Hechos 8:29 - Biblia Guarani Tumpa Iñee

²⁹ Jare Espíritu jei Felipe pe: “Ekua eyemboya pea käretou pe ojo vae re.”

Nuevo Testamento Guaraní Pe

²⁹ Jare Espíritu Santo jei Felipe pe: —Ecua eñemoiru pea carro pe ojo vae ndive.

Hechos 8:29 ပူးပေါင်းရင်းမြစ်များ

ISAÍAS 65:24

Jare ndei oyerure reta mbae re cheve mbove, che omboyevɨta ma; imiari vɨteri ñogüɨnoi ramboeve, che aenduta ma.

OSEAS 6:3

¡Ñañemoäta ngatu yaeka yaikuaa vaerä yandeYa! Köembipe ou ñotai vae rami outa yandekotɨ, jare ama ou ñotai vae rami outa yandekotɨ, ama taɨkue ete ani tenonde ete okɨ ɨvɨ re vae rami.

Hechos 10:19

Jare Pedro ipɨa pe oyemongeta oï ramboeve jókuae oecha vae re, Espíritu jei chupe: “Mase, ko mboapɨ kuimbae reta ndereeka.

Hechos 11:12

Jare Espíritu Santo jei cheve aja vaerä jae reta jupíe cheäteɨmbae reve. Jare kuae ova oporogüɨrovia vae reta vi yogüɨraja cherupíe, jare roike jókuae kuimbae jo pe.

Hechos 21:11

Jae ou ore roïa pe yave, oekɨ Pablo ikuakuaa. Javoi oyepokua ipɨ rupi jare ipo rupi jare jei: —Espíritu Santo jei: “Köraita Jerusalén pe judío reta oipokua kuae kuakuaa iya, jare omboeterenga retata judiombae vae reta pe.”

Hechos 28:25

Jáeramo oyemboyao reta oyougüi, jare yogüɨraja Pablo oïa güi yave jei chupe reta: —Jaekavi jei Espíritu Santo ñeemombeúa Isaías rupi ñaneñemuñagüe reta pe. Echa jei körai:

Hechos 8:26

Jayave metei yandeYa iaraɨgua jei Felipe pe: “Epüa ekua arayevɨ kotɨ tape Jerusalén güi ojo Gaza kotɨ vae rupi.” Kuae tape oasa ñuu rupi.

Hechos 8:28

Jare eunuco oguapɨ ikäretou pe omongeta ojo oiko ñeemombeúa Isaías jembikuatía.

Hechos 8:30

Jayave Felipe osɨi käretou kotɨ, jare oendu jókuae kuimbae omongeta oï ñeemombeúa Isaías jembikuatía. Jayave oparandu chupe: —¿Reikuaa pa jókuae remongeta reo vae?

Hechos 8:39

Jare oë reta ɨ güi yave, yandeYa iEspíritu güɨraja joko güi Felipe. Jare eunuco mbaetɨ ye oecha. Jare oyerovia reve ojo jëta kotɨ.

1 Corintios 12:11

Ërei opaete kuae mbaembae reta iyapoa meteiño, jae ko Espíritu Santo etei, jae omee metei ñavo pe oipota omee rupi.

1 Timoteo 4:1

Ërei Espíritu Santo omombeu kavi yandeve kërai ara reta taɨkuegua pe amogüe vae oyerovata iporogüɨrovia güi, ojo vaerä espíritu oporombotavɨ vae reta ndive jare aña reta iporomboe rupi,

Hebreos 3:7

Jáeramo, Espíritu Santo jei rami: “Añave peendu yave iñee: