ISAÍAS 1:4 - Biblia Guarani Tumpa Iñee

⁴ ¡Paravete, iyoa vae reta, tëta tɨnɨe ikavimbae pe vae, ipɨapochɨ vae reta iñemuña, jare jeko opa oikomeguagüe reta! Oyembosɨrɨ reta yandeYa güi, omboarasɨuka reta Iyoambae Israel pegua, oyerova reta ye chugüi.

ISAÍAS 1:4 ပူးပေါင်းရင်းမြစ်များ

GÉNESIS 13:13

Ërei jókuae Sodoma pegua kuimbae reta jeko kaviä yae ete jare iyoa yae reta yandeYa kotɨ.

2 REYES 21:22

Oeya yandeYa iñemuñagüe reta iTumpa, mbaetɨ oiko yandeYa jemimbota rupi.

2 CRÓNICAS 12:1

Roboam oecha oï kavi yae ma iporookuaía pe yave, oeya Tumpa iporookuai reta opaete Israel iñemuña reta ndive.

2 CRÓNICAS 27:2

Oyapo jupi vae yandeYa jesa róvai, opaete mbaembae tu Uzías oyapo rami, jaeño mbaetɨ oike yandeYa jo pe. Ërei jókuae ɨvɨ pegua reta jekuaeñoi oyapo ikavimbae.

NEHEMÍAS 1:7

Oasa ete roñererokomegua ndegüi, jare mbaetɨ royapo mborookuai reta remee nderembiokuai Moisés rupi vae.

SALMOS 58:3

Mbaeyoa iyapoa reta, ichɨ jɨe güive voi ma jökorai ou; apu imiari vae reta oa ramo güive voi jökorai.

SALMOS 71:22

Che romboeteta ngitara ndive, cheRu Tumpa, atairarita ndeve, nde añete ko vae arpa ndive, cheRu Iyoambae Israel pegua.

SALMOS 78:40

¡Mbovɨ ye rupi oyembopɨapochɨ reta ikotɨ, omboarasɨuka reta ñuu pe!

SALMOS 78:41

Oyerova reta ye jare ojäa reta Tumpa, ¡omboarasɨuka reta Iyoambae Israel pegua!

SALMOS 78:57

iñemuñagüe reta rami oyembopɨapochɨ reta, ¡ñape reta, güɨrapa oyepokuaa ñape rami!

SALMOS 78:8

agüɨye vaerä iñemuñagüe reta rami: Ipɨarai reta jare ipɨapochɨ reta, mbaetɨ metei reño iyemongeta reta. ¡Tumpa kotɨ ave mbaetɨ jupigüe oyapo reta!

SALMOS 89:18

¡OreYa Tumpa nde ko jae oreyeopiaka! ¡Oreruvicha guasu jae ko Iyoambae Israel pegua!

ÉXODO 32:7

Jayave yandeYa jei Moisés pe: —Ekua, egüeyɨ ekua, echa ɨvɨ Egipto güi renoe vae reta, opa oikomegua.

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 1:28

ërei oyembopɨapochɨ chekotɨ vae reta jare iyoa vae reta opata oñemokañɨtei, jare oyembosɨrɨ chegüi vae reta opata omano.

ISAÍAS 10:6

Amondota jókuae tëtaguasu iyoa vae kotɨ, jókuae tëtaguasu chemboarasɨuka vae kotɨ, opɨ̈ro vaerä chugüi imbaeyekou reta, oñepɨ̈ro vaerä jese, tuyuapo re oñepɨ̈ro rami.

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 14:20

Mbaetɨta neotɨ reta ïru mburuvicha guasu reta rami, echa opa rerokomegua ndeɨvɨ, opa reyuka joko pegua reta. Jeko kavimbae vae reta iñemuña reta ngaraa yogüɨreko avei.

ISAÍAS 29:19

Jayave oñemomichi vae reta, oyerovia yeta yandeYa re, jare paravete yae vae reta, oyerovia yeta Iyoambae Israel pegua re.

ISAÍAS 3:8

Echa Jerusalén opa oyemboai oï, Judá opa okañɨtei, echa joko pe jei reta jare oyapo reta ikavimbae yandeYa kotɨ, mbaetɨ omboete reta jae iyemboetea, omboarasɨuka vaerä.

ISAÍAS 30:1

YandeYa jei: “¡Paravete, cheraɨ oyembosɨrɨ chegüi vae reta, oyemongeta reta mbae oyapo vaerä, oparandumbae reve cheve, oyupavo reta mbae oyapo vaerä, mbaetɨ reve che añono ipɨa pe, jökorai jeiete omoïru reta mbaeyoa iyeupe!

ISAÍAS 30:15

YandeYa Tumpa, Iyoambae Israel pegua jei: “Pepɨagüiveño, agüɨye peyembokepegua, jare peasayepeta ko, echa jayave ko oime mɨ̈rata.” Ërei pe reta mbaetɨ peipota,

ISAÍAS 30:9

Echa kuae tëta pegua reta ko ipɨapochɨ vae jare yapu yae vae, mbaetɨ oipota reta oendu yandeYa iporookuai vae.

ISAÍAS 31:2

Ërei jae iyarakuaa vae ko jare oikatu güeru vaerä susere, jae jei yave mbae, mbaetɨ oipoepɨ. Oñemopüata jeko ikavimbae vae reta kotɨ, iyoa vae reta omborɨ vae reta kotɨ.

ISAÍAS 37:23

Echa Tumpa Iyoambae Israel pegua kotɨ ko rere mbae jasɨ katu vae, ikotɨ ko neñeeäta jare ndepɨayemboete.

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

ISAÍAS 41:16

Remboveveta jare opata ɨvɨtu güɨraja; kusumirou opata omoai moai. Ërei nde reyeroviata ndeYa re, reyemboeteta Tumpa Iyoambae Israel pegua re.

ISAÍAS 41:20

opaete vae pe reta peecha vaerä jare peikuaa vaerä, kërai che peYa ko ayapo chembaepuere rupi kuae, che, Tumpa Iyoambae Israel pegua ko ayapo kuaekuae.”

ISAÍAS 5:19

Pe reta pere: “Tumpa toyapo, jae oipota oyapo vae, yaecha vaerä; Israel pegua Tumpa Iyoambae toyapo jarembae pegua iyemongeta, yaikuaa vaerä.”

ISAÍAS 5:24

Jáeramo, tata oapɨ kapii vae rami jare ñana joogüe rami, jökoraita opa pekañɨtei, temitɨ japo opa ichuumbi vae ipotɨ opa osururu vae ramita ko. Echa peröɨro yandeYa Imbaepuere yae ete vae iñee, jare Iyoambae Israel pegua iporookuai.

ISAÍAS 57:17

Israel iñemuña reta iyoa jeko pegua chearasɨ, aiporarauka chupe jare ayerova chugüi reta; ërei jeiete oyembopɨapochɨ reta, jare oyapo reta ipɨa jemimbota.

ISAÍAS 58:2

Ara ñavo chereeka reta jare ikɨ̈reɨ yae oikuaa reta vaerä cheremimbota, tëta jembiapo ikavi yae vae rami, mbaetɨ cheporookuai güi opia vae rami; mborookuai jei vae güi mbaetɨ opia vae rami, oeka reta cheve morojäa jupi vae, jare ikɨ̈reɨ yae yogüeru chekotɨ,

ISAÍAS 65:11

Ërei, pe chereeya vae reta, peakañɨ cheɨvɨtɨ oñeñono tee vae güi, peñono tembíu tumpa-raanga Gad, mbaeyekou pegua pe, pemee mbota vino oyepɨyere vae tumpa-raanga Mení, maratuta vae regua pe,

ISAÍAS 65:3

Tëta chemboarasɨ avei ara ñavo vae; kó raɨ rupi omee reta mɨmba oyeyukagüe tumpa-raanga pe, ladrillo re oapɨ reta ikäti kavi vae incienso;

ISAÍAS 9:17

Jáeramo, yandeYa mbaetɨ ipɨakatu taɨrusu vae reta re, mbaetɨ oiparareko omae tɨ̈reɨ reta re jare imemano vae reta re. Echa opaete vae jupiä jare ikaviä jeko reta, opaete vae jei oipotagüeño. Ërei yandeYa mbaetɨ iyarasɨ poi; jekuaeñoi iyarasɨ oï.

JEREMÍAS 15:6

Nde chereeya, reyerova chegüi. Jáeramo che, mbaetɨ ma aropɨa, aitɨta chepo aiporarauka vaerä ndeve jare romboai vaerä.

JEREMÍAS 2:13

Echa tëta chembae vae oyapo mókoi mbae ikavimbae: Chereeya reta, ɨesaɨ osɨrɨ vae rami aï chupe reta vae, jare oyapo reta iyeupe ɨrɨru, ɨrɨru oyeka vae, mbaetɨ ikavi ɨ oñeñovatu pɨpe vaerä vae.

JEREMÍAS 2:17

Körai ko reasa, chereeya vae jeko pegua, che, ndeYa Tumpa rogüɨroatase vae.

JEREMÍAS 2:19

Ikavimbae reyapo vae oiporaraukata ndeve, jupimbae reyapo vae nejäata. Eyemongeta jare reikuaata, ikavimbae yae ko reyapo chereeya jare mbaetɨ chemboete vae jeko pegua, che ndeYa Imbaepuere yae ete vae jae.

JEREMÍAS 2:31

Israel iñemuña reta añave pegua, peyeapɨsaka che peYa iñee re. ¿Ñuu pa ko che ndeve? ani, ¿metei ɨvɨ pɨtumimbi vae pa? Tëta chembae vae: ¿Maera pa rere: ‘Nderembipɨɨä ko ore; ngaraa ye ma royerova ndekotɨ’?

JEREMÍAS 2:33

¡Ndepoki yae, reaɨu vae reeka vaerä! ¡Ndepoki yae reyapo ikavimbae vae ko nde!

JEREMÍAS 2:5

YandeYa jei körai: “¿Mbae ikavimbae pa oväe cheré peñemuñagüe reta, chereeya reta vaerä? Omboete reta tumpa-raanga reta, jókuae rupi jae reta etei oyembosiriveä.

JEREMÍAS 32:32

opaete ɨvɨ Israel pegua reta jare ɨvɨ Judá pegua reta jembiapo reta ikavimbae rupi chemboarasɨuka vae jeko pegua; jökoraiño vi mburuvicha guasu reta jare mburuvicha reta, sacerdote reta, ñeemombeúa reta jare opaete ɨvɨ Judá pegua reta jare Jerusalén pe yogüɨreko vae reta.

JEREMÍAS 50:29

¡Pemboatɨ opaete uvɨ oikatu ojäa vae reta, oporepeña reta vaerä Babilonia re! ¡Peyembojeyupa opaetei tëta guasu ikupe rupi, agüɨye etei vaerä metei ave oasayepe! ¡Peiporarauka chupe reta, jeko reta oï rupi! ¡Peyapo chupe reta, jae reta oporoapo rami! Echa jae reta ipɨapochɨ chekotɨ, che Tumpa, iYoambae Israel pegua kotɨ.

JEREMÍAS 51:5

echa yepe tëi Israel jare Judá iyoa chekotɨ, omotɨnɨe iɨvɨ mbaeyoa pe, ërei che, iYa Imbaepuere yae ete vae, iYoambae Israel pegua, mbaetɨ aeya reta.

JEREMÍAS 7:19

¿Cheño ra chemboarasɨuka reta? Mbaetɨ ko, jae reta aeño ko teko oyapo iyeupe oñemomarai vaerä. Che ndeYa jae kuae.

JEREMÍAS 7:26

Ërei ngatu pe mbaetɨ peyapo che jae peve vae, jaeño peyembopɨa täta oasa ete ye peñemuñagüe reta güi.

EZEQUIEL 14:5

Che añataita opaete Israel iñemuña reta ipɨa, itumpa-raanga reta jeko pegua opia chegüi vae reta.

EZEQUIEL 16:33

Opaete kuña omee jete vae reta okovara, ërei ngatu nde, ndeí rembopota ndeaguasa reta, yogüeru vaerä oipota rupi güi ndeaguasarä.

EZEQUIEL 16:45

Nde ko jae omotareɨ ime jare imembɨ reta vae imemɨkuña; jökoraiño vi, omotareɨ ime reta jare imembɨ reta vae ipɨkɨɨ jare tɨke ko nde; pesɨ jae ko Het iñemuña pegua jare peru jae ko amorreo.

DANIEL 9:11

Opaete Israel iñemuña reta mbaetɨ oyapo ndeporomboe jare mbaetɨ oipota reta oyapo ndeporookuai reta; jáeramo oa oreré ikavimbae jare yepopeyu reta nderembiokuai Moisés iporookuai pe oyekuatía oï vae, echa oreyoa ndekotɨ.

SOFONÍAS 1:6

Amboaita vi opia chegüi vae reta, jare mbaetɨ chereeka vae, mbaetɨ oyerure cheve vae reta.”

NÚMEROS 32:14

Jare añave pe reta imbaeyoa vae iñemuña reta, pemomoe peru reta jeko, pemoïru vaerä yandeYa iyarasɨ Israel iñemuña reta kotɨ.

San Mateo 11:28

Opaete peyemoambeko jare pepɨatɨtɨ peiko vae reta, peyu chekotɨ. Jare che pomombutuuta.

San Mateo 23:33

¡Pe reta ko jae mboi reta rami! Ngaraa etei peasayepe peiporarata tata guasu pe vae güi.

San Mateo 3:7

Jare oecha jeta fariseo reta jare saduceo reta yogüeru Juan oporombobautisa oïa pe yave, jei chupe reta: “Pe reta ko jae mboi reta rami. ¿Kia pa omombeu peve peyerova vaerä Tumpa kotɨ, agüɨye vaerä jae oiporarauka peve?

Romanos 8:7

Echa soo jemimbota reta reño oyemoambeko vae reta oyovaicho ko Tumpa kotɨ. Echa ñäteɨ jare ipuereä oyapo reta Tumpa iporookuai;

1 Corintios 10:22

¿Ñamoägüɨroukata pa yandeYa?, ani ¿yandepuere yae pa yandeYa güi?

DEUTERONOMIO 29:25

Jare jei retata: ‘IYa Tumpa oyapo morogüɨrökuavee päve iñemuñagüe reta pe vae oeya reta jeko pegua, ɨvɨ Egipto güi güɨnoe yave omee chupe reta vae,

DEUTERONOMIO 31:16

Jayave yandeYa jei Moisés pe: “Remanota ma, jare kuae tëta oikomeguata tumpa ambuae kuae ɨvɨ pegua reta rupi, jókuae ɨvɨ yogüɨrajata yogüɨreko pɨpe vae pe; chereeya retata, omboaita morogüɨrökuavee päve ayapo jae reta ndive vae;

DEUTERONOMIO 32:19

Jare jókuae yandeYa oecha yave iyarasɨ, taɨ jare tayɨ reta iporogüɨröɨro ikotɨ ramo;

DEUTERONOMIO 32:5

Mbaetɨ oñeväe jese ikavimbae, taɨ reta ko iyoa, jeko pɨ̈chɨi jare ipɨapochɨ vae reta ko.

Colosenses 1:24

Añave ayerovia aiporara aï peré vae re. Echa aiporara aï cherete pe jókuae oataño Cristo jete re oiporara vaerä vae, jae ko oporogüɨrovia vae reta.

Apocalipsis 18:5

echa iyoa oa ojo ara re, jare Tumpa oecha jókuae jeko ikavimbae.

JUECES 10:10

Jayave oyerure reta yandeYa pe omborɨ reta vaerä, jare jei reta: “OreTumpa, oreyoa ndekotɨ, echa rosɨrɨ ndegüi jare rojo romboete jare royeokuai baal reta pe.”