Hechos 9:38 - Biblia Guarani Tumpa Iñee

³⁸ Jare Lida köiño oï Jope güi ramo, oporogüɨrovia vae Jope pegua reta oikuaa Pedro oï Lida pe, jayave omondo reta ikotɨ mókoi kuimbae jei vaerä chupe: “Ekua Jope pe ɨmambae.”

Nuevo Testamento Guaraní Pe

³⁸ Jare Lida coiño oi Jope güi. Jare oporogüɨrovia vae Jope pegua reta oicuaa ma yave Pedro oi Lida pe, omondo icotɨ mócoi cuimbae reta jei vaera chupe: —Ecua Jope pe ɨmambae.

Hechos 9:38 ပူးပေါင်းရင်းမြစ်များ

2 CRÓNICAS 2:16

Jare toroyasɨa Líbano pe ɨvɨra nde reipota vae, jare rogüɨrajata ndeve barco pe ɨguasu rupi Jope pe. Jare joko güi nde erajauka Jerusalén pe.”

ESDRAS 3:7

Jare omee reta korepoti, o iyapoa reta pe jare ipoki oparavɨkɨ ɨvɨra pe vae reta pe, Tiroɨgua reta pe jare Sidón pegua reta pe omee tembíu, vino jare olivo iasaite güeru reta vaerä ɨ̈vɨrare Líbano güi ɨguasu rupi Jope pe, Ciro mburuvicha guasu Persia pegua jei rami.

JONÁS 1:3

Ërei Jonás opüa otekuarai vaerä yandeYa güi tëta Tarsis kotɨ, jare ojo tëta Jope kotɨ, joko pe oväe metei barco ojota oï Tarsis kotɨ vae; oyemboepɨ jare oyeupi pɨpe ojo vaerä jae reta ndive Tarsis kotɨ, mombɨrɨ yandeYa güi.

Hechos 10:5

Añave emondo kuimbae reta Jope pe, güeru vaerä metei kuimbae Simón jee vae. Oyeero Pedro pe vae.

Hechos 10:8

jare opa omombeu kavi chupe reta güire, omondo reta Jope kotɨ.

Hechos 11:13

Jare jókuae kuimbae imiari oreve kërai oecha metei araɨgua oyemboɨ oï jae jo pe, jare kërai araɨgua jei chupe: “Emondo kuimbae reta Jope pe, güeru vaerä metei kuimbae Simón jee vae, oyeero Pedro pe vae.”

Hechos 11:26

Jare joko pe yogüɨreko metei año oporogüɨrovia vae reta ndive, jare omboe jeta vae. Jare Antioquía pe omboɨpɨ ombojee oporogüɨrovia vae reta “Cristo güɨrovia vae reta” pe.

Hechos 11:5

—Che ayerure aï yave tëta guasu Jope pe, chekera jare aecha metei asoya tuicha vae rami vae ogüeyɨ ou che aïa kotɨ. Kuae oyembogüeyɨ ara güi oñeapɨti reve irundɨ ekina reta pe.

Hechos 9:19

Jayave okaru jare ipɨ̈rata ye ma. Jare opɨta mbovɨ ara oporogüɨrovia vae Damasco pegua reta ndive.

Hechos 9:32

Jare Pedro ojo opou yave opaete oporogüɨrovia vae reta ñogüɨnoia rupi, ojo oväe tëta guasu Lida pegua reta pe.

Hechos 9:36

Oiko tëta guasu Jope pe metei kuña oporogüɨrovia vae Tabita jee vae (kuae tee oipota jei: “Dorcas”). Kuae kuña oyapo jeta ikavi vae, jare omee vi jeta mbae iparavete vae reta pe.

Hechos 9:42

Jókuae jërakua opaete Jope pegua reta pe. Jare jeta vae güɨrovia yandeYa re.

Hechos 9:43

Jare Pedro opɨta ɨma Jope pe. Oiko metei guakapi imopɨ̈taa Simón jee vae jo pe.

JOSUÉ 19:46

Mejarcón jare Racón, tëta Jope jóvai ɨvɨ oï vae ndive.