Hechos 9:17 - Biblia Guarani Tumpa Iñee

¹⁷ Jayave ojo Ananías oike o Saulo oïa pe. Jare oñono ipo jese jare jei chupe: —Tëtara Saulo, yandeYa Jesús oyekuaa ndeve, reyu ramboeve tape rupi vae, chembou reecha ye vaerä, jare netɨnɨe vaerä Espíritu Santo pe.

Nuevo Testamento Guaraní Pe

¹⁷ Jayave Ananías ojo oique o pe. Jare oñono ipo Saulo re jare jei chupe: —Cherɨvɨ Saulo, ñandeYa Jesús oyecuaa ndeve, reyu tape rupi rambueve. Jae chembou remae ye vaera, jare netɨnɨe vaera Espíritu Santo pe —jei.

Hechos 9:17 ပူးပေါင်းရင်းမြစ်များ

GÉNESIS 45:4

Jayave José jei tɨkeɨ reta pe: —Peeya añave cheré. Jayave jae reta oya katu jese yave, jae jei chupe reta: —Perɨvɨ José ko che, pe reta pemee Egipto kotɨ yogüeru vae reta pe vae;

San Mateo 19:13

Jare amogüe vae güeru Jesús oïa pe michia reta, oyerure vaerä Tumpa pe oñono reve ipo jese reta. Ërei jemimboe reta oñeengata jókuae jerúa reta pe.

San Marcos 5:23

Jare omoñera, jei chupe: —Cherayɨ omano ma oï. Yaja eñono ndepo jese oikove vaerä, agüɨye vaerä omano.

San Marcos 6:5

Jare joko pe mbaetɨ oyapo mɨakañɨ. Jaeño ipo oñono amogüe imbaerasɨ vae reta re ombogüera vaerä.

San Lucas 1:41

Elisabet oendu yave María iñee, Elisabet imembɨ raɨ omɨi jɨe pe. Jare Elisabet tɨnɨe Espíritu Santo pe.

San Lucas 1:67

Jayave Zacarías jae ko Juan tu tɨnɨe Espíritu Santo pe jare omoërakua maratuta vae regua jei reve:

San Lucas 1:76

Jare nde michia raɨ Tuichagüe yae vae iñeemombeúa, jeita ndeve vae. Echa reota yandeYa jenonde reyapo kavi vaerä japerä.

San Lucas 15:30

Ërei kuae nderaɨ opaiño omokañɨtei ndembaembae kuña iyaguasa pota vae reta re vae ou ye yave, reyuka chupe toro taɨrusu vae ikɨra vae.’

San Lucas 15:32

Ërei ikavi ko yayapo arete jare yayerovia. Echa kuae nderɨvɨ omano vae rami ko cheve, ërei añave oikove ye ma cheve. Okañɨ chegüi, ërei añave oñeväe ye ma.’ ”

San Lucas 2:11

Echa kuae pɨ̈tu oa oporomboasa vae David jëta pe. Jae ko yandeYa Cristo.

Hechos 10:36

Tumpa ombou ñee ikavi vae Israel iñemuña reta pe. Jae omombeu chupe reta oime mbɨakatu Jesucristo re. Jesucristo ko jae opaete vae iYa.

Hechos 13:3

Jayave oyekuaku reta tembíu güi, jare oyerure reta Tumpa pe. Javoi ïru reta oñono ipo jese reta jare omondo reta.

Hechos 13:52

Ërei oporogüɨrovia vae reta oyerovia yae, jare tɨnɨe Espíritu Santo pe.

Hechos 19:6

Jayave Pablo oñono ipo jese reta yave, ou jese reta Espíritu Santo, jare jae reta imiari ambuae ñee reta pe, jare omoërakua reta Tumpa iñee.

Hechos 2:4

Jayave opaete joko pe ñogüɨnoi vae reta tɨnɨe Espíritu Santo pe, jare omboɨpɨ imiari reta ambuaeyee vae ñee reta pe, Espíritu Santo omee chupe reta imiari vaerä vae pe.

Hechos 21:20

Jae reta oendu yave, omboete Tumpa. Jayave jei reta Pablo pe: —Orerɨvɨ, reikuaa ma kërai jeta yae judío reta güɨrovia ma ko Jesús re, jare opaete jae reta jei oyeapoño vaerä mborookuai jei vae.

Hechos 26:15

Jayave che aparandu: ‘¿Kia pa ko nde, cheYa?’ Jare yandeYa jei: ‘Che ko jae Jesús. Nde reñemopüa ikotɨ vae.’

Hechos 4:31

Jare opa oyerure yave, yatɨ ñogüɨnoia okana. Jare opaete jae reta tɨnɨe Espíritu Santo pe, jare imiari reta Tumpa iñee re okɨɨyembae reve.

Hechos 6:6

Jare güeru reta kuae oiparavogüe reta temimondo reta jóvai. Jayave jae reta oyerure Tumpa pe oñono reve ipo jese reta.

Hechos 8:17

Jayave Pedro jare Juan oñono ipo jese reta, jare omboresive reta Espíritu Santo.

Hechos 9:18

Jare jupiveiño osururu Saulo jesa güi pira ipire rami vae, jare omae kavi. Jayave opüa oyembobautisauka.

Romanos 15:7

Jáeramo metei ñavo peyomboresive kavi, Cristo yandemboresive rami, oyemboete vaerä Tumpa.

1 Corintios 15:47

Kuimbae tenondegua vae ɨvɨ pegua ko. Echa Tumpa oyapo ɨvɨ güi. Ërei kuimbae taɨkuegua vae ko jae yandeYa ara güi ou vae.

1 Corintios 15:8

Jare taɨkue ete oyekuaa cheve vi. Che ko metei michia omano oa vae rami.

1 Corintios 9:1

Che ko temimondo, chepuere ayapo cheve ikavi vae. Che aecha ko yandeYa Jesús. Pe reta etei ko jae cherembiapo yandeYa re.

1 Timoteo 4:14

Agüɨye enoiiño mbaepuere Tumpa omee ndeve vae. Jókuae oñemee ndeve vae omombeu nderegua yave, oporogüɨrovia vae reta itenondegua reta oñono ipo nderé yave vae.

1 Timoteo 5:22

Agüɨye emanorai eyapo mbae kia pe ave, agüɨye eyemoinge teko ambuae pe. Eiko ikɨambae.

2 Timoteo 1:6

Jáeramo romboarakuaa. Eñemoäta ngatu jókuae mbaepuere Tumpa omee ndeve vae re, jókuae oñemee ndeve chepo añono nderé yave vae.

Filemón 1:16

ërei mbaetɨ ma metei tembiokuai rami, tembiokuai oasa ete ye ikavi vae ma ko; emboresive yanderɨvɨ yaaɨu vae rami. Che aaɨu ko, jaeramiño vi nde reaɨu yaeta ko, mbaetɨta kia yaaɨu vae ramiño, yaaɨu ete kavi yandeYa re.

Hebreos 6:2

yemboe bautismo regua, ñañono yandepo ïru vae reta iñäka re vae, omanogüe vae oikove ye vae regua jare Tumpa iporojäa opambae vae regua.

2 Pedro 3:15

Peikuaa kërai yandeYa ipɨaguasu ko yandeve yayemboasauka vaerä. Jare kuae re yanderɨvɨ Pablo yaaɨu vae oikuatía ma peve arakuaa Tumpa omee chupe vae rupi.