ISAÍAS 1:28 - Biblia Guarani Tumpa Iñee

²⁸ ërei oyembopɨapochɨ chekotɨ vae reta jare iyoa vae reta opata oñemokañɨtei, jare oyembosɨrɨ chegüi vae reta opata omano.

ISAÍAS 1:28 ပူးပေါင်းရင်းမြစ်များ

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

2 CRÓNICAS 21:10

Ërei jeseve Edom oyeyora Judá imbaepuere güi añave regua. Jaeramiño vi Libna oyeyora jókuae ara rupi Judá imbaepuere güi, echa Joram oeya yandeYa iñemuñagüe reta iTumpa.

2 CRÓNICAS 28:23

echa omee mɨmba oyeyukagüe Damasco pegua reta itumpa reta pe, omoamɨriuka vae reta pe. Echa oyemongeta Siria pegua mburuvicha guasu itumpa reta omborɨ ko vae, jáeramo jae oyemongeta omborɨta vi ko jae omee chupe yave mɨmba oyeyukagüe. Ërei kuae oyapo jeko pegua ko jae ou iñamɨri jare opaete Israel iñemuña reta.

2 CRÓNICAS 28:6

Peka, Remalías taɨ oyuka Judá pe metei ara pe ciento veinte mil kuimbae jëia vae, echa oeya reta ramo yandeYa iñemuñagüe reta Tumpa.

JOB 31:3

¿Jeko pɨ̈chɨi vae retaä yera osusereta, ani iyoa vae reta?

JOB 34:26

Jeko kavimbae reta rami oinupa, opaete vae reta jovake.

JOB 34:27

Echa oeya reta Tumpa, jare mbaetɨ oyemongeta reta oyapogüe re.

SALMOS 1:6

YandeYa oyangareko jupi rupi yogüɨreko vae reta re; ërei mbaeyoa rupi yogüɨreko vae reta okañɨteita.

SALMOS 104:35

Topa tokañɨtei ɨvɨ güi iyoa vae reta, jupimbae reta topa tokañɨtei. ¡Tamboete cheYa opaete chepɨa ndive! ¡Aleluya!

SALMOS 125:5

ërei opia teko ikavimbae rupi vae reta, yandeYa güɨrajata jeko ikavimbae reta ndive. ¡Mbɨakatu toï Israel pe!

SALMOS 37:38

Ërei ipɨapochɨ vae reta metei jeia pe oñemokañɨteiukata, iyoa vae reta opata okañɨtei.

SALMOS 5:6

Remokañɨtei ko apu rupi imiari vae reta, pɨ̈chɨi ko ndeve oporoyuka vae jare oporombotavɨ vae.

SALMOS 73:27

Echa, oyembosɨrɨ ndegüi vae reta, omanota; nde remokañɨteita opaete oyembosɨrɨ ndegüi vae reta.

SALMOS 9:5

Reiporarauka tëtaguasu reta pe, jeko pɨ̈chɨi vae opa remokañɨtei, ¡opaetei remokañɨtei jekuae avei pegua!

SALMOS 92:9

Echa añetete, nderovaicho reta opata ko okañɨtei; opata oñemoai moai ikavimbae iyapoa reta.

PROVERBIOS 29:1

Oyemboeta chupe vae oyembopɨa täta yave, güɨramoiño okañɨteita, mbaetɨta kia oepɨ vae.

ISAÍAS 1:4

¡Paravete, iyoa vae reta, tëta tɨnɨe ikavimbae pe vae, ipɨapochɨ vae reta iñemuña, jare jeko opa oikomeguagüe reta! Oyembosɨrɨ reta yandeYa güi, omboarasɨuka reta Iyoambae Israel pegua, oyerova reta ye chugüi.

ISAÍAS 24:20

Okanata ɨvɨ, mbae oñemokana rami, okanata metei tapɨi iyagüɨ oïeiño vae okana rami. Iyoa jeta yae ma jese, güɨrogüɨapita jare ngaraa ye ma opüa.

ISAÍAS 30:13

jáeramo, kuae mbaeyoa oï ko peve, metei ovapetea ɨvate vae oyekagüe jeieteño oyeka rami, jare güɨramoiño opata osururu vae rami;

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

ISAÍAS 50:1

YandeYa jei körai: “¿Ayapouka pa tupapire yomombo pegua pesɨ Israel peguarä, ani pomee pa chepia chupe vae reta pe, chepia re? Peyoa reta jeko pegua ko opa peñemeeuka, pepɨapochɨ jeko pegua ko pesɨ Israel oyemombouka.

ISAÍAS 50:11

Ërei opaete, pe peyatapɨ vae reta, tata pemoendɨ vae reta, peata perata pe aeño, jókuae peyatapɨ vae pe. YandeYa jei: Che etei ayapota jókuae peve, jare opata pekañɨtei jókuae tembiporara pe.

ISAÍAS 58:2

Ara ñavo chereeka reta jare ikɨ̈reɨ yae oikuaa reta vaerä cheremimbota, tëta jembiapo ikavi yae vae rami, mbaetɨ cheporookuai güi opia vae rami; mborookuai jei vae güi mbaetɨ opia vae rami, oeka reta cheve morojäa jupi vae, jare ikɨ̈reɨ yae yogüeru chekotɨ,

ISAÍAS 64:6

Opaete ore reta ko mbae ikɨa vae rami, orerembiapo kavi reta, tarapo ikɨa vae rami ko ndeve; opaete ore roa, ɨvɨra joo oa rami, jare orerembiapo kavimbae reta orereraja, ɨvɨtu güɨraja mbae rami.

ISAÍAS 65:11

Ërei, pe chereeya vae reta, peakañɨ cheɨvɨtɨ oñeñono tee vae güi, peñono tembíu tumpa-raanga Gad, mbaeyekou pegua pe, pemee mbota vino oyepɨyere vae tumpa-raanga Mení, maratuta vae regua pe,

ISAÍAS 66:17

YandeYa jei: “Ko raɨ rupi, oyoaɨkue yoaɨkue oñeñono tee jare oyetɨo, omboete vaerä itumpa-raanga reta vae; kuchi jare anguya isoo jou vae reta, jare ïru soo oyeumbae vae jou vae reta, opata amokañɨtei ete voi.” Jei yandeYa.

ISAÍAS 66:24

Yogüeruta oecha reta, kuimbae reta oyembopɨapochɨ chekotɨ vae reta jëogüegüe. Echa taso reta jou jetegüe vae mbaetɨta omano, jare mbaetɨta vi ogüe tata, ókai reta ñogüɨnoi pɨpe vae. ¡Yavaete yaeta oyekuaa reta opaete vae pe!”

JEREMÍAS 17:13

CheYa Tumpa, nde jae ko Israel iyeroviaka. Opaete ndereeya vae imarata ko. Opaete oyembosɨrɨ ndegüi vae, okañɨta metei kuimbae jee oyekuatía ɨvɨkúi re rami, echa ndereeya, nde ɨesaɨ osɨrɨ vae.

JEREMÍAS 44:12

Judá pe jembɨregüe yogüɨraja ɨvɨ Egipto pe yogüɨreko vaerä vae opata amokañɨtei. Opaete vae, paravete vae güive oikokatu vae pe omanota ñeraro rupi, ani karuai rupi jare peikota kia reta iñee kaviä vaerä pekotɨ, okɨɨye vaerä jare omae kaviä vaerä peré, peikota yepopeyurä jare yeyóyai yóyai rupi.

OSEAS 14:9

Yarakuaa katu vae jare oyeandu katu vae reta toikuaa kuae ñee: YandeYa jemimbota sɨmbi ko, jupi vae reta oguatata jokoropi, ërei ipɨapochɨ vae reta, oyepɨakata jokoropi.

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.

2 Pedro 3:7

Ërei ara jare ɨvɨ oime añave vae oñeñovatu ko oï Tumpa iñee rupi tata peguarä iporojäa iara peguarä jare iyoa vae reta okañɨtei yave peguarä.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

1 SAMUEL 12:25

Ërei ngatu peapɨäño yave peyapo ikavimbae, pekañɨteita peruvicha guasu ndive.