ISAÍAS 1:14 - Biblia Guarani Tumpa Iñee

¹⁴ Amotareɨ yae ko pegüi arete reta yasɨ pɨau jare pearete reta ikavi yae peyapo vae, mbaetɨ etei ko ipöra cheve; chekuérai ma aropɨa.

ISAÍAS 1:14 ပူးပေါင်းရင်းမြစ်များ

1 CRÓNICAS 23:31

jare oñemee yave mɨmba oyeyuka opaetei oyeapɨ vae yandeYa pe ara mbutuu pe, yasɨ pɨau pe jare arete ikavigüe pe, oime aveita oyeokuai reta yandeYa pe oyepapa jókuae peguarä vae rupi.

ISAÍAS 29:1

¡Paravete, tëta Ariel, David oikose pɨpe vae! Peroaño añoi peyapo jókuae pearete reta.

ISAÍAS 29:2

Ërei aruta chupe mbaesusere, jäseta jare oyaeota, jare jókuae tëta guasu oïta cheve Arielrä.

ISAÍAS 43:24

Mbaetɨ ko pegua cheve mbae ikäti kavi vae reta, peru vaerä cheve mbotarä, mbaetɨ ave vi peru chembopɨakatu vaerä mɨmba ikɨragüe pe. Jaeño chembogüérai peyoa reta pe, chembokangɨ pereko kavimbae reta pe.

ISAÍAS 61:8

Echa che peYa, jupi vae oaɨu vae ko, amotareɨ ko mɨmba oñeomi oñemee mɨmba oyeyukagüe opaetei oyeapɨ vaerä vae. Che, ameeta jupi rupi kavi mbota mbaravɨkɨ re, jare ayapota morogüɨrökuavee päve jae reta ndive jekuae avei pegua.

ISAÍAS 66:23

Yasɨ pɨau iarete ñavo pe, jare ara mbutuu iara ñavo yogüeruta opaete vae chemboete. Che peYa ko jae kuae.

ISAÍAS 7:13

Jayave Isaías jei: “Peyeapɨsaka añave David iñemuña reta. ¿Mbaeä etei pa peve pemoambeko vaerä kuimbae reta, jare jökorai vi pemoambeko peï cheTumpa vae?

OSEAS 2:11

Amboapɨta iyerovia katu, iarete reta, yasɨ pɨau pegua arete reta, ara mbutuu pegua reta jare opaete apirai iara reta.

OSEAS 5:7

Mbaetɨ jupi rupi yogüɨreko reta yandeYa pe, imembɨ reta ambuae kuimbae pe. Jáeramo, metei yasɨ peño omokañɨtei retata iɨvɨ ndive.

AMÓS 2:13

Mase, opaete mbaembae peyapogüe re poumbirita jókuae peïa pe, metei käretou tɨnɨe trigo pe vae oyeumbiri rami.

AMÓS 5:21

Amotareɨ jare chemboyuguaru ko opaete peporomboete pemopöra yae peyapo vae; jare mbaetɨ chepɨakatu peyemboatɨ guasu reta re.

ZACARÍAS 11:8

Jare metei yasɨ pe mboapɨ maangarekoa amboai, echa mbaetɨ ma chepɨaguasu ikotɨ reta, chereröɨro reta jeko pegua.

MALAQUÍAS 2:17

Pembogüérai ma yandeYa peñee pe. Ërei pere: “¿Mbae nunga ñee pe pa rombogüérai?” Echa pere: “Kia nunga vae oyapo ikavimbae yave ombopɨakatuño yandeYa.” Ani pere yave: “¿Ketɨ pa opɨta yandeYa jupi yae vae?”