Hechos 8:30 - Biblia Guarani Tumpa Iñee

³⁰ Jayave Felipe osɨi käretou kotɨ, jare oendu jókuae kuimbae omongeta oï ñeemombeúa Isaías jembikuatía. Jayave oparandu chupe: —¿Reikuaa pa jókuae remongeta reo vae?

Nuevo Testamento Guaraní Pe

³⁰ Jayave Felipe osɨi ojo carro cotɨ, jare oendu cuimbae omongueta Tumpa iñee Isaías oicuatiagüe vae. Jayave oparandu chupe: —¿Reicuaa pa remongueta rei vae?

Hechos 8:30 ပူးပေါင်းရင်းမြစ်များ

SALMOS 119:32

Ndeporookuai reta jeigüe ayapo jarembae voi, yerovia katu pe remotɨnɨe chepɨa yave.

ECLESIASTÉS 9:10

Opaete mbae renoi reyapo vaerä vae, eyapo ndepuere rupi; echa omanogüe reta ñogüɨnoia pe, jókuae reotaa pe, mbaetɨ etei mbae oyeapo, mbaetɨ mbaravɨkɨ, mbaetɨ yemboe tuichagüe, mbaetɨ arakuaa ave.

San Mateo 13:19

Kia oyeapɨsaka Tumpa iporookuaía re jare mbaetɨ oikuaa kavi yave, jae ko jókuae temitɨ tape rupi oa vae rami. Echa ou voi jókuae ikavimbae iyapoa jare omoakañɨ Tumpa iñee güi.

San Mateo 13:23

Ërei jókuae temitɨ oa ɨvɨ kavi pe vae oyembojaanga Tumpa iñee oendu jare oikuaa kavi vae re. Jare jókuae metei temitɨ güi, amogüe cien jäɨ, amogüe sesenta jäɨ jare amogüe treinta jäɨ vae rami ko.”

San Mateo 13:51

Jesús oparandu chupe reta: —¿Peikuaa kavi pa opaete kuae mbaembae reta? —Roikuaa kavi ma, oreYa —jei reta chupe.

San Mateo 15:10

Jare Jesús oenɨi ikotɨ jeta vae reta, jare jei chupe reta: —Peyeapɨsaka, peikuaa kavi vaerä.

San Mateo 24:15

Jare peechata ikavimbae yae oyeapo vae ñemombeúa Daniel omoërakua vae (omongeta vae toikuaa.)

San Marcos 13:14

Jare peechata ikavimbae yae oyeapo vae, ñemombeúa Daniel omoërakua vae. (Omongeta vae toikuaa). Jayave Judea pegua reta totekuarai ɨvɨtɨ guasu kotɨ.

San Juan 4:34

Jesús jei chupe reta: —Cherembíu jae ko, ayapo vaerä chembou vae jemimbota, jare opa vaerä iparavɨkɨ ayapo.

San Juan 5:39

Pe reta peyemboe kavi Tumpa Iñee re. Echa peyemongeta pɨpe peväeta tekove opambae vae. Ërei jae ko imiari cheregua.

Hechos 8:27

Jayave Felipe opüa ojo. Jare metei eunuco Etiopíaɨgua ojo ye jëta kotɨ Jerusalén güi. Echa ou Jerusalén pe omboete vaerä Tumpa. Kuae eunuco ko jae metei mburuvicha. Jae oyangareko oiko Candace ikorepoti jare ïru imbaembae ikavi vae re. Candace ko jae Etiopía pegua reta juvicha kuña.

Hechos 8:29

Jare Espíritu jei Felipe pe: “Ekua eyemboya pea käretou pe ojo vae re.”

Hechos 8:31

Jare eunuco jei Felipe pe: —¿Këraita pa aikuaa, mbaetɨ yave kia chemboe jese? Jare omoñera Felipe oyeupi vaerä ikäretou pe oguapɨ jae ndive.

Hechos 8:5

Felipe ojo metei tëta guasu Samaria pegua pe, jare joko pe omoërakua chupe reta Cristo regua.

1 Corintios 14:19

Ërei oporogüɨrovia vae reta ndive aï yave, chekɨ̈reɨ chemiari mbovɨ ñeeño yaikuaa reve kavi vae pe, amboe vaerä ïru vae reta, jeta ambuae ñee reta pe jae vae güi.

Efesios 5:17

Jáeramo, agüɨye peiko pearakuaambae, ërei peikuaa kavi yandeYa jemimbota.

Apocalipsis 13:18

Kuae pe oime arakuaa. Oime arakuaa güɨnoi vae toipapa mbaemɨmba guasu inúmero, echa kuimbae inúmero ko. Jókuae número ko jae seisciento sesenta y seis.