Hechos 8:32 - Biblia Guarani Tumpa Iñee

³² Jare jókuae Tumpa Iñee omongeta vae jae kuae: “Vecha rami oyererajauka oyeyuka vaerä. Jare vecha kuimbae taɨrusu mbaetɨ jäse iñapía reta ipo rami, mbaetɨ etei iñee omoë.

Nuevo Testamento Guaraní Pe

³² Jare Tumpa iñee omongueta vae pe oyecuatía oi corai: Metei vecha rami oyererajauca omano vaera. Jare jae quiriiño, metei vecha-raɨ jocuae oñapi vae jóvai oi vae quiriiño rami.

Hechos 8:32 ပူးပေါင်းရင်းမြစ်များ

SALMOS 39:2

Mbaetɨ amoë cheñee, kïrii apɨta, ¡jupi vae re ave mbaetɨ chemiari! Jáeramo mbae jasɨ jeiete cheve.

SALMOS 39:9

Chekïrii, mbaetɨ cheñee amoë, echa nde ko opaete mbae reyapo.

JEREMÍAS 11:19

Che aiko, metei vecha kuimbae taɨrusu vae oyereraja mbaeyukaa pe rami, aikuaambae reve oime ko oyemongeta pɨ̈chɨi reta chekotɨ vae. Jei reta chekotɨ: “Yayasɨa ɨvɨra ia kavi oï añave vae, yayasɨa kuae ɨvɨ güi, oikove vae reta ipɨte güi, agüɨye vaerä mo kia imaendúa jese.”

JEREMÍAS 12:3

Ërei nde cheYa Tumpa, chereecha jare chekuaa kavi ko; reikuaa kërai cheyemongeta ndekotɨ vae. ¡Eraja jókuae kuimbae reta, mbaeyukaa pe vecha oyereraja rami; emokañɨmaa parapiti iara peguarä!

JEREMÍAS 51:40

Javoi arajata mbaeyukaa pe, vecha kuimbae taɨrusu vae reta, vecha kuimbae reta jare kavara kuimbae reta oyereraja rami.”

San Lucas 23:34

Jayave Jesús jei: —¡CheRu, neɨ̈ro chupe reta. Echa mbaetɨ oikuaa reta oyapo ñogüɨnoi vae! Jayave sundaro reta omboyao oyoupe Jesús jemimondegüe, oyombosuerte reta jese.

San Juan 1:29

Pɨareve pe Juan oecha Jesús ou ikotɨ jare jei: “Mase, kuae ko jae Tumpa iVecha kuimbae taɨrusu vae. Omboai opaete ɨvɨ pegua reta iyoa vae.

Hechos 8:31

Jare eunuco jei Felipe pe: —¿Këraita pa aikuaa, mbaetɨ yave kia chemboe jese? Jare omoñera Felipe oyeupi vaerä ikäretou pe oguapɨ jae ndive.

Romanos 8:36

Echa Tumpa Iñee pe oyekuatía oï körai: “Nderé rogüɨrovia ramo, ara ñavo roiko yemomburu rupi. Roiko vecha reta oyereraja mbaeyukaa pe vae rami.”

1 Corintios 15:3

Echa tenonde ete pomboe, che amboresivegüe, jae ko: Cristo omano yandeyoa reta re Tumpa Iñee pe jei rami;

1 Pedro 1:19

jaeño Cristo jugüɨ jepɨ yae vae rupi, jókuae vecha kuimbae taɨrusu vae jete kavi jare ikɨambae vae oñemee Tumpa pe rami.