ISAÍAS 10:13 - Biblia Guarani Tumpa Iñee

¹³ Echa mburuvicha guasu Asiria pegua jei: “Chembaepuere rupi ko ayapo kuae, chearakuaa katu rupi ko ayapo. Tëtaguasu reta güi opa apɨ̈ro iɨvɨ, jare imbaembae jepɨ vae, amoamɨri juvicha reta.

ISAÍAS 10:13 ပူးပေါင်းရင်းမြစ်များ

2 REYES 15:29

Peka oiko mburuvicha guasurä Israel pe yave ou Tiglat-pileser Asiriaɨgua reta juvicha guasu, jare opɨ̈ro Ijón, Abel-bet-maaca, Janoa, Cedes, Hazor, Galaad, Galilea jare opaete ɨvɨ Neftalí; jare joko pegua reta opa güɨraja tembipɨɨrä Asiria pe.

2 REYES 16:8

Acaz oipɨɨ korepoti jare oro yandeYa jo pe oime vae jare mburuvicha guasu jo pe mbaembae jepɨ vae oñeñovatúa pegua, jare omondo mbota mburuvicha guasu Asiria pegua pe.

2 REYES 17:24

Mburuvicha guasu Asiria pegua güeru kuimbae reta Babilonia güi, Cuta güi, Ava güi, Hamat güi jare Sefarvaim güi, jare oñono tëta guasu reta ɨvɨ Samaria pegua rupi, Israel pegua reta jekovia pe. Jökorai yogüɨreko ɨvɨ Samaria pe tëta guasu ñavo rupi.

2 REYES 17:6

Oseas chau año ma oiko mburuvicha guasurä yave, mburuvicha guasu Asiria pegua oike tëta guasu Samaria omoamɨri, jare güɨraja Israel pegua reta tembipɨɨrä Asiria pe, jare oñono Halah pe, Habor pe, ɨ̈aka Gozán iyɨ́vɨri, jare ɨvɨ Media pegua reta jëta guasu reta rupi.

2 REYES 18:11

Mburuvicha guasu Asiria pegua güɨraja tembipɨɨrä Israel iñemuña reta Asiria pe; opa güɨraja oñono reta tëta Halah pe, ɨvɨ Habor pe, ɨ̈aka Gozán jembeɨ pe, jare tëta guasu reta ɨvɨ Media pegua rupi;

2 REYES 18:15

Jökorai Ezequías omee opaete korepoti yandeYa jo pe oime vae jare mburuvicha guasu jo pe mbaembae jepɨ vae oñeñovatúa pegua.

2 REYES 18:32

che ayu pogüɨraja peɨvɨ rami vae pe regua, trigo jare uva oimea pe, tembíu jare vino oimea pe, ɨvɨra olivo jare ei oime pɨpea pe. Joko pe pepuereta peiko kavi, mbaetɨta pemano. Ërei agüɨye perovia Ezequías, echa pembotavɨ ko jei yave peve yandeYa ko yandereepɨta.

1 CRÓNICAS 5:26

Jókuae jeko pegua, Israel iTumpa ombopɨa-kɨ̈reɨ Pul, mburuvicha guasu Asiria pegua, jae ko Tiglat-pileser, jae opa güɨnoe Rubén iñemuña reta jare Gad iñemuña reta jare Manasés iñemuña reta oyemboyaogüe iɨvɨ güi; jare opa güɨraja reta Halah pe, Habor, Hara jare ɨ̈aka Gozán pe, añave yogüɨrekoa pe.

PROVERBIOS 28:11

Kuimbae oikokatu vae, yarakuaa yae ko omae iyé; ërei paravete reve yarakuaa katu vae, oikuaa chugüi kërai ko jae vae.

ISAÍAS 10:8

Echa jae jei: ‘Opaete mburuvicha guasu, chepo pe ko ñogüɨnoi.

ISAÍAS 5:21

¡Peparavete!, pe reta peyererovia pearakuaa katu ko vae, peyeupe oime penoi arakuaa katu.

JEREMÍAS 46:8

Jae ko Egipto, ɨ okuakuaa ɨ̈aka Nilo pe rami, ɨ täta yae oguata rami vae. Egipto jei: ‘Akuakuaata, javoi añovata ɨvɨ, opata amboai tëta guasu reta jare pɨpe yogüɨreko vae.’

JEREMÍAS 48:14

Moab agüɨye tei: ‘Orerëia yae ko, ore ko ñeraro regua imbaepuere yae vae.’

EZEQUIEL 25:3

ere chupe reta oyeapɨsaka vaerä ñee amondo chupe reta vae re: ‘Pe reta pesapúkai púkai peyerovia güi, peecha yave chetupao oyemboeteä opa oyemboai, jare ɨvɨ Israel oyemboai, jare Judá pegua reta oyererajauka tembipɨɨrä ïru ɨvɨ pe.

EZEQUIEL 26:2

“Nde kuimbae, Tiro jei Jerusalén kotɨ: ‘¡Tëta guasu Jerusalén opa oyemboai! Tëtaguasu pegua reta omaemee jare ombaegua yepi pɨpe vae. ¡Añave che mo tayemboikokatu, jae oyemboai oï ramboeve!’

EZEQUIEL 29:3

Ere chupe reta: ‘CheYa Tumpa jei körai: Che ayovaicho nde ndive Faraón, mburuvicha guasu Egipto pegua; mbaeporou päicha guasu oyapakua ɨ̈aka mbɨte pe rami vae jei: Chembae ko kuae ɨ̈aka Nilo, che ko ayapo cheyeupe.

EZEQUIEL 35:13

Pe reta peyembotuicha chekotɨ peñee rupi, jeta ñee ikavimbae pere chekotɨ. Che aendu ko.

DANIEL 4:27

Jáeramo nde mburuvicha guasu, eendu cheporomboarakuaa: Eyapo jupi vae, agüɨye mo ndeyoa, ikavimbae reta reyapo vae jekovia pe, eyapo mboroparareko oiporara ñogüɨnoi vae reta pe, jayave güɨramoi kuae ndepɨagüive reiko vae oyembopukuta ndeve.’ ”

DANIEL 4:30

jei: “¿Jaeä pa kuae Babilonia guasu che ayapo chembaepuere rupi vae? ¿Ayapoä pa ko mburuvicha reta jëtarä, jare cheporookuaía imboetea yae vaerä?”

AMÓS 5:27

Jáeramo, mombɨrɨ pogüɨrajaukata, Damasco güi kutɨ ye.” Jei yandeYa, jae ko jee Tumpa Imbaepuere yae ete vae.

AMÓS 6:13

Pe reta peyeroviaiño ma ko, pere yave: ¡Yandembaepuere rupi ko ñanoi kuae! Mbaeä etei ko.

HABACUC 1:11

Ɨvɨtuai rami oasa reta; oyapo reta ikavimbae, imbaepure güɨnoi reta itumpa reta güi.”

HABACUC 1:16

Jáeramo yeporaka regua omboete yae ipɨsa jare ipinda, omee mɨmba oyeyuka vae jare oapɨ ikäti kavi vae incienso omboete jeko pegua; echa jókuae rupi güɨnoi jou vaerä tembíu ikavigüe ikɨra kavi vae.

HABACUC 2:6

Ërei opaete tëtaguasu oñepɨ̈rogüe ñeeräño güɨreko retata, jeita chupe reta: “¡Paravete, oyemboikokatu mbae ambuae pe vae! ¿Kërai yave regua pa remboatɨta mbae oyeeya mbia re vae?”

DEUTERONOMIO 8:17

Agüɨye pere pepɨa pe: ‘Opaete kuae mbaeyekou oreparavɨkɨ rupi ko rogüɨnoi.’

JUECES 7:2

Jare yandeYa jei Gedeón pe: “Tëta ñogüɨnoi nde ndive vae jeta yae ko amee vaerä Madián iñemuña reta pepo pe, echa Israel iñemuña reta oyererovia katuta jae reta aeño ko oporomoamɨri vae.