Hechos 8:5 - Biblia Guarani Tumpa Iñee

⁵ Felipe ojo metei tëta guasu Samaria pegua pe, jare joko pe omoërakua chupe reta Cristo regua.

Nuevo Testamento Guaraní Pe

⁵ Felipe ojo tenta Samaria pe, jare omombeu tenta pegua reta pe Cristo regua.

Hechos 8:5 ပူးပေါင်းရင်းမြစ်များ

Hechos 1:8

Ërei pe reta penoita mbaepuere ou yave Espíritu Santo peré, jare pemombeuta cheregua Jerusalén pe, opaete Judea rupi, Samaria rupi jare opaete ɨvɨ rupi.

Hechos 21:8

Pɨareve pe rojo chugüi reta Pablo ndive Cesarea pe, jare joko pe ropɨta Felipe ñee ikavi vae imombeúa jo pe. Jae ko jókuae chiu oyeparavo vae güi metei.

Hechos 5:42

Jare ara ñavo tupao pe jare o reta rupi ikueraimbae reve oporomboe jare omoërakua reta Jesucristo regua.

Hechos 6:5

Kuae jaekavi jeta vae reta pe, jare oiparavo reta Esteban jae ko kuimbae iporogüɨrovia kavi jare tɨnɨe Espíritu Santo pe vae, Felipe, Prócoro, Nicanor, Timón, Parmenas jare Nicolás tëta guasu Antioquía pegua judiorä oyeapo vae.

Hechos 8:1

Jare Esteban imano jaekavi Saulo pe. Jare jókuae ara voi oporogüɨrovia vae Jerusalén pe ñogüɨnoi vae reta re oñemopüa tätagüe vae. Jare opaete oporogüɨrovia vae reta opa oñemoai ɨvɨ Judea jare Samaria rupi. Ërei temimondo reta opɨtaño Jerusalén pe.

Hechos 8:26

Jayave metei yandeYa iaraɨgua jei Felipe pe: “Epüa ekua arayevɨ kotɨ tape Jerusalén güi ojo Gaza kotɨ vae rupi.” Kuae tape oasa ñuu rupi.

Hechos 8:30

Jayave Felipe osɨi käretou kotɨ, jare oendu jókuae kuimbae omongeta oï ñeemombeúa Isaías jembikuatía. Jayave oparandu chupe: —¿Reikuaa pa jókuae remongeta reo vae?

Hechos 8:40

Jare Felipe oyekuaa tëta Azoto pe. Jare joko güi ojo ramboeve, omombeu ñee ikavi vae opaete tëta guasu reta rupi oväe regua Cesarea pe.

Hechos 8:6

Jare tëta guasu pegua reta oendu yave, metei rami oyeapɨsaka kavi Felipe omoërakua chupe reta vae re. Oecha vi mɨakañɨ oyapogüe reta.

Hechos 9:20

Jupiveiño Saulo omboɨpɨ omoërakua Cristo regua judío reta itupao reta rupi. Jei chupe reta Jesús jae ko Tumpa Taɨ.

1 Corintios 1:23

ërei yande yamombeu chupe reta Cristo omano kurusu re vae regua. Ërei kuae pɨ̈sa-yeyuka Judío reta peguarä, jare judiombae vae reta peguarä mbokere.

1 Corintios 2:2

Echa pepɨte pe aï ramboeve, añeñono mbaetɨ oikuaa vaerä ïru mbae re jaeño amombeu vaerä peve Jesucristo kërai omano kurusu re vae regua.

1 Corintios 3:11

Mbaetɨ kia ipuere oñono ïru o iguapɨka oñeñono ma vae güi. Jae ko Jesucristo.