Hechos 9:27 - Biblia Guarani Tumpa Iñee

²⁷ Jayave Bernabé güɨraja Saulo temimondo reta pɨri, jare omombeu chupe reta kërai Saulo oecha yandeYa tape rupi, jare kërai yandeYa omomiari vae. Jei vi chupe reta kërai Saulo omoërakua okɨɨyembae reve Damasco pe Jesús regua.

Nuevo Testamento Guaraní Pe

²⁷ Erei Bernabé güɨraja Saulo Jesús jemimondo reta pe, jare omombeu chupe reta quirai Saulo oecha ñandeYa tape rupi, jare quirai ñandeYa imiari chupe. Jei vi chupe reta quirai Saulo omombeu oquɨye mbae reve Damasco pe Jesús regua.

Hechos 9:27 ပူးပေါင်းရင်းမြစ်များ

Hechos 11:22

Jare kuae jërakua oporogüɨrovia vae Jerusalén pe ñogüɨnoi vae reta pe yave, omondo reta Bernabé Antioquía pe.

Hechos 11:25

Kuae jaɨkue rupi Bernabé ojo Tarso pe, oeka vaerä Saulo. Jare oväe chupe yave, güeru Antioquía pe.

Hechos 12:25

Jare Bernabé jare Saulo yogüeru ye Jerusalén güi, iparavɨkɨ joko pe opa oyapo güire. Jare güeru reta jupíe Juan, Marcos pe oyeero vae.

Hechos 13:2

Kuae reta oyeokuai yandeYa pe jare oyekuaku tembíu güi ramboeve, Espíritu Santo jei chupe reta: “Peñono tee cheve Bernabé jare Saulo oyapo vaerä mbaravɨkɨ che aiparavo ma chupegua retarä vae.”

Hechos 15:2

Pablo jare Bernabé täta oyoaka jae reta ndive. Jayave oporogüɨrovia vae reta oiparavo Pablo jare Bernabé jare ïru vae reta jae reta ipɨte güi, yogüɨraja vaerä Jerusalén pe imiari kuae re temimondo reta jare oporogüɨrovia vae reta itenondegua reta ndive.

Hechos 4:13

Jayave oecha reta yave kërai Pedro jare Juan okɨɨyembae reve imiari, jare oikuaa reta mbaetɨ ko oyemboe vae. Ipɨakañɨ yae jese reta, jare oikuaa reta Jesús jemimboe ko vae.

Hechos 4:29

Añave, oreYa, emae oremomburu reve oreokuai vae reta re. Emee nderembiokuai reta pe okɨɨyembae reve imiari vaerä neñee re.

Hechos 4:36

Jare metei levita ɨvɨ Chipreɨgua José jee vae, temimondo reta oero Bernabé pe vae (kuae tee oipota jei: “Oporombopɨakatu vae”).

Hechos 9:17

Jayave ojo Ananías oike o Saulo oïa pe. Jare oñono ipo jese jare jei chupe: —Tëtara Saulo, yandeYa Jesús oyekuaa ndeve, reyu ramboeve tape rupi vae, chembou reecha ye vaerä, jare netɨnɨe vaerä Espíritu Santo pe.

Hechos 9:29

Jare omoërakua okɨɨyembae reve yandeYa regua. Jare oyoaka vi griego pe imiari vae reta ndive. Jáeramo jae reta oipota oyuka.

1 Corintios 15:8

Jare taɨkue ete oyekuaa cheve vi. Che ko metei michia omano oa vae rami.

1 Corintios 9:6

¿Peyemongeta pa jaeño che jare Bernabé mbaetɨ orepuere roputuu?

Gálatas 2:13

Jare ïru judío reta vi oyemboe Pedro jeko re, jare Bernabé vi oyererajauka chupe reta, oyapo vaerä jae reta oyapo rami.

Gálatas 2:9

Jáeramo oporogüɨrovia vae reta itenondegua Jacobo, Cefas jare Juan oikuaa reta kërai Tumpa ko omee cheve kuae mbaravɨkɨ. Jare oechauka vaerä ore ko jae jae reta iñeïru vae, orepopɨɨ che jare Bernabé; rojo vaerä judiombae vae reta pɨri jare jae reta yogüɨraja vaerä judío reta pɨri.