ISAÍAS 10:12 - Biblia Guarani Tumpa Iñee

¹² Ërei yandeYa opa ma oyapo ɨvɨtɨ Sión pe jare Jerusalén pe oyapota vae yave, oinupata mburuvicha guasu Asiria pegua, ipɨapochɨ jare ipɨayemboete rupi oyapo jeko pegua.

ISAÍAS 10:12 ပူးပေါင်းရင်းမြစ်များ

2 REYES 19:31

Echa Jerusalén güi ñogüɨnoeta jembɨregüe reta; ɨvɨtɨ Sión güi oasayepegüe reta. YandeYa imbaepuere yae ete vae, oporoaɨu yae vae jeko pegua oyapota kuae.

SALMOS 18:27

Echa nde reroasayepeta tëta oiporara vae, ërei remomichita oyembotuicha vae.

SALMOS 21:10

Taɨ reta remokañɨteita ɨvɨ güi, jare iñemuña reta kuimbae reta ipɨte güi.

SALMOS 76:10

Kuimbae iyarasɨ ndemboeteukata; ¡michi yae iyarasɨ vae ave ndemboeteukata!

SALMOS 76:5

Ipɨatäta yae vae reta imbaembae opa oñepɨ̈ro chugüi reta; mbaetɨ etei metei ave mbae ipuere oyapo ipɨ̈rata yae vae reta, ¡opa omano reta!

PROVERBIOS 21:4

Yembotuicha jare pɨayemboete, jare iyoa vae reta iyemongeta, mbaeyoa ko kuae reta.

PROVERBIOS 30:13

Oime amogüe ipɨayemboete yae vae, jare omae ïru vae re oyembotuicha reve.

ISAÍAS 2:11

Ipɨayemboete vae reta iñäkatindɨta opɨta; ipɨapochɨ vae reta oñemomichiukata. YandeYaño oyembotuichaukata jókuae ara,

ISAÍAS 2:12

echa yandeYa Imbaepuere yae ete vae ojäa yave jókuae ara, opaete kuimbae ipɨapochɨ vae reta, ipɨayemboete vae reta, ipɨa ombotuicha vae reta, omoñemomichita;

ISAÍAS 24:21

Jókuae ara yandeYa oiporaraukata ara ipo reta pe ara pe, jare ɨvɨ pe mburuvicha guasu reta;

ISAÍAS 27:7

Tumpa mbaetɨ ko oiporarauka Israel pe, Israel jovaicho reta pe oiporarauka rami, mbaetɨ ko oyuka Israel, Israel jovaicho reta oyuka rami.

ISAÍAS 27:9

Jare Jacob iñemuña reta pe iñɨ̈rota iyoa reta re, oiporu chupe reta vae oyapo yave, jae ko: Opa vaerä omonguruvi ita reta, itumpa reta pe mbota omee jese vae, tövati oyemonguruvi vae rami, agüɨye vaerä ma oyapo reta Asera iä, ani kuaraɨ iä reta yepe.

ISAÍAS 29:14

jáeramo, jekuae ayapo yeta mɨakañɨ kuae tëta pe, metei mɨakañɨ tuicha vae jare oporoiämondo vae; jayave yarakuaa katu vae reta iyarakuaa opata okañɨ, jare ipoki vae reta ipɨarakuaa opata vi okañɨ.”

ISAÍAS 33:1

¡Ndeparavete, nde remaepɨ̈ro avei vae, ërei mbaetɨ kia omaepɨ̈ro ndegüi! ¡Reyapo ikavimbae, ërei mbaetɨ kia oyapo ikavimbae ndeve! ¡Opa remaepɨ̈ro yave, oñepɨ̈rota vi mbae ndegüi, opa reyapo ikavimbae yave, oyeapota vi ikavimbae ndeve!

ISAÍAS 37:23

Echa Tumpa Iyoambae Israel pegua kotɨ ko rere mbae jasɨ katu vae, ikotɨ ko neñeeäta jare ndepɨayemboete.

ISAÍAS 37:29

Aikuaa ko ndearasɨ jare ndepɨayemboete, añonota cheargolla netï re, mɨmba re oñeñono rami, jare rombokayurupeguata, jare romboyerova yeta tape reyúa rupi.”

ISAÍAS 5:15

Jare opaete kuimbae reta oñemomichiukata; jare ipɨayemboete vae reta iñäkatindɨta opɨta.

ISAÍAS 50:11

Ërei opaete, pe peyatapɨ vae reta, tata pemoendɨ vae reta, peata perata pe aeño, jókuae peyatapɨ vae pe. YandeYa jei: Che etei ayapota jókuae peve, jare opata pekañɨtei jókuae tembiporara pe.

ISAÍAS 65:7

iyoa reta ae re jare iñemuña reta iyoa re. Jae reta oapɨ yepi ikäti kavi vae incienso, ɨvɨtɨ guasu re, jare ɨvɨtɨ re oyapo reta yepi chekotɨ ikavimbae. Jáeramo, che ajäata chupe reta iyoa jepɨ, aiporaraukata chupe reta.” Jei yandeYa.

ISAÍAS 9:9

jare oikuaata ɨvɨ Efraín pegua reta, Samaria pe yogüɨreko vae reta. Jare jei retata ipɨayemboete reve:

JEREMÍAS 25:29

Echa amboɨpɨta amondo cheporonupa tëta guasu chembaerä oñeñono tee vae re, ¿perovia pa pe reta mbaetɨta peñenupa? Ngaraa pepɨta jökoraiño, echa ambouta ñeraro opaete ɨvɨ pegua reta re. Che peYa Imbaepuere yae ete vae ko jae.’

JEREMÍAS 50:18

Jáeramo, che peYa Imbaepuere yae ete vae Israel iTumpa jae: Aiporaraukata mburuvicha guasu Babilonia pegua pe jare jëtaguasu pe, mburuvicha guasu Asiria pegua ayapo rami.

JEREMÍAS 50:32

Tëtaguasu ipɨayemboete vae, nepɨ̈sa-yeyukata jare regüɨapita, jare mbaetɨta kia nemopüa vaerä. Ayatapɨta opaete nerëta guasu reta re, jare jókuae tata omboaita opaete ndeɨvɨrigua.”

EZEQUIEL 31:10

Jáeramo, yandeYa Tumpa jei körai: Jókuae ɨvɨra ɨvate yae oyeapo vae, oupitɨ amapɨtu vae jeko pegua, ipɨa pe oyembotuicha yae.

EZEQUIEL 31:14

Agüɨye vaerä ma metei ave ɨvɨra reta oyembotuicha iyé ɨ iyɨ́vɨri ñogüɨnoi vae reta, ani oyemboɨvate yae, ani oyembotuicha ɨvate yae jeko pegua. Echa opaete vae omano vaerä ko, ojo retata ko ɨvɨgüɨ pe, omanogüe reta ñogüɨnoia pe.

DANIEL 11:45

omopüata jeyupa ɨguasu jare ɨvɨtɨ guasu iyemboetea yae vae jare oñeñono tee vae ipäu pe. Ërei joko pe oväeta omano vaerä, jare mbaetɨta kia omborɨ vae.

DANIEL 4:37

Añave che Nabucodonosor, amboete jare ambotuicha Mburuvicha guasu ara pegua, echa opaete jembiapo reta añete vae ko, jare jemimbota reta jupi vae ko; jare jae ipuere omomichi ipɨayemboete oiko vae.”

NÚMEROS 24:24

Yogüeruta barco reta ɨguasu mbɨte Quitim jee vae kotɨ güi, oiporaraukata Asiria pe jare Heber pe; ërei jae reta opata vi ko okañɨtei jekuae avei pegua.”

San Mateo 12:33

Penoi yave ɨvɨra ikavi vae, ia ikavita vi. Ërei penoi yave ɨvɨra ikavimbae vae, ngaraa vi ia ikavi. Echa ɨvɨra, ia rupi ko peikuaata.

San Mateo 15:19

Echa pepɨa güi ko oë opaete yemongeta ikavimbae vae reta: mboroyuka reta, yuvanga menda re vae, aguasa reta, monda reta, iyapu reve imiari japicha re vae, ikavimbae jei Tumpa kotɨ vae.

DEUTERONOMIO 32:27

ërei aipoɨu tovaicho reta jeita vae güi, mbaetɨ aipota oyemboete tovaicho reta; echa jei retata: Orembaepuere ko oyapo opaete kuaekuae; mbaetɨ ko Tumpa oyapo.’

1 Pedro 4:17

Echa oväe ma ara Tumpa ojäa vaerä imbae vae reta; omboɨpɨ yave ojäa jo pegua reta, ¿këraitita ndipo ojäa iñee kavi kotɨ iñeereendumbae reta?