Hechos 8:36 - Biblia Guarani Tumpa Iñee

³⁶ Jare tape rupi yogüɨraja ramboeve, yogüɨraja oväe ɨ jenda pe, jare eunuco jei: —Ko oï ɨ. ¿Mbae yé pa chemboavai ayembobautisa vaerä?

Nuevo Testamento Guaraní Pe

³⁶ Jare tape rupi yogüɨraja rambueve, yogüɨraja ovae ɨ jenda pe, jare eunuco jei: —Co oi ɨ. ¿Oime pa mbae ayapo vaera ndei añembobautizauca mbove?

Hechos 8:36 ပူးပေါင်းရင်းမြစ်များ

EZEQUIEL 36:25

Poyoeta ɨ ikɨambae vae yetɨo pegua pe rami, jare ikɨambae pepɨtata cheróvai opaete peyemongɨa pɨpe vae güi; potɨota opaete petumpa-raanga reta güi.

San Mateo 3:11

Añete che pombobautisa ɨ pe peeya vaerä peyemongeta ikavimbae vae pepɨa pe penoi vae. Ërei cheraɨkue rupi outa imbaepuere yae chegüi vae. Mbaetɨ jupi ipɨapaa araja vaerä ave Jae pembobautisata Espíritu Santo pe jare tata pe.

San Mateo 3:6

Jare Juan ombobautisa reta ɨ̈aka Jordán pe iyoa reta opa omombeu güire.

San Juan 3:23

Juan vi oporombobautisa oï Enón pe. Enón köiño oï Salim güi. Echa joko pe jeta ɨ. Jare amogüe vae yogüeru jare Juan ombobautisa reta.

San Juan 3:5

Jesús jei chupe: —Añetete che jae ndeve, mbaetɨ kia oa pɨau ye ɨ rupi jare Espíritu rupi vae ngaraa oike Tumpa iporookuaía pe.

Hechos 10:47

Jayave Pedro jei: —¿Kia pa omboavaita agüɨye vaerä oyembobautisauka kuae Espíritu Santo ou ma jese reta vae, yanderé ou rami?

Hechos 8:37

Felipe jei chupe: —Rerovia yave opaete ndepɨa reve, ndepuere reyembobautisa. Eunuco jei: —Arovia Jesucristo ko jae Tumpa Taɨ.

1 Juan 5:6

Kuae Jesucristo ko jae omboɨpɨ iparavɨkɨ ɨ jare tugüɨ rupi vae; mbaetɨ ɨ rupiño, ɨ rupi jare tugüɨ rupi vi. Espíritu Santo ko omombeu kuae regua. Echa Espíritu Santo añete vae ko.