ISAÍAS 1:23 - Biblia Guarani Tumpa Iñee

²³ Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 1:23 ပူးပေါင်းရင်းမြစ်များ

2 CRÓNICAS 36:14

Jökorai vi opaete sacerdote tenondegua reta, jare tëta pegua reta jeiete yae ikavimbae oyapo, omomoe reta tëtaguasu pegua reta jeko ikavimbae yae vae, jare yandeYa jo jae oñono tee Jerusalén pe vae omongɨa reta.

ÉXODO 23:8

Agüɨye peipɨɨ vɨari mbota teko iya güi; echa jókuae mbota güɨrokomegua oporojäa vae reta jare jupi vae reta.

PROVERBIOS 17:23

Iyoa vae, oipɨɨ mbaemboepɨ vɨari, güɨ rokomegua vaerä jupi vae.

PROVERBIOS 29:24

Imonda vae omborɨ katu vae, jekove kotɨ aeño ko oyovaicho, echa yepe tëi oñeengata chupe omombeu vaerä, ërei mbaetɨ omombeu.

ISAÍAS 1:17

¡Peyemboe mo peyapo ikavi vae; peeka peyapo vaerä jupi vae, peyapo mo ikavi vae, oiporara yae vae reta pe, peyapo jupi vae tɨ̈reɨ reta pe, peepɨ imemano vae reta!”

ISAÍAS 1:18

YandeYa jei: “Peyu yayoaka. Yepe tëi peyoa reta pɨ̈taasɨ yae, ërei amotïasɨta iroɨ rami; ani temimonderä vae pɨ̈taasɨ vae rami yave, vecharaa tïi vae rami amotïasɨta;

ISAÍAS 1:22

Ndekorepoti opa opɨta ɨtɨ ramiño, ndevino kavi opa opɨta vino oyeagüe ramiño.

ISAÍAS 28:14

Jáeramo, peyeapɨsaka yandeYa iñee re, pe, kuimbae oporoyóyai yóyai vae reta, kuae tëta Jerusalén juvicha reta.

ISAÍAS 3:14

YandeYa outa ojäa tëta imbae vae itenondegua jare juvicha reta: “Pe reta opa pemokañɨtei cheuvarupa; paravete vae reta güi peñomigüe oime penoi pero pe.

ISAÍAS 30:1

YandeYa jei: “¡Paravete, cheraɨ oyembosɨrɨ chegüi vae reta, oyemongeta reta mbae oyapo vaerä, oparandumbae reve cheve, oyupavo reta mbae oyapo vaerä, mbaetɨ reve che añono ipɨa pe, jökorai jeiete omoïru reta mbaeyoa iyeupe!

ISAÍAS 33:15

Jupi rupi oiko vae jare jupi rupi imiari vae, güɨröɨro yemboikokatu maepɨ̈ro rupi vae, mbaetɨ omomora mbae oyemboepɨ vɨari vae, mbaetɨ oyeapɨsaka yemongeta ikavimbae pegua vae re vae, jare mbaetɨ omae ipɨa pe ikavimbae re vae;

ISAÍAS 5:23

Peipɨɨ vɨari korepoti vae rupi mbaetɨ pemboeko, jeko tëi vae, jare mbaetɨ peñono kavi teko, jekombae vae peguarä.

ISAÍAS 65:2

Ara ñavo arökuavee tëi chepo tëta ipɨapochɨ vae pe, jókuae tëta oguata tape ikavimbae rupi, ipɨa jemimbota rupiño.

JEREMÍAS 22:17

Ërei nde jaeño reyemoambeko, reipota rai vae renoi vaerä; jare reyukauka vaerä jekombae, rerekoasɨ katu jare ndembaeyuvanga katu nerëta re.”

JEREMÍAS 32:32

opaete ɨvɨ Israel pegua reta jare ɨvɨ Judá pegua reta jembiapo reta ikavimbae rupi chemboarasɨuka vae jeko pegua; jökoraiño vi mburuvicha guasu reta jare mburuvicha reta, sacerdote reta, ñeemombeúa reta jare opaete ɨvɨ Judá pegua reta jare Jerusalén pe yogüɨreko vae reta.

JEREMÍAS 4:17

Oimama retata tëta guasu reta Judá pegua, ko reta re oyangareko vae reta rami, echa oyembopɨapochɨ reta chekotɨ. Che ndeYa jae kuae.

JEREMÍAS 5:5

Taja yarakuaa katu vae reta kotɨ tachemiari chupe reta. Echa jae reta oikuaa yandeYa jemimbota regua, iTumpa iporookuai reta. Ërei opaetei ma yepe oyembopɨapochɨ reta Tumpa kotɨ, ñäteɨ oyapo reta mborookuai jei vae.

JEREMÍAS 5:6

Jáeramo yaguapope oëta kaa güi jare oyuka retata, aguarayaɨmba ñuu rupigua opata ombojaɨ jaɨ reta, yaguapara oporepeñata tëta guasu reta re jare kia oë yave ombojaɨ jaɨta; echa jeiete yae pɨapochɨ reta, jare mbaetɨ jupi reta.

EZEQUIEL 12:2

“Nde kuimbae, reiko ipɨapochɨ vae reta ipɨte pe. Oime tëi jesa reta omae reta vaerä, ërei mbaetɨ oecha reta; oime tëi iyapɨsa reta, oendu reta vaerä, ërei mbaetɨ oendu reta, echa ipɨapochɨ vae reta ko.

EZEQUIEL 22:27

Nderuvicha reta aguarayaɨmba reta rami oporoyuka, opɨyere reta tugüɨ, oporoyuka reta oyemboikokatu vaerä.

OSEAS 4:18

¡Mbaetɨ ipɨ̈rata osavaɨpo vae reta rami! Jekuaekuae oyapo reta mbaeyoa juvicha reta oaɨu teko pɨ̈chɨiño.

OSEAS 5:10

YandeYa jei: “Judá pegua mburuvicha reta, jae ko ɨvɨ jembeɨ güɨrosɨrɨ vae reta rami, ¡chearasɨ yaeta ikotɨ reta!

OSEAS 9:15

YandeYa jei: “Gilgal pe oyapo reta opaete ikavimbae vae, joko güi amboɨpɨ aröɨro reta. Ikavimbae oyapo reta vae jeko pegua amombo retata chero güi; mbaetɨta ma aaɨu reta, echa opaete juvicha reta ipɨapochɨ yae.

AMÓS 5:12

Echa che aikuaa ko pepɨapochɨ yae vae, jare jeta peyoa reta vae; aikuaa ko peiporarauka jupi vae pe vae, jare peipɨɨ mbae oyemboepɨ vɨari vae, jare ñejäa renda pe paravete vae reta pemoamɨriuka.

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

MIQUEAS 3:9

Peendu añave kuae, Israel iñemuña juvicha reta, morojäa peröɨro vae reta, opaete teko kavi perokomegua vae reta.

MIQUEAS 6:12

Oikokatu vae reta omotɨnɨe jo, mbae oñomigüe pe jare joko pe yogüɨreko vae reta yapu imiari jare oporombotavɨ reta.

MIQUEAS 7:3

Oikatu yae oyapo reta vaerä ikavimbae; mburuvicha reta oekɨ mbae iyeupe ïru vae reta güi, jare oporojäa vae reta oporojäa jepɨ chupe ramoño; mbaepuere güɨnoi vae imiari ipɨa jeiaño, jare opaete vae reta omborɨ katu.

ZACARÍAS 7:10

Agüɨye perekoasɨ katu imemano vae, tɨ̈reɨ, ketɨgua, ani paravete vae. Agüɨye metei ave toyemongeta pɨ̈chɨi ipɨa pe ïru vae kotɨ.’

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

NÚMEROS 22:7

Jare Moab pegua jare Madián pegua tenondegua reta güɨraja reta ipo pe imbaekuaa vae pe oyemboepɨ rami, jare opa yogüɨraja oväe Balaam pe, jare jei reta chupe Balac iñee.

San Mateo 21:13

Jare jei chupe reta: —Tumpa Iñee pe oyekuatía oï körai: “Chero oyembojeeta o yerure pegua pe.” Ërei pe reta peyapo ma imonda vae reta iñemía rami.

San Marcos 11:17

Jare jei joko pe ñogüɨnoi vae reta pe: —Tumpa Iñee pe oyekuatía oï körai: “Chero oyembojeeta o yerure pegua opaete ɨvɨ pegua reta peguarä.” Ërei pe reta peyapo ma imonda vae reta iñemía rami.

San Lucas 19:46

Jei reve chupe reta: —Tumpa Iñee pe oyekuatía oï körai: “Chero ko jae yerure pegua.” Ërei pe reta peyapo ma imonda vae reta iñemía rami.

San Lucas 24:27

Jayave Jesús omboɨpɨ omombeu kavi chupe reta Moisés jembikuatía reta güive jare opaete ñeemombeúa reta oikuatiagüe, kërai opaete jókuae Tumpa Iñee imiari jese vae.

DEUTERONOMIO 16:19

Agüɨye perokomegua jupi vae; agüɨye etei pemboyoavɨ metei vae ïru ndive, echa jókuae nunga güɨrokomegua yarakuaa vae reta jare jupi vae reta.

Santiago 1:27

Mborogüɨrovia ikavi jare ikɨambae yandeRu Tumpa jóvai vae, jae ko: Yamborɨ tɨ̈reɨ reta jare imemano vae reta oiporara ñogüɨnoi vae, jare yayeangareko ɨvɨ pegua ikavimbae vae güi.

1 SAMUEL 8:3

Ërei mbaetɨ omomoe reta tu jeko, imbae potarai yae reta, korepoti oipɨɨ vɨari reta, güɨrokomegua reta teko jupi vae.