Hechos 9:8 - Biblia Guarani Tumpa Iñee

⁸ Jayave Saulo opüa ɨvɨ güi, jare omae tëi, ërei ipuereä etei oecha mbae. Jare jupíe yogüɨraja vae reta oipoko güɨraja Damasco pe.

Nuevo Testamento Guaraní Pe

⁸ Jayave Saulo opúa ɨvɨ güi, jare omae tei, erei mbaeti quia ipuere oecha. Jare jae jupíe yogüɨraja vae reta oipoco, jare güɨraja Damasco pe.

Hechos 9:8 ပူးပေါင်းရင်းမြစ်များ

GÉNESIS 14:15

Jökorai Abram jare jembiokuai reta, iparanoe pɨ̈tu yave oë chupe reta, jare omboɨpɨ reta oñoraro. Mombɨrɨ tëta Hoba jee vae pe, Damasco güi ɨvɨtuguasu kotɨ oaɨkuemoña reta güɨraja oeya.

GÉNESIS 19:11

Jare omboesaä kuimbae reta ikatu pe ñogüɨnoi vae, taɨrusuasɨ vae reta güive opaete ndechi reta. Jare ikuérai oeka reta tëi öke yogüɨreko.

ÉXODO 4:11

Jare yandeYa omboyevɨ ñee chupe: —¿Kia pa omee kuimbae iyururä? ¿Kia pa oyapo iñeembae jare iyapɨsambae? ¿Kia pa oyapo jesa vae jare jesambae? ¿Cheä pa ayapo?

Hechos 13:11

Mase, añave yandeYa tombou ipo nderé, ndesambae reiko vaerä. Ngaraa reecha kuaraɨ mbovɨ ara rupi. Jare jupiveiño Elimas ipuereä mbae oecha, pɨtumimbi yave rami, jare kotɨ kotɨ oeka tëi kia oipoko güɨraja vaerä.

Hechos 22:11

Jayave che ndive ñogüɨnoi vae reta chepoko chereraja Damasco pe. Echa chepuereä etei aecha mbae, jókuae tembipe jeko pegua.

Hechos 9:18

Jare jupiveiño osururu Saulo jesa güi pira ipire rami vae, jare omae kavi. Jayave opüa oyembobautisauka.

Hechos 9:9

Joko pe oï mboapɨ ara mbae ave oechambae reve, mbaetɨ okaru ani ɨ yepe jou.

2 Corintios 11:32

Damasco pe aï yave, mburuvicha guasu Aretas jee vae jembiokuai oipota tëi chepɨɨ. Jáeramo oyókuai sundaro reta oäro vaerä opaete tëta guasu jöke reta;

Gálatas 1:17

mbaetɨ vi aja Jerusalén pe tenonde ma temimondo yogüɨreko chegüi vae reta pɨri. Ërei aja Arabia pe, jare joko güi ayu ye Damasco pe.