ISAÍAS 1:15 - Biblia Guarani Tumpa Iñee

¹⁵ Pepo peupi peyerure yave, ngaraa amae peré; yepe tëi jeta peyerure, che ngaraa aendu. Pepo reta tugüɨ yepeai penoi.

ISAÍAS 1:15 ပူးပေါင်းရင်းမြစ်များ

1 REYES 8:22

Jaɨkue rupi Salomón oñeñono mɨmba oyeyuka oyeapɨ jese vae yandeYa imbae jóvai, opaete Israel iñemuña reta yatɨ vae jóvai, jare omopüa ipo ara kotɨ,

1 REYES 8:54

Salomón opa oyerure omoñera reve vae yave, opüa jókuae oyetavatɨka oï jókuae mɨmba oyeyuka oyeapɨ jese vae jóvai güi, ipo omopüa oï ara kotɨ vae güi,

ESDRAS 9:5

jayave ramo apüa chepɨatɨtɨa güi, cheremimonde jare cheñeapevaka osoro reve ayetavatɨka jare ayerure aupi reve chepo cheYa Tumpa pe,

JOB 27:20

Ara pe etei opüata jese oporoiämondo vae reta, jare ɨvɨtuai pɨ̈tu yave güɨrajata.

JOB 35:13

Tumpa Imbaepuere yae ete vae, mbaetɨ oendu jupimbae; mbaetɨta omae jókuae nunga reta re.

SALMOS 134:2

¡Pemopüa pepo reta o mbaemboetea kotɨ, pemboete yandeYa!

SALMOS 55:1

CheRu Tumpa, eendu cheyerure, agüɨye emaeiño cheyerure re.

SALMOS 66:18

Chepɨa pe anoi yemongeta ikavimbae vae yave, mbaetɨta tëi ko Tumpa oyeapɨsaka cheré.

ÉXODO 9:29

Jare Moisés jei chupe: —Kuae tëta güi aë ñoete aupita chepo ayerure oreYa kotɨ, jare ararɨapu jare amandau osondo vaerä; reikuaa vaerä oreYa ko jae ɨvɨ iya vae.

PROVERBIOS 1:28

Jókuae ara chereenɨita, ërei ngaraa aendu peve; chereeka tëita, ërei ngaraa cheväe chupe;

PROVERBIOS 6:17

Oyemboete yae iyé vae, apu omomora vae, jekombae oyukaiño vae,

ISAÍAS 4:4

YandeYa oporojäata jare oporonupata vae rupi oitɨota Sión pegua kuña reta iyoa, jare oyoeta Jerusalén pe jeta tugüɨ oyepɨyere vae,

ISAÍAS 45:15

Añetete, nde ko jae Tumpa oyeechambae, Israel iTumpa, oporoepɨ vae.

ISAÍAS 58:4

Yekuaku tembíu güi iara pe, peyoaka jare peñoraro vaeräño, peporombopere püriete pe. Agüɨye yekuaku iara pe peyapo jökorai, echa ngaraa aendu peve peyerure reta.

ISAÍAS 58:7

pemboyao perembíu oata chupe vae ndive vae, pemee oputuu vaerä paravete vae pero pe vae, pemboemimonde mbaetɨ jemimonde vae, jare mbaetɨ peikuaku mbae penoigüe perëtara güi vae.

ISAÍAS 64:7

Mbaetɨ metei ave oyerure ndekotɨ vae, mbaetɨ metei ave imaendúa oyeko vaerä nderé; jáeramo orereeya, orereeya orepiru vaerä ñana rami, orembaeyoa reta pe.

ISAÍAS 8:17

Yepe tëi yandeYa oñomi jova Jacob iñemuña reta güi, ërei jeseve che ayeko avei ko jese. Añonota chepɨa jeseño.

JEREMÍAS 11:11

Jáeramo aruta chupe reta susere mbaetɨta ipuere otekuarai chugüi vae. Yepe tëi täta jäse reve oeka cheve yemborɨ, ngaraa aendu chupe reta. Che ndeYa jae kuae.

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

JEREMÍAS 4:31

Kuña jaeramo imembɨ vae oyekuaku yave jäse vae rami, aendu täse, jae ko Sión pegua reta jäse vae, jäse, ipo reta oupi reve jei: ‘¡Atataɨ! ¡Jaema cheyukata oporoyuka vae reta!’ ”

EZEQUIEL 11:6

Pe reta jeta peporoyuka kuae tëta guasu pe, pekaye reta pemotɨnɨe tëogüe pe.

EZEQUIEL 14:3

“Nde kuimbae, kuae kuimbae reta oñono ipɨa pe tumpa-raanga reta omboete vaeräño, omae reta jókuae mbaeyoa oyapouka chupe reta vae kotɨño. ¿Amaeñota yera oparandu reta mbae re cheve?

EZEQUIEL 39:23

Jare tëtaguasu reta oikuaata, kërai Israel iñemuña reta oyererajauka tembipɨɨrä iyoa jeko pegua, oyembopɨapochɨ reta chekotɨ ramo che ayerova chugüi reta, amee jovaicho reta ipo pe, jare opaetei omano reta ñeraro pe.

OSEAS 5:6

Ivecha reta reve jare iguaka reta reve yogüɨrajata oeka yandeYa, ërei ngaraa oväe reta chupe, echa jae osɨrɨ chugüi reta.

MIQUEAS 3:4

Metei ara peenɨita yandeYa, ërei jae ngaraa oendu peve; oñomita jova pegüi jókuae ara rupi, teko kavimbae yae peyapo jeko pegua.

ZACARÍAS 7:13

Jare jei: “Che aenɨi reta tëi yave mbaetɨ oyeapɨsaka cheré, jökoraiño vi osapúkai reta chekotɨ yave; che mbaetɨta aendu chupe reta.

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

San Mateo 6:7

Jare reyerure yave, agüɨye eyerure judiombae vae reta oyerure rami. Echa jae reta jekuaeño omboaɨkuere yeyé jei metei vaeño. Güɨrovia jökorai iyerure oenduta Tumpa chupe reta.

San Juan 9:31

Yaikuaa kavi ko, Tumpa mbaetɨ oyeapɨsaka iyoa vae reta re. Ërei kia oipoɨu jare oyapo yave Tumpa jemimbota, jae oyeapɨsaka jese.

1 Timoteo 2:8

Jáeramo aipota kuimbae reta oyerure vaerä Tumpa pe opaete kerupi rupi omopüa reve ipo, iyarasɨmbae reve jare ñerarombae reve.