Hechos 9:21 - Biblia Guarani Tumpa Iñee

²¹ Jare opaete oendu vae reta ipɨakañɨ yae, jare jei: “¿Kuae, jaeä yera Jerusalén pe oiporarauka oporogüɨrovia vae reta pe vae? Jare ou vi kuae pe oipɨɨ vaerä kuae nunga reta güɨraja sacerdote reta itenondegua reta pe.”

Nuevo Testamento Guaraní Pe

²¹ Jare opaete oendu vae reta ipɨacañɨ, jare jei: —¿Jaea ra cuae Jerusalén pe cuae Jesús re güɨrovia vae reta opa omoai vae? Jare ou cuae pe vi oipɨɨ vaera cuae nunga reta güɨraja sacerdote reta itenondegua reta pe —jei reta.

Hechos 9:21 ပူးပေါင်းရင်းမြစ်များ

SALMOS 51:13

Jayave amboeta iyoa vae reta nderemimbota re, jare iyoa vae reta oyepoepɨta ndekotɨ.

SALMOS 71:7

Mɨakañɨrä aiko jeta vae reta pe, ërei nde ko jae cheñepɨ̈roa jëguambae.

ISAÍAS 8:18

Mase, che jare kuae chemichia reta yandeYa omee cheve vae, roï ko metei yembojaangarä tëta Israel peguarä, yandeYa Imbaepuere yae ete vae kuae ɨvɨtɨ Sión pe oiko vae ko oreñono chupe reta.

ZACARÍAS 3:8

Eendu añave, sacerdote tenondegua Josué, nde jare ndevɨa-ïru reta oguapɨ nderóvai vae, echa pe reta ko jae yembojaangaa. Mase, ko che aru cherembiokuai jokɨ pɨau vae.

NÚMEROS 23:23

Echa Jacob iñemuña reta re mbaetɨ ko oa moroäɨvo. Mbaekuaa rupi maratuta vae oyemombeu vae ave ko mbaetɨ oa Israel iñemuña reta re. Añave rupi jei reta ñogüɨnoi chupe: ‘¡Jeta mɨakañɨ oyapo neTumpa ndeve!’

Hechos 2:12

Jare opaete yatɨ vae reta ipɨakañɨ yae reve jei oyoupe: —¿Mbae ra ko kuae?

Hechos 2:6

Jare jókuae jɨapu vae oyeendu yave, oyemboatɨ jeta vae; jare opaete vae ipɨakañɨ, echa oporogüɨrovia vae reta imiari ñogüɨnoi metei ñavo yatɨ vae reta iñee ae pe.

Hechos 3:10

Oikuaa reta jae ko oguapɨse tupao jöke, Öke Ipöra jee vae pe oyerure mbae re vae. Ipɨakañɨ yae reta jare okɨɨye reta vi kuae oyeapo kuimbae pe vae re.

Hechos 4:13

Jayave oecha reta yave kërai Pedro jare Juan okɨɨyembae reve imiari, jare oikuaa reta mbaetɨ ko oyemboe vae. Ipɨakañɨ yae jese reta, jare oikuaa reta Jesús jemimboe ko vae.

Hechos 7:59

Jare oyapi reta ramboeve, Esteban oyerure jei: “CheYa Jesús, eraja cherekove.”

Hechos 8:3

Ërei Saulo oiporarauka yae oporogüɨrovia vae reta pe. Echa o ñavo rupi oike jare ombotɨrɨrɨ güɨraja kuimbae reta jare kuña reta oñono tembipɨɨrɨru pe.

Hechos 9:22

Ërei Saulo oñemoäta ngatu, jare omoamɨri judío reta Damasco pegua. Echa oikuaauka chupe reta Jesús ko jae Cristo.

2 Tesalonicenses 1:10

yandeYa ou ye yave oyemboeteuka vaerä jare omopɨakañɨ opaete jese güɨrovia reta; echa perovia romombeu peve vae.

1 Juan 3:1

Mase, kërai yandeRu Tumpa yanderaɨu yae, ñanereenɨi jae taɨ retarä. Jáeramo ɨvɨ pegua reta mbaetɨ yandekuaa, echa jae reta mbaetɨ oikuaa Tumpa.