ISAÍAS 1:5 - Biblia Guarani Tumpa Iñee

⁵ ¿Maera pa jekuaeñoi peipota peiporara? ¿Jekuaeñota pa peyembopɨapochɨ? Opaetei peäka imbaerasɨ oï, jare opaetei pepɨa pe peiporara peï.

ISAÍAS 1:5 ပူးပေါင်းရင်းမြစ်များ

2 REYES 1:13

Mburuvicha guasu jekuae omondo ye mboapɨa ma sundaro ruvicha, cincuenta sundaro ndive. Ërei jókuae sundaro ruvicha oyeupi ojo Elías oïa pe, jare oyetavatɨka jóvai, jare omoñera jei reve: —Tumpa iñeemombeúa, romoñera neɨ̈ro vaerä cheve, jare kuae cincuenta chesundaro pe;

2 CRÓNICAS 28:22

Yepe tëi yemoambeko pe güɨnoi vae, jae jeieteño iyoa yandeYa kotɨ,

NEHEMÍAS 9:34

Oreruvicha guasu reta, oreruvicha reta, oresacerdote reta, oreñemuñagüe reta mbaetɨ oyapo ndeporookuai jeigüe, jare mbaetɨ oyeapɨsaka reta ndeporookuai reta re, ani yeandu reyapo tëi chupe reta vae re.

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 31:6

Israel iñemuña reta, peyerova ye jókuae peyembopɨapochɨ yae ikotɨ vae kotɨ.

ISAÍAS 33:24

Sión pegua reta ngaraa ma jei: “Chembaerasɨ aï.” Tumpa iñɨ̈rota opaete iyoa re chupe reta.

ISAÍAS 9:13

Ërei kuae tëta mbaetɨ oyerova inupaa kotɨ; mbaetɨ oeka reta yandeYa Imbaepuere yae ete vae.

ISAÍAS 9:21

Manasés opüata Efraín re, Efraín opüata Manasés re; kuae reta mókoi reve oñemopüata ɨvɨ Judá re. Ërei yandeYa mbaetɨ iyarasɨ poi; jekuaeñoi iyarasɨ oï.

JEREMÍAS 13:23

¿Ñaguanau ipuere pa ipireyu? ¿Yaguapara ipuere pa oyeekɨ ipïra? Jökorai ko peyepokuaa ikavimbae pe, ngaraai pepuere peyapo ikavi vae.

JEREMÍAS 17:9

Oporombotavɨ katu yae vae ko yandepɨa opaete ïru mbaembae reta güi, jare jeko kavimbae yae ko, ¿kia ra ipuere oikuaa?

JEREMÍAS 2:30

Ainupaiño ma peraɨ reta, mbaetɨ etei oipota reta oikuaa maera ko oñenupa vae. Yaguapope pochɨ yae vae rami, peyuka ñeemombeúa reta kɨsepuku pe.

JEREMÍAS 44:15

Jayave, opaete oikuaa ko jembireko oapɨ ikäti kavi vae incienso tumpa ambuae reta pe vae reta, jare opaete kuña reta ñogüɨnoi joko pe vae, jare Judáɨgua yogüɨreko Patros pe ɨvɨ Egipto pe vae reta, jei reta ñee Jeremías pe:

JEREMÍAS 5:3

CheYa Tumpa, nde reeka vae ko jupigüe oyapo vae, reinupa reta tëi, ërei jeseve mbaetɨ oyandu reta; reiporarauka tëi chupe reta, ërei mbaetɨ oipota reta oikuaa. Oyembopɨa täta reta, oasa ete ye ita güi, mbaetɨ oipota reta oyerova ye ndekotɨ.

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

JEREMÍAS 5:5

Taja yarakuaa katu vae reta kotɨ tachemiari chupe reta. Echa jae reta oikuaa yandeYa jemimbota regua, iTumpa iporookuai reta. Ërei opaetei ma yepe oyembopɨapochɨ reta Tumpa kotɨ, ñäteɨ oyapo reta mborookuai jei vae.

JEREMÍAS 9:3

Oïndaivi iyapu reta vaerä, uvɨ oñemoïndaivi oñejäa vaerä vae rami. Kuae ɨvɨ pe jeiete apu, mbaetɨ añetete vae; jeiete yae ikavimbae vae oyapo reta; yandeYa jei: “Mbaetɨ oipota oikuaa reta cheregua.”

LAMENTACIONES 5:17

Jáeramo orepɨatɨtɨ yae; jäve ma romae, royaeo mbatee güi.

EZEQUIEL 24:13

Jerusalén, aipota tëi rotɨo yepi reyemongɨa ndekuimbae pota vae güi, ërei mbaetɨ reyetɨo. Reyetɨota chearasɨ aitɨ nderé yave ramo.

EZEQUIEL 34:16

Che aekata chevecha okañɨgüe jare jopagüe aru yeta jókai pe, ipɨ opë vae güi ayokuata, ipɨtu vae amborɨta; ërei ikɨra vae jare oikove katu vae ayukata. Ayangareko kavita jupi rupi jese reta.

EZEQUIEL 34:4

Mbaetɨ pemborɨ vecha ipɨtu vae, mbaetɨ vi peipoano imbaerasɨ vae, mbaetɨ peyokua ipɨ opë vae, jopa vae mbaetɨ peru jókai pe, okañɨgüe mbaetɨ peeka, perekoasɨ katu reta, mbaetɨ peyangareko kavi jese.