ISAÍAS 1:11 - Biblia Guarani Tumpa Iñee

¹¹ YandeYa jei: “¿Jeta mɨmba oyeyukagüe pemee vae, mbae ra pa ikavita cheve? Chembogüérai ma mbota vecha kuimbae reta oyeyukagüe opaetei oyeapɨ vae, jare mɨmba ikɨragüe; toro reta, vecha kuimbae reta jare kavara kuimbae reta jugüɨgüe mbaetɨ ma aipota.

ISAÍAS 1:11 ပူးပေါင်းရင်းမြစ်များ

SALMOS 40:6

Mɨmba oyeyukagüe jare mbota mbaetɨ ndembopɨakatu; mɨmba oyeyukagüe opaetei oyeapɨ vae jare ñɨ̈ro pegua mbaetɨ reeka oreve, ërei reipea cheapɨsa.

SALMOS 50:8

Ngaraa amboeta ndeve mɨmba oyeyukagüe re, jare mɨmba oyeyukagüe opaetei oyeapɨ vae remee avei cheve vae re.

SALMOS 51:16

Echa mbaetɨ reipota mɨmba oyeyukagüe, amee ndeve mbota mɨmba oyeyukagüe opaetei oyeapɨ vae yave, mbaetɨ reipota.

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

PROVERBIOS 21:27

Ikaviä yae ko iyoa vae reta omee mɨmba oyeyukagüe vae, echa omee reta iyemongeta ikavimbae reve.

PROVERBIOS 21:3

Jupi rupi jare sɨmbi rupi mbae oyeapo vae ko ikavi yae yandeYa pe, mɨmb a oyeyuka oñemee chupe vae güi.

ISAÍAS 58:2

Ara ñavo chereeka reta jare ikɨ̈reɨ yae oikuaa reta vaerä cheremimbota, tëta jembiapo ikavi yae vae rami, mbaetɨ cheporookuai güi opia vae rami; mborookuai jei vae güi mbaetɨ opia vae rami, oeka reta cheve morojäa jupi vae, jare ikɨ̈reɨ yae yogüeru chekotɨ,

ISAÍAS 66:3

Toro oyuka omee cheve vae, kuimbae oyuka ramiño ko; vecha oyuka omee cheve vae, yaɨmba oñaseokɨ̈ti vae ramiño ko; mbota temitɨ jäɨgüe omee cheve vae, kuchi jugüɨgüe omee vae ramiño ko; mbota mbae ikäti kavi vae incienso omee cheve vae, tumpa-raanga reta omboete vae ramiño ko. Echa kuae mbaembae iyapoa reta, jae reta aeño, oiparavo yogüɨreko vaerä ikavimbae rupi, ipɨa oaɨu yae kuae mbaembae ikavimbae vae.

JEREMÍAS 6:20

Judá, ¿maera pa reru cheve ikäti kavi vae incienso Sabá pegua, jare mbae ikäti kavi yae vae matɨ güi? Mbaetɨ ikavi ndeve mɨmba oyeyukagüe opaetei oyeapɨ vae, ani ïru mɨmba oyeyukagüe reta ave mbaetɨ ndembopɨakatu.”

JEREMÍAS 7:21

Körai jei yandeYa Imbaepuere yae ete vae, Israel iTumpa, imbae vae reta pe: “Pemee jeta mɨmba oyeyukagüe opaetei oyeapɨ vae jare mɨmba oyeyuka vae pepuere rupi, jare peu jókuae isoogüe.

OSEAS 6:6

Echa aipota cheraɨu avei, aipota peikuaa kavi cheregua, mɨmba oyeyukagüe pemee cheve vae güi; mbaetɨ aipota mɨmba oyeyukagüe opaetei oyeapɨ vaeño.

OSEAS 8:13

Jae reta omomora yae omee mɨmba oyeyukagüe, omee reta, jare jou reta isoogüe; ërei cheve mbaetɨ ikavi jókuae, chemaenduata ikavimbae oyapo reta vae re, aiporaraukata chupe reta iyoa re, amboyerova yeta Egipto kotɨ.

AMÓS 4:5

Jare pemee mɨmba oyeyukagüe mbaemboete pegua, mbɨyape oyembovugüe ndive, jare pemoërakua oipota rupi mbota pepɨa-kɨ̈reɨ ngatu reve pemee vae, echa jókuae ko pemomora pe Israel iñemuña reta.” Jei yandeYa Tumpa.

AMÓS 5:21

Amotareɨ jare chemboyuguaru ko opaete peporomboete pemopöra yae peyapo vae; jare mbaetɨ chepɨakatu peyemboatɨ guasu reta re.

AMÓS 5:22

Mbaetɨ aipota mɨmba oyeyukagüe opaetei oyeapɨ vae pemee tëi cheve vae, jare mbota reta temitɨ jäɨgüe; ngaraa aipɨɨ pegüi perɨmba pemongɨragüe ave mbota yembopɨakatu peguarä pemee tëi yave.

MIQUEAS 6:7

¿YandeYa ipɨakatuta pa omae jeta yeyé vecha kuimbae amee vae re, ani jeta yeyé osɨrɨ olivo iasaite amee vae re? ¿Ameeta pa cheraɨrɨpɨ, chegüi oñemuña vae chepɨarai jare cheyoa jeko pegua?

HAGEO 2:14

Jayave Hageo jei: “YandeYa jei: ‘Jökorai ko kuae tëta jare kuae kuimbae reta cheróvai; körai etei vi jembiapo reta jare opaete kuae pe güɨrökuavee reta vae ikɨa ko.

ZACARÍAS 7:5

“Ere opaete kuae ɨvɨ pegua reta pe, jare sacerdote reta pe: ‘Kuae setenta año rupi peyekuaku tembíu güi, jare pepɨatɨtɨ pandepoa yasɨ jare chiúa yasɨ pe año ñavo vae, ¿peyekuaku ya cheveguarä?

MALAQUÍAS 1:10

¡Mbae mona pegüi reta oime kia oyokenda tupao guasu ikësea jöke, agüɨye vaerä oyemoendɨiño tata mɨmba oyeyuka oyeapɨ jese vae pegua! Echa pe mbaetɨ chembopɨakatu jare ngaraa aipɨɨ mbota peru vae.

San Mateo 22:4

Jayave mburuvicha guasu oyókuai ye ïru jembiokuai reta; jei vaerä oparea ma chupe vae reta pe: ‘Mase, jaema oï tembíu. Ayuka guaka jare ïru cherɨmba reta amongɨragüe. Jaema oï. Peyu mendaa pe.’

San Mateo 9:13

Pekua peyemboe kavi mbae ra oipota jei kuae: “Aipota vae jae ko peporoparareko avei, mbaetɨ aipota mɨmba oyeyukagüe opaetei oyeapɨ vaeño.” Echa mbaetɨ ko ayu aeka jupi vae reta. Ayu ko aeka iyoa vae reta, oeya vaerä jeko ikavimbae.

1 SAMUEL 15:22

Jayave Samuel jei: “¿Oyerovia yae pa yandeYa mɨmba reta oyeyukagüe opaetei oyeapɨ vae re, jare mɨmba reta oyeyuka vae re, iñeerendu katu vae re rami? Añetete, ñeereendu katu ko ikavi yae mɨmba reta oyeyukagüe güi, jare yeapɨsaka katu vecha kuimbae reta ikɨragüe güi.