Hechos 8:37 - Biblia Guarani Tumpa Iñee

³⁷ Felipe jei chupe: —Rerovia yave opaete ndepɨa reve, ndepuere reyembobautisa. Eunuco jei: —Arovia Jesucristo ko jae Tumpa Taɨ.

Nuevo Testamento Guaraní Pe

³⁷ —Reporogüɨrovia yave opaete ndepɨa pe, ndepuere reñembobautizauca —jei Felipe chupe. —Arovia Jesucristo co jae Tumpa Taɨ —jei eunuco Felipe pe.

Hechos 8:37 ပူးပေါင်းရင်းမြစ်များ

San Mateo 16:16

Jayave Simón Pedro jei chupe: —Nde ko jae Cristo, Tumpa oikove vae Taɨ.

San Mateo 28:19

Jáeramo pekua pemboe opaete tëtaguasu pegua reta cheremimboerä, jare pembobautisa cheRu jee re, cheree re jare Espíritu Santo jee re.

San Marcos 16:16

Güɨrovia vae jare oyembobautisauka vae oyemboasaukata ko. Ërei jókuae mbaetɨ güɨrovia vae okañɨteita ko.

San Juan 11:27

Marta jei chupe: —Arovia, cheYa. Añave arovia nde ko jae Cristo, Tumpa Taɨ, reyu kuae ɨvɨ pe vae.

San Juan 20:31

Ërei kuae oyekuatía ko, perovia vaerä Jesús ko jae Cristo, Tumpa Taɨ, jare penoi vaerä tekove jese perovia yave.

San Juan 6:68

Jare Simón Pedro jei chupe: —OreYa, ¿kia re pa rojota royemboya? Ndeño ko renoi ñee tekove opambae vae pegua.

San Juan 9:35

Jare Jesús oikuaa judío reta omombo ko jókuae kuimbae vae; jare oväe yave, jei chupe: —¿Rerovia pa Tumpa Taɨ re?

Hechos 2:38

Jayave Pedro jei chupe reta: —Peeya peyemongeta ikavimbae vae pepɨa pe penoi vae, jare peyembobautisauka metei ñavo Jesucristo jee re, Tumpa iñɨ̈ro vaerä peve peyoa reta re. Jare jae omeeta peve Espíritu Santo.

Hechos 8:12

Ërei Felipe omoërakua ñee ikavi vae Tumpa iporookuaía regua jare Jesucristo regua yave, kuimbae reta jare kuña reta oyembobautisauka.

Hechos 8:21

Nde mbaetɨ ndepuere renoi kuae nunga mbaepuere. Echa ndepɨa jupiä Tumpa kotɨ.

Hechos 8:36

Jare tape rupi yogüɨraja ramboeve, yogüɨraja oväe ɨ jenda pe, jare eunuco jei: —Ko oï ɨ. ¿Mbae yé pa chemboavai ayembobautisa vaerä?

Hechos 8:38

Jayave eunuco omombɨtauka ikäretou; jare mókoi reve ogüeyɨ ɨ pe. Jayave Felipe ombobautisa eunuco.

Hechos 9:20

Jupiveiño Saulo omboɨpɨ omoërakua Cristo regua judío reta itupao reta rupi. Jei chupe reta Jesús jae ko Tumpa Taɨ.

Romanos 10:10

Echa yandepɨa ndive ko yaroviata, yayembojupiuka vaerä, ërei yandeyuru pe ko yae yayemboasauka vaerä.

1 Corintios 12:3

Jáeramo aipota peikuaa: Tumpa iEspíritu rupi imiari vae, ngaraa oyepopeyu Jesús re. Jaeño Espíritu Santo rupi ipuere kia jei: “¡Jesús ko jae cheYa!”

1 Pedro 3:21

Jókuae ɨ ombojaanga añave pe reta peyemboasauka peyembobautisauka yave Jesucristo oikove ye ou omanogüe vae reta ipɨte güi ramo. Pepuereä peyemboasauka peyoe perete vae rupi. Jaeño peyemongeta kavi yave Tumpa kotɨ.

1 Juan 4:15

Oime yave kia “Jesús ko jae Tumpa Taɨ” jei vae, Tumpa oï jese jare jae oï Tumpa re.

1 Juan 5:1

Opaete güɨrovia Jesús ko jae Cristo vae reta güɨnoi ko tekove Tumpa güi. Jare oaɨu yandeRu Tumpa vae oaɨu vi Tumpa taɨ reta.

1 Juan 5:10

Tumpa Taɨ re güɨrovia vae, güɨnoi ko ipɨa pe jókuae oñemoërakua vae; mbaetɨ güɨrovia Tumpa re vae, omboapu ko Tumpa, echa mbaetɨ güɨrovia Tumpa omombeu Taɨ regua vae.

1 Juan 5:5

Güɨrovia Jesús ko jae Tumpa Taɨ vae, omoamɨri ɨvɨ pegua teko.