̈vavira ipäu rupi, jare ɨvɨtɨ guasu re. Ërei yepe tëi reñemoëta ɨvate güɨraké rami, joko güi rombogüeyɨukata. Che ndeYa ko jae kuae.”

EZEQUIEL 35:13

Pe reta peyembotuicha chekotɨ peñee rupi, jeta ñee ikavimbae pere chekotɨ. Che aendu ko.

ABDÍAS 1:4

Ërei yepe tëi peyemboɨvate yae güɨraké rami yepe tëi peñono peraitɨ yasɨtata reta re, joko güi poitɨta.” YandeYa jei:

NAHUM 2:9

¡Peñomi korepoti! ¡Peñomi oro! ¡Nínive pegua mbaeyekou mbaetɨta opa!