Hechos 9:6 - Biblia Guarani Tumpa Iñee

⁶ Saulo orɨrɨi jare okɨɨye reve jei: “CheYa, ¿mbae pa reipota ayapo?” YandeYa jei chupe: “Epüa jare eike tëta guasu pe, jare amombeuukata ndeve mbae reyapo vaerä.”

Nuevo Testamento Guaraní Pe

⁶ Saulo orɨrɨi oquɨye güi. —CheYa, ¿mbae pa reipota ayapo vaera? —jei. —Epúa ecua tenta pe, jare amombeucata ndeve mbae reyapota vae —jei ñandeYa Saulo pe.

Hechos 9:6 ပူးပေါင်းရင်းမြစ်များ

SALMOS 25:12

Kuimbae oipoɨu ndegüi vae, nde remboeta kërai oiko vaerä.

SALMOS 94:12

CheYa Tumpa, toyekou jókuae kuimbae, nde rembosɨmbi vae, jare ndeporookuai reta re remboe vae,

ISAÍAS 57:18

Aecha jeko reta, ërei aipoanota jare ayangarekota jese reta. Che ambopɨakatuta ipɨatɨtɨ vae reta;

ISAÍAS 66:2

¡Che ko ayapo opaete kuae mbaembae, jáeramo ko oime opaete kuaekuae reta! Che, peYa ko jae. Che ayangarekota jókuae kuimbae oyemombaravete jare oñemomichi ipɨa pe vae re, cheñee omboete vae re.

EZEQUIEL 2:1

YandeYa jei cheve: “Nde kuimbae, epüa eyemboɨ, chemiarita ndeve.”

EZEQUIEL 3:22

Joko pe yandeYa ombou ipo cheré, jare jei cheve: “Epüa jare ekua ɨvɨpe kavi kotɨ, joko pe chemiarita ndeve.”

HABACUC 3:16

Opaete kuae aendu yave ayandu akɨɨye yae, jare cherembe osɨsɨi, chekägüe reta opa jëogüe, opaete cherete orɨrɨi. Jökorai reve aäro pɨagüiveta Tumpa ombou mbɨatɨtɨ vae iara pe, jókuae sundaro reta yogüeru oremboai vaerä yave.

San Mateo 19:30

Ërei Tumpa omomichita oyembotuicha vae reta, jare ombotuichata oñemomichi vae reta.

San Lucas 3:10

Jayave joko pe ñogüɨnoi vae reta oparandu Juan pe: —Jayave ¿Mbae pa royapota?

Hechos 10:22

Jayave kuimbae reta jei Pedro pe: —Oime metei kuimbae Cornelio jee vae, cien sundaro vae juvicha. Jae ko kuimbae jupi vae jare omboete Tumpa vae. Jae ko opaete judío reta güɨrovia katu yae vae. Metei araɨgua jei chupe ndererajauka vaerä jëta pe, jae oyeapɨsaka vaerä remombeuta chupe vae re.

Hechos 10:32

Emondo kuimbae reta Jope pe, güeru vaerä metei kuimbae Simón jee vae, oyeero Pedro pe vae. Jae oime oï Simón guakapi imopɨ̈taa jo pe, ɨguasu jembeɨ pe. Jae ou yave omombeuta ndeve mbae reyapo vaerä.”

Hechos 10:6

Jae oime oï Simón guakapi imopɨ̈taa jo pe, ɨguasu jembeɨ pe. Jókuae Pedro omombeuta ndeve mbae etei reyapota vae.”

Hechos 2:37

Kuae oendu reta yave, ipɨatɨtɨ yae reta, jare oparandu reta Pedro jare ïru temimondo reta pe: —Tëtara reta, ¿mbae pa royapota?

Hechos 22:10

Jayave che aparandu: ‘¿Mbae pa ayapota, cheYa?’ Jare yandeYa jei cheve: ‘Epüa ekua Damasco pe, jare joko pe amombeuukata ndeve opaete mbae reyapota vae.’

Hechos 26:16

Ërei epüa eyemboɨ. Che aipota reyeokuai vaerä cheve, jare remombeu vaerä reecha vae jare reechata vae. Echa jaerä ayekuaa ndeve,

Hechos 9:5

Jayave Saulo oparandu: “¿Kia pa ko nde, cheYa?” Jayave ñee jei chupe: “Che ko jae Jesús. Nde reñemopüa ikotɨ vae. Nde ko jae metei güeye ɨvɨra jakuarovi vae re opatara vae rami.”

Romanos 10:20

Jare Isaías jei vi oipoɨumbae reve körai: “Mbaetɨ chereeka vae reta cheväe, ayekuaauka mbaetɨ oparandu cheré vae reta pe.”

Romanos 10:3

Echa mbaetɨ oecha reta Tumpa iporombojupi, oeka reta kërai jae aeño oyembojupi vaerä. Mbaetɨ oyeko reta Tumpa iporombojupi re.

Romanos 5:20

Echa mborookuai oyeapo, mbaeyoa omboyekuaa kavi yae vaerä. Ërei mbaeyoa reta jeta yae oyekuaa yave, oasa ete ye Tumpa ipɨakavi.

Romanos 7:9

Tenonde yave mbaetɨ aikuaa mborookuai jei vae yave, aiko güɨraveño; ërei aikuaa ma yave mborookuai jei vae, aikuaa cheyoa ko jare aikuaa amano ko.

Filipenses 2:12

Jáeramo, cherɨvɨ poaɨu vae reta. Peyapo avei che jae peve peyapo vaerä vae rami, peyapo yepe tëi añave mbaetɨ aï pe ndive. Peñemoäta ngatu yae yemboasa penoi vae rupi peipoɨu pemboete reve;

Santiago 4:6

Ërei Tumpa omee yandeve jeta yae ipɨakavi, echa oyekuatía oï: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”

1 SAMUEL 16:3

Jare eenɨi Isaí mɨmba oyeyuka oñemeea pe, jare che amombeuta ndeve reyapota vae; jare eñono tee cheve che jae ndeve vae.

1 SAMUEL 28:5

Ërei Saúl oecha yave filisteo reta jeyupa, ou okɨɨye yae ete.