ISAÍAS 1:16 - Biblia Guarani Tumpa Iñee

¹⁶ ¡Peyeyoe jare peyetɨo! ¡Pembosɨrɨ peyeugüi ikavimbae peyapo cheresa róvai rupi vae! ¡Agüɨye mo peyapo ikavimbae!

ISAÍAS 1:16 ပူးပေါင်းရင်းမြစ်များ

2 REYES 17:13

Jayave yandeYa omboeta Israel jare Judá pegua reta pe opaete ñeemombeúa reta rupi; jare opaete mbae re oecha voi vae reta rupi jei: “Peeya pereko ikavimbae jare peñovatu cheporookuai reta che jae peñemuñagüe reta pe rami, che amombeu peve cheñeemombeúa reta rupi rami.”

SALMOS 26:6

Ayepoe ma mbaeyoa güi, jökorai ajata mɨmba oyeapɨ oñemee jese ndeve vae kotɨ, cheYa Tumpa.

SALMOS 34:14

Eyembosɨrɨ ikavimbae güi, jare eyapo ikavi vae; eeka mbɨakatu, jare eiko avei mbɨakatu rupi.

SALMOS 37:27

Eyembosɨrɨ ikavimbae güi jare eyapo ikavi vae, jare reikota jekuae avei pegua.

SALMOS 51:2

Cheyoe yeyé ikavimbae güi, chetɨo cheyoa güi.

PROVERBIOS 21:3

Jupi rupi jare sɨmbi rupi mbae oyeapo vae ko ikavi yae yandeYa pe, mɨmb a oyeyuka oñemee chupe vae güi.

PROVERBIOS 4:27

Agüɨye epia ketɨ ave; agüɨye emomoe ikavimbae.

ISAÍAS 52:11

¡Pesɨrɨ, pesɨrɨ, peë jókuae Babilonia güi, agüɨye peyavɨkɨ mbae ikɨa Tumpa jóvai vae, peë joko güi; peyetɨo yandeYa jembiporu jerajaa reta!

JEREMÍAS 18:11

Ere, Judá pegua reta pe jare Jerusalén pe yogüɨreko vae reta pe, yandeYa jei körai: ‘Ayemongeta aï pekotɨ, aiporarauka vaerä peve. Peyepoepɨ mo ikavimbae güi, peyapo kavi pereko jare perembiapo reta.’

JEREMÍAS 25:5

Jae reta jei peve: ‘Peeya pereko kavimbae jare perembiapo pɨ̈chɨi yae vae; pepuere vaerä peiko ɨvɨ yandeYa omee peve jare peñemuñagüe reta pe jekuae avei pegua vae pe.

JEREMÍAS 26:3

Güɨramoi oendu reta, jare oeya reta metei vae ñavo jeko kavimbae; jayave che aipoepɨta cheyemongeta, ayapota tëi ikavimbae chupe reta vae, jembiapo reta ikavimbae jeko pegua re vae.

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

JEREMÍAS 4:14

Jerusalén, ndepɨa eitɨo ikavimbae güi reasayepe vaerä, ¿kërai yave regua pa remaeñota oiko, yemongeta ikavimbae ndepɨa pe?

AMÓS 5:15

¡Pemotareɨ ikavimbae! ¡Jare peaɨu ikavi vae! Ñejäa pe toime jupi vae; güɨramoi jayave yandeYa Tumpa Imbaepuere yae ete vae iñɨ̈rota José iñemuñagüe reta pe.

JONÁS 3:8

Jaeño peñeapeva temimonde mbɨatɨtɨ pegua pe, jare pesapúkai täta yeyé Tumpa pe; jare metei ñavo vae toyepoepɨ jeko kavimbae güi jare jembiapo ikavimbae güi.

ZACARÍAS 13:1

Jókuae ara oyepeata metei ɨesaɨ David iñemuña reta peguarä jare Jerusalén pegua reta peguarä, oyeapo vaerä yetɨo mbaeyoa güi jare ikɨa Tumpa jóvai vae güi.

ZACARÍAS 7:7

¿Jaeä yera kuae ñee yandeYa omoërakuauka tenondegua ñeemombeúa reta rupi; Jerusalén pegua reta yogüɨreko pɨagüive yepi, jare iyɨ́vɨri rupigua tëta guasu reta jare ɨvɨ Neguev jare Sefela pe yogüɨreko vae?

San Mateo 3:8

peyapo ikavi vae, jökorai pemboyekuaa añetete peeya ko peyemongeta ikavimbae vae pepɨa pe penoi vae.

Hechos 22:16

Añave ¿mbae pa reäro? Epüa eyembobautisauka reyerure reve chupe, ndeyoa reta oyemboai vaerä.’

Romanos 12:9

Peyoaɨu añetetegüe rupi. Pemotareɨ ikavimbae vae, pemomoe ikavi vae.

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

Santiago 4:8

Peyemboya Tumpa re jare jae oyata peré. Iyoa vae reta, peyepoe. Pe iyemongeta oipoepɨ katu vae reta, peitɨo pepɨa.

1 Pedro 2:1

Jáeramo, peeya opaete ikavimbae vae, opaete mborombotavɨ, opaete tova mókoi, akatúä reta jare opaete ñeeasɨ katu.

1 Pedro 3:11

Tosɨrɨ ikavimbae güi, jare toyapo ikavi vae, tipɨakatu avei opaete vae ndive.

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.