ISAÍAS 1:9 - Biblia Guarani Tumpa Iñee

⁹ Ërei yandeYa Imbaepuere yae ete vae mbaetɨ yave mona oeya mbovɨ yepe yandeve ñemuña, Sodoma jare Gomorra rami ko yapɨtata tëi.

ISAÍAS 1:9 ပူးပေါင်းရင်းမြစ်များ

GÉNESIS 18:26

Jayave yandeYa jei: —Aväe yave cincuenta jupi vae tëta guasu pe, cheɨ̈rota opaete pe, jae reta aɨu jeko pegua.

GÉNESIS 18:32

Abraham jekuae jei ye: —Agüɨye ndepochɨ cheYa chemiari yave metei ye yepe: Güɨramoi reväeta payandepo. YandeYa jei: —Ngaraa amboai payandepo vae aɨu jeko pegua.

GÉNESIS 19:24

jayave yandeYa omongɨ ara güi azufre tata ndive, tëta Sodoma jare Gomorra iárambo;

1 REYES 19:18

Jare che ayapota opɨta vaerä Israel pe siete mil, Baal jóvai mbaetɨ oyetavatɨka vae reta, jare mbaetɨ oovapɨte vae reta.”

2 REYES 19:4

Güɨramoi yandeYa Tumpa oendu opaete Rabsaces iñee reta, iya mburuvicha guasu Asiria pegua ombou iñeenguruasɨ katu vaerä Tumpa oikove avei vae kotɨ, oiporarauka vaerä iñee rupi; kuaekuae yandeYa Tumpa oendu. Jáeramo eyerure oimeño opɨtagüe reta re.”

ISAÍAS 1:8

Jare jaeño opɨta Sión, uvarupa pe tapɨi oï rami, jare melon-rupa pe o raɨ oï rami, tëta guasu, tovaicho opa omboaigüe rami.

ISAÍAS 11:11

Jökoraiño vi jókuae ara yandeYa, imbaepuere rupi güeru yeta imbae vae reta jembɨregüe oimeño opɨta Asiria pe vae, Egipto pe, Patros pe, Etiopía pe, Elam pe, Sinar pe, jare Hamat pe jare ɨguasu jembeɨ rupigua tëta reta güi.

ISAÍAS 11:16

Oyepeata tape, tëta imbae vae jembɨregüe pe, Asiria kotɨ güi oyerova reta ye yave, jëtara Israel iñemuña reta oyerova ye Egipto kotɨ güi yave rami.

ISAÍAS 17:6

oyeechambae vae jembɨre; olivo jäka oñemokana yave ia jembɨregüe rami; mókoi ani mboapɨ ia oï jäka re, irundɨ ani pandepo ia oï jäka ikavi yae vae re. Jökoraita opɨta tëtaguasu jei yandeYa Israel iTumpa.

ISAÍAS 24:13

Jökoraita opaete tëta guasu reta kuae ɨvɨ pe, ɨvɨra olivo ia oñemokana oyeitɨ rami, uva opa ma oyepoogüe re kia oyevɨka rami.

ISAÍAS 24:6

Jáeramo, yepopeyu opa omokañɨtei ɨvɨ, jaenunga vi pɨpegua reta. Jáeramo, ɨvɨ pegua reta mbovɨ yae opɨta.

ISAÍAS 37:4

Mbae mona ndeYa Tumpa oendu Rabsaces jeigüe, echa juvicha guasu Asiria pegua ombou iñeeasɨ katu vaerä jare jei vaerä mbae ikavimbae Tumpa oikove vae kotɨ, toiporarauka chupe jókuae jeigüe re; jae oendu ko opaete jókuae ñee reta. Eyerure chupe jembɨre vɨteriño vae reta re.”

ISAÍAS 46:3

Peyeapɨsaka cheré, Jacob iñemuña reta, opaete Israel iñemuña jembɨregüe reta: Che ko ayangareko peré ndei pea güive voi ma, che ko povoɨ pea ramo güive,

ISAÍAS 6:13

Jare opɨta yave mbovɨ yepe kuae tëta pe, jókuae jaenunga vi oyemboaita; ërei ngatu ɨvɨra roble jare encina jee vae reta oyeasɨa yave, jekuaeño opɨta iyɨpɨgüe, jökoraita ko opɨta ñemuña reta oñeñono tee vae jembɨregüe.”

ISAÍAS 65:8

Körai jei yandeYa: “Kia nunga vae oväe uva tɨɨ katu vae yave jei: ‘Agüɨye pemomboiño, echa mbaeyekou oï jese’, Jökoraita che ayapo cherembiokuai reta jeko pegua, ngaraa opaetei amokañɨtei.

JEREMÍAS 23:14

Che aecha ñeemombeúa reta Jerusalén pegua oyapo mbae pɨ̈chɨi yae vae; oyapo reta aguasa jare oporombotavɨ reta, jökorai omoäta ngatu reta jeko kavimbae reta, agüɨye vaerä oyepoepɨ reta jeko kavimbae güi. Jae reta jare tëta pegua reta, Sodoma jare Gomorra rami ko cheve.

JEREMÍAS 42:2

yogüeru jei reta Jeremías pe: —Roiporu ndeve añave, agüɨye neäteɨ oreve: Eyerure ndeYa Tumpa pe oreré, ore mbovɨ ropɨtagüe re. Tenonde yave jeta yae ko roikose, ërei añave mbovɨ yae ropɨta, reecha rami.

JEREMÍAS 50:20

Che, peYa jae: ‘Jókuae ara Israel jare Judá oyeyorata teko jare mbaeyoa güi, echa che cheɨ̈rota, aeya tekove ndive vae reta pe.’

LAMENTACIONES 3:22

YandeYa iporoparareko jeko pegua mbaetɨ opa ñakañɨtei, echa mbaetɨi opa iporoparareko.

LAMENTACIONES 4:6

Echa jeiete yae cherëta guasu pegua reta iyoa, Sodoma pegua reta iyoa güi; jókuae tëta opa oyemboai jarembae pegua, mbaetɨ etei kia oporepeña jese reve.

EZEQUIEL 14:22

Ërei oimeñota mbovɨ oasayepe vae, kuae reta oëta taɨ reta ndive jare tayɨ reta ndive. Yogüɨraja reta yave pépɨri, peikuaata kërai ko yogüɨreko vae re, ikavimbae oyapo reta vae, jayave pepɨakatuta kañɨtei ikavimbae aru Jerusalén re vae güi.

EZEQUIEL 6:8

Ërei mbovɨ che aroasayepeta mano güi oikoveño vaerä; kuae reta opata amoai moai ïru tëtaguasu reta rupi.

JOEL 2:32

Jare kia nunga ñavo oyerure yave cheve, oyereroasayepeukata; echa ɨvɨtɨ Sión jae ko Jerusalén, joko pe oimeta yereroasayepe, che jae rami. Jare aiparavogüe jembɨregüe güi oyereroasayepeta aenɨi vae.

AMÓS 4:11

“Pomokañɨtei, Sodoma jare Gomorra opa amboai rami; tatasɨgüe tata güi oñerenoegüe rami peasayepe, ¡ërei mbaetɨ peyerova ye chekotɨ!” Jei yandeYa.

HABACUC 3:2

CheYa Tumpa, aendu nderegua, jare opaete reyapogüe yave, chepɨakañɨ yae. Tenonde rupi mbae tuichagüe reyapo vae eyapo añave oreve, roikuaa vaerä vi. Eechauka oreve ndeporoparareko, yepe tëi ndearasɨ reve.

San Mateo 7:14

Echa ipɨmii ko öke jare tape ojo tekove opambae kotɨ. Jare mbovɨ yae ko oväe jókuae öke vae.

Romanos 9:27

Jare Isaías jei iñeeäta reve Israel pegua reta re: “Yepe tëi jeta yae ko Israel iñemuña reta, ɨguasu jembeɨ pegua ɨvɨkuitï jeta yae rami, ërei jembɨregüeño ko oyemboasata;

Romanos 9:29

Echa tenonde yave Isaías jei rami. Echa jei: “YandeYa Imbaepuere yae ete vae, mbaetɨ yave mona oeya yandeve ñaneñemuña, yapɨtata viña Sodoma jare Gomorra rami.”

DEUTERONOMIO 29:23

oecha retata azufreño, yukɨ jare ɨvɨ okaigüeño. Mbaetɨta mbae ipuere oñeotɨ pɨpe, mbaetɨta vi mbae oñemuña pɨpe, mbae nunga ñana ave mbaetɨta oñemuña pɨpe, Sodoma, Gomorra, Adma jare Zeboim oñemokañɨtei yave rami, yandeYa iyarasɨ jeko pegua omboai kuae tëta reta.

2 Pedro 2:6

Jaeramiño vi Tumpa ombou tata tëta guasu reta Sodoma jare Gomorra re opa vaerä omboai. Jaeño opɨta itanimbugüe. Jökorai opɨta opaete jeko kavimbae vae reta oikuaa vaerä.

Apocalipsis 11:8

Jare jókuae mókoi kuimbae jëogüegüe opɨtata jókuae tëta guasu joka guasu pe Sodoma jare Egipto jee vae pe, jae ko yandeYa kurusu re oyekutúa pe.