ISAÍAS 1:10 - Biblia Guarani Tumpa Iñee

¹⁰ Mburuvicha reta Sodoma pegua, peendu yandeYa iñee; mburuvicha reta Gomorra pegua, peyeapɨsaka ñaneTumpa iporookuai re.

ISAÍAS 1:10 ပူးပေါင်းရင်းမြစ်များ

GÉNESIS 13:13

Ërei jókuae Sodoma pegua kuimbae reta jeko kaviä yae ete jare iyoa yae reta yandeYa kotɨ.

ISAÍAS 28:14

Jáeramo, peyeapɨsaka yandeYa iñee re, pe, kuimbae oporoyóyai yóyai vae reta, kuae tëta Jerusalén juvicha reta.

ISAÍAS 3:9

Ikañɨmaa reta; echa Sodoma rami omoërakua reta iyoa, mbaetɨ oikuaku reta. ¡Paravete! Jae reta aeño oyapo ñogüɨnoi iyeupe ikavimbae oiporara vaerä.

ISAÍAS 30:9

Echa kuae tëta pegua reta ko ipɨapochɨ vae jare yapu yae vae, mbaetɨ oipota reta oendu yandeYa iporookuai vae.

ISAÍAS 33:22

Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

ISAÍAS 8:20

¡Peyeko mborookuai reta re! Mbaetɨ pere jökorai yave, mbaetɨño ko peikuaa kavi.

JEREMÍAS 23:14

Che aecha ñeemombeúa reta Jerusalén pegua oyapo mbae pɨ̈chɨi yae vae; oyapo reta aguasa jare oporombotavɨ reta, jökorai omoäta ngatu reta jeko kavimbae reta, agüɨye vaerä oyepoepɨ reta jeko kavimbae güi. Jae reta jare tëta pegua reta, Sodoma jare Gomorra rami ko cheve.

JEREMÍAS 9:26

Egipto pe, Judá, Edom, Amón jare Moab, jare opaete ñuu rupi yogüɨreko vae, iñäka-ɨke oñapi vae reta pe. Echa opaete kuae tëtaguasu pegua reta itumpa-raanga pota vae ko, jökoraiño vi Israel pegua reta ipɨa pe.”

EZEQUIEL 13:2

“Nde kuimbae, emombeu maratuta oasa Israel iñeemombeuaraanga reta vae; jókuae ñeemombeuaraanga reta iyeugüi aeño omoërakua vae. Ere chupe reta toyeapɨsaka cheñee re:

EZEQUIEL 16:35

Jáeramo, nde iyaguasa pota vae, eyeapɨsaka cheñee re:

EZEQUIEL 16:46

Ɨvɨtuguasu kotɨ oï nderɨke, tëta guasu Samaria, jare iyɨvɨrigua tëta raɨ reta; arayevɨ kotɨ oï ndepɨkɨɨ, tëta guasu Sodoma jare opaete iyɨvɨrigua tëta raɨ reta.

EZEQUIEL 16:49

Jae kuae ndepɨkɨɨ Sodoma iyoa: Jae jare tëta raɨ reta iyɨvɨrigua oyembopɨapochɨ reta jeta tembíu güɨnoi vae rupi jare ikavi yogüɨreko vae rupi, mbaetɨ omborɨ reta paravete vae jare mbae oata chupe vae.

AMÓS 3:1

Israel iñemuña reta, peendu kuae ñee yandeYa jei pekotɨ vae, ɨvɨ Egipto güi güɨnoegüe reta kotɨ, jei körai:

AMÓS 3:8

Yaguapope oñee yave, ¿kia pa mbaetɨta okɨɨye? YandeYa Tumpa omoë iñee yave, ¿kia pa mbaetɨta imiari jese?

AMÓS 9:7

YandeYa jei: “Israel iñemuña reta, pe reta peyovakeño ko Etiopíaɨgua iñemuña reta ndive. Che ko anoe Israel iñemuña reta ɨvɨ Egipto güi, jare aru filisteo reta Caftor güi, jare arameo reta Kir güi.”

MIQUEAS 3:1

Peyeapɨsaka añave, Israel iñemuña juvicha reta: Pe ko peï tëi, peikuaa vaerä jupi vae.

Romanos 9:29

Echa tenonde yave Isaías jei rami. Echa jei: “YandeYa Imbaepuere yae ete vae, mbaetɨ yave mona oeya yandeve ñaneñemuña, yapɨtata viña Sodoma jare Gomorra rami.”

DEUTERONOMIO 32:32

Echa jae reta uva ikavimbae rami ko, Sodoma jare Gomorra pegua iuva rami, uva iro yae vae jare imbayachi vae;

Apocalipsis 11:8

Jare jókuae mókoi kuimbae jëogüegüe opɨtata jókuae tëta guasu joka guasu pe Sodoma jare Egipto jee vae pe, jae ko yandeYa kurusu re oyekutúa pe.