ISAÍAS 1:3 - Biblia Guarani Tumpa Iñee

³ Güeye oikuaa iya, jare mburika oikuaa ikarúa rɨru iya imbae; ërei Israel tëta chembae vae mbaetɨ chekuaa jare mbaetɨ yarakuaa.”

ISAÍAS 1:3 ပူးပေါင်းရင်းမြစ်များ

SALMOS 94:8

¡Pe mbaetɨ pearakuaa vae reta, pearakuaa mo peyeupe! Pe mbaetɨ pearakuaa vae reta, ¿kërai yave pa pearakuaata ma peyeupe?

PROVERBIOS 28:5

Kuimbae jeko kavimbae reta mbaetɨ etei oikuaa ikavi vae regua, ërei yandeYa reño oyeko vae reta oikuaa opaete mbaembae.

PROVERBIOS 6:6

Iyakɨ vae, emae tasɨ reta re, emae iparavɨkɨ re jare ndearakuaa ndeyeupe:

ISAÍAS 27:11

Ɨvɨra jäka yɨpi yave opë, jökorai yave, kuña reta omonoota oapɨ vaerä. Jökorai ko kuae tëta mbaetɨ iyarakuaa. Jáeramo ko, Tumpa jae reta iYapoa, ngaraa oiparareko omae jese reta.

ISAÍAS 42:20

Echa oecha tëi jeta mbaembae, ërei mbaetɨ mbae jei; oendu tëi, ërei mbaetɨ oendu vae ramiño.

ISAÍAS 44:18

Jókuae nunga reta mbaetɨ mbae oikuaa, mbaetɨ iyarakuaa; echa jesa oñeova oï rami mbaetɨ ipuere mbae oecha, jaeramiño vi ipɨa mbaetɨ ipuere mbae oikuaa.

ISAÍAS 5:12

Pearete pe oime arpa, ngitara, tambora, mimbɨ jare jeta vino; ërei mbaetɨ pemae yandeYa oyapogüe re, mbaetɨ pemae jembiapo reta re.

ISAÍAS 5:13

Jáeramo, tëta chembae vae mbaetɨ oipota chekuaa vae jeko pegua oyererajaukata tembipɨɨrä. Jare opaete vae reta, juvicha reta ndive, yɨmbɨaɨ jare ɨuve opata oyuka.

ISAÍAS 56:11

Yaɨmba jɨ̈vɨatambae rami ko, maangarekoa mbae oikuaambae vae; opaete yogüɨreko ipɨa jemimbota reño, iyeupeguaräño mbae oeka reta.

JEREMÍAS 10:14

Opaete kuimbae reta yarakuaambae ko. Tumpa-raanga omondɨkui oyapo vae oñemomaraiukata opɨta, echa ko jembiapo reta oporombotavɨ, mbaetɨ jekove;

JEREMÍAS 10:8

Opaete tumpa-raanga reta yarakuaambae ko, mbaetɨ etei ko yarakuaa reta. ¡Jókuae tumpa-raanga reta ɨvɨra pegua mbaetɨ ipuere pemboe!

JEREMÍAS 35:16

Jonadab, Recab taɨ iñemuña reta oyapo iñemuñagüe jeigüe vae; ërei ngatu pe tëta Israel mbaetɨ peipota peyapo che jae vae.

JEREMÍAS 4:22

YandeYa jei: “Tëta chembae vae yarakuaambae ko, mbaetɨ chekuaa. Jae ko cheraɨ reta oyemongetambae, mbaetɨ omae reta iyeupe vae; ikavimbae oyapo vaerä yarakuaa katu yae, ërei ikavi vae oyapo vaerä, mbaetɨ.”

JEREMÍAS 50:6

Tëta chembae vae vecha okañɨgüe rami ko, mbaetɨ güɨroata kavi iyangarekoa reta, omaeño okañɨ reta ɨvɨtɨ rupi. Opa yogüɨraja ɨvɨtɨ reta rupi, iñakañɨ regua jókai güi.

JEREMÍAS 8:7

Güɨratï oikuaa ketɨ ojo vaerä iara pe. Pɨkasui jare tapérai ani ärakua oikuaa kërai yave ojo vaerä ïkotɨa. Ërei nde tëta chembae, mbaetɨ reikuaa cheporookuai reta.

EZEQUIEL 16:30

Che ndeYa Tumpa jae körai: ¡Mbaetɨ ndepɨa jenda peño, reyapo opaete iyaguasa pota vae jeko nemarambae reve!

DANIEL 9:11

Opaete Israel iñemuña reta mbaetɨ oyapo ndeporomboe jare mbaetɨ oipota reta oyapo ndeporookuai reta; jáeramo oa oreré ikavimbae jare yepopeyu reta nderembiokuai Moisés iporookuai pe oyekuatía oï vae, echa oreyoa ndekotɨ.

OSEAS 2:8

Ërei jae mbaetɨ oikuaa che ko amee chupe trigo, vino jare olivo iasaite vae; che ko amoïru korepoti jare oro, pɨpe oyapo reta itumpa-raanga Baal vae.

San Mateo 13:19

Kia oyeapɨsaka Tumpa iporookuaía re jare mbaetɨ oikuaa kavi yave, jae ko jókuae temitɨ tape rupi oa vae rami. Echa ou voi jókuae ikavimbae iyapoa jare omoakañɨ Tumpa iñee güi.

Romanos 1:28

Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae.

2 Pedro 3:5

Jae reta mbaetɨ oipota imaendúa kërai arakae ete Tumpa iñee rupi oyapo ara jare ɨvɨ, jare ɨguasu reta re oï ɨvɨ,