ISAÍAS 1:6 - Biblia Guarani Tumpa Iñee

⁶ Pepɨ mbɨte güive peäka kotɨ mbaetɨ ikavi, ipere oï, iruru oï, ichuumbi pepere; mbaetɨ oñepoano, mbaetɨ oyeokua, mbaetɨ vi oñepoano olivo iasaite pe.

ISAÍAS 1:6 ပူးပေါင်းရင်းမြစ်များ

2 SAMUEL 14:25

Opaete Israel pe mbaetɨ kunumi kavi Absalón rami vae, jókuae jeko pegua jërakua yae; ipɨ güive iyapɨte pe mbaetɨ mbae ikavimbae güɨnoi.

JOB 5:18

Echa jae ko oyapo mbaerasɨ pɨ̈chɨi, ërei jae yeño ko oipoano, jae ko oporombopere, ërei jae yeño ko oipoano.

SALMOS 77:2

Chepɨatɨtɨ aï yave aeka cheYa, chekueraimbae reve aupi chepo ayerure pɨ̈tu yave, ërei mbaetɨ aväe mbɨakatu.

ISAÍAS 30:26

YandeYa oipoanota pepere. Jayave yasɨ omoembipeta kuaraɨ rami, jare kuaraɨ omoembipeasɨ yaeta chiu kuaraɨ jembipe rami.

JEREMÍAS 17:9

Oporombotavɨ katu yae vae ko yandepɨa opaete ïru mbaembae reta güi, jare jeko kavimbae yae ko, ¿kia ra ipuere oikuaa?

JEREMÍAS 30:12

YandeYa jei: “Pepere ipöambae ko, pembaerasɨ reta mbaetɨ ipöa.

JEREMÍAS 30:15

¿Maera pa peroäse pepere? Pembaerasɨ ipöambae ko. Ikavimbae jeta peyapo jeko pegua, jare peyoa jeta yae vae jeko pegua, körai poapo.

JEREMÍAS 33:6

Ërei aipoano retata, oikovekatuta jare ameeta chupe reta mbɨakatu jare oiko pɨagüive reta vaerä.

JEREMÍAS 6:14

Chembae vae reta ombopɨakatu vaerä jei reta, opaete mbae jaekavi ko oï, mbaetɨ tëi ikavi oï reve.

JEREMÍAS 6:7

Jerusalén güi oë ikavimbae, ɨesaɨ güi ɨ iyapɨmbae oë rami. Ikavimbae jare jupimbae reño oyemongeta reta; aecha avei yombopere reta jare mbaerasɨ reta.

NAHUM 3:19

¡Mbaetɨ moa ndepere peguarä; ndepere okuerambae ko! Opaete vae oendu yave ndesusere oyepopete retata oyerovia güi, echa jeta ko oiporara reta ndereko ikavimbae.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

San Mateo 9:12

Ërei Jesús kuae oendu yave, jei chupe reta: —Oikove katu vae reta mbaetɨ oeka oporopoano vae. Imbaerasɨ vae retaño oeka.

San Lucas 10:34

Jayave oya jese jare oipoano ipere reta asaite pe jare vino pe, jare oyokua chugüi. Jayave ombopo imburika re jare güɨraja metei o pe, joko pe oyangareko jese.