ISAÍAS 1:18 - Biblia Guarani Tumpa Iñee

¹⁸ YandeYa jei: “Peyu yayoaka. Yepe tëi peyoa reta pɨ̈taasɨ yae, ërei amotïasɨta iroɨ rami; ani temimonderä vae pɨ̈taasɨ vae rami yave, vecharaa tïi vae rami amotïasɨta;

ISAÍAS 1:18 ပူးပေါင်းရင်းမြစ်များ

JOB 9:33

¡Oime mona kia oporojäa vae oreve, orejäa vaerä mókoi reve,

SALMOS 51:7

Chetɨo ñana hisopo pe, jare taiko chekɨambae; cheyoe, jare taiko iroɨ tïiasɨ vae rami;

SALMOS 51:9

Eñomi nderova cheyoa reta güi, jare emboai opaete ikavimbae oï cheré vae.

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 3:13

YandeYa oporojäa vaerä ma oï, ojäata tëta imbae vae.

ISAÍAS 41:1

“Peyeapɨsaka cheré, tëtaguasu reta ɨguasu jembeɨ rupi peï vae, peñemoäta ngatu jare peyu. Peyu ñanemiari kuae teko re, yayomboatɨ yayoaka jese.

ISAÍAS 41:21

YandeYa, Jacob iñemuña reta juvicha guasu jei: “Tumpa-raanga reta, peyu peyeepɨ, peyu peñemoë peyé.

ISAÍAS 44:22

Opa amboai ndepɨapochɨ reve reyavɨgüe amapɨtu opa okañɨ rami, jare ɨ̈vɨti rami opa amokañɨ ndeyoa reta. Eyerova ye chekotɨ, echa che royora.”

ISAÍAS 50:8

Köi ko oiko chegüi chereepɨ vae, ¿oime pa kia oipota oyoaka che ndive? Torojo päve oporojäa vae jóvai, ¿oime ra kia mbae re oñeapo vaerä cheré? ¡Tou jare tei cheve!

ISAÍAS 55:7

Iyoa vae toyepoepɨ, jare kuimbae ipɨapochɨ yae vae toeya iyemongeta, jare toyerova ye yandeYa kotɨ, jare jae iporopararekota jese, jare ñaneTumpa kotɨ, echa jae ipɨakavi avei iñɨ̈ro vaerä.

JEREMÍAS 2:5

YandeYa jei körai: “¿Mbae ikavimbae pa oväe cheré peñemuñagüe reta, chereeya reta vaerä? Omboete reta tumpa-raanga reta, jókuae rupi jae reta etei oyembosiriveä.

EZEQUIEL 18:27

Ërei iyoa vae opia yave ikavimbae güi, jare oyapo yave jupi vae, güɨroasayepeta jekove.

EZEQUIEL 33:16

Ngaraa chemaendúa mbaeyoa reta oyapogüe re, echa oyapo ikavi vae jupi rupi, oikoveta oiko.’

MIQUEAS 6:2

Ɨvɨtɨ guasu reta jare ɨvɨ iguapɨka reta: Peendu yandeYa iporojäa; echa yandeYa oime güɨnoi yoaka imbae vae reta ndive, oñono kavita teko Israel iñemuña reta ndive.

Hechos 17:2

Jare Pablo ojo jókuae tupao pe. Echa jökorai oyapo opaete tëta guasu reta rupi. Jare ara mbutuu ñavo oyoaka judío reta ndive, mboapɨ ara mbutuu rupi,

Hechos 18:4

Ara mbutuu ñavo Pablo oyoaka judío reta itupao pe. Kuae oyapo, judío reta jare judiombae vae reta güɨroviauka vaerä.

Hechos 24:25

Ërei Pablo jei chupe kërai ikavi yayapo vaerä jupi vae, jare yayopia vaerä yanderete oipota vae güi, jare kërai Tumpa ojäata ɨvɨ pegua reta. Félix kuae oendu yave okɨɨye jare jei Pablo pe: —Ekuaño räri. Chepuere yave, toroenɨi ye kuri.

Romanos 5:20

Echa mborookuai oyeapo, mbaeyoa omboyekuaa kavi yae vaerä. Ërei mbaeyoa reta jeta yae oyekuaa yave, oasa ete ye Tumpa ipɨakavi.

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.

1 SAMUEL 12:7

Añave peyeapo katu, ayoakata pe reta ndive yandeYa jóvai, jae iporoparareko pekotɨ vae re jare peñemuñagüe reta kotɨ vae re.