Hechos 8:27 - Biblia Guarani Tumpa Iñee

²⁷ Jayave Felipe opüa ojo. Jare metei eunuco Etiopíaɨgua ojo ye jëta kotɨ Jerusalén güi. Echa ou Jerusalén pe omboete vaerä Tumpa. Kuae eunuco ko jae metei mburuvicha. Jae oyangareko oiko Candace ikorepoti jare ïru imbaembae ikavi vae re. Candace ko jae Etiopía pegua reta juvicha kuña.

Nuevo Testamento Guaraní Pe

²⁷ Jayave Felipe opúa ojo. Jare metei eunuco ɨvɨ Etiopía pegua ojo ye jenta cotɨ Jerusalén güi. Echa ou Jerusalén pe omboete vaera Tumpa. Cuae eunuco co jae metei mburuvicha. Jae oñangareco oico Candace icorepoti jare iru imbaembae icavi vae re. Candace co jae Etiopía pegua reta juvicha guasu.

Hechos 8:27 ပူးပေါင်းရင်းမြစ်များ

1 REYES 10:1

Mburuvicha kuña Sabá pegua oendu Salomón jërakua kavi yae yandeYa omborɨ vae rupi yave, ou oparandu chupe mbae yavaigüe re ojäa vaerä.

SALMOS 68:29

Ndetupao Jerusalén pe oï vae pe, mburuvicha guasu reta mbota güeru ndevea pe.

SALMOS 68:31

Yogüeruta mburuvicha reta Egipto pegua, Etiopía jarembae voita ipo omopüa Tumpa pe.

SALMOS 87:4

“Chemaendúa Egipto re jare Babilonia re, tëta chekuaa vae reta ipɨte pe, joko vi oï Filistea, Tiro jare Etiopía, opaete kuae reta oë chugüi reta.”

ISAÍAS 18:7

Jókuae ara, kuimbae ipuku jare jundaiasɨ vae reta, ikɨɨyea yae avei reta opaete ketɨ rupi vae, imbaepuere yae jare oporomoamɨri avei vae reta, iɨvɨ rupi ɨ̈aka katuai vae reta, güeru retata mbota yandeYa Imbaepuere yae ete vae pe. Güeru retata ɨvɨtɨ Sión pe, yandeYa Imbaepuere yae ete vae jee oñeenɨia pe.

ISAÍAS 43:6

Ɨvɨtuguasu kotɨgua reta pe jaeta: ‘Opa ye embou’, jare arayevɨ kotɨgua reta pe jaeta: ‘Agüɨye emombɨta. Eru mombɨrɨ ɨvɨ iyapɨ kotɨ güi cheraɨ reta jare cherayɨ reta,

ISAÍAS 45:14

YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

ISAÍAS 60:3

Jare nderembipe kotɨ yogüeruta tëtaguasu reta, mburuvicha guasu reta yogüeruta vi nderembipe kotɨ.

ISAÍAS 60:6

Jetagüe camello omboatɨ retata nderé, Madián jare Efa güi yogüerugüe reta; opaete Sabá pegua yogüerugüe reta, güeruta oro jare ikäti kavi vae incienso, omoërakua retata yandeYa iyemboetea.

ISAÍAS 66:19

Jare amokañɨmaata chupe reta: Chugüi reta ojoyepegüe, amondota tëtaguasu reta kotɨ, jae ko: Tarsis, Fut jare Lud pe; kuae tëtaguasu Lud pegua reta oikatu oiporu uvɨ, Tubal jare Javán kotɨ, jare matɨ rupi tëtaguasu reta ñogüɨnoi ɨguasu jembeɨ rupi vae, jókuae mbaetɨ oendu reta cheregua vae, jare mbaetɨ vi oecha reta cheyemboetea; jae reta omoërakuata cheyemboetea tëtaguasu reta pe.

JEREMÍAS 13:23

¿Ñaguanau ipuere pa ipireyu? ¿Yaguapara ipuere pa oyeekɨ ipïra? Jökorai ko peyepokuaa ikavimbae pe, ngaraai pepuere peyapo ikavi vae.

JEREMÍAS 38:7

Jare Ebed-melec eunuco Etiopíaɨgua, mburuvicha guasu jo pegua, oikuaa Jeremías oñono reta ɨrɨru pe. Jare mburuvicha guasu oguapɨ oñono kavi teko oï öke Benjamín jee vae pe.

JEREMÍAS 39:16

“Ekua jare ere Ebed-melec Etiopíaɨgua pe: YandeYa Imbaepuere yae ete vae Israel iTumpa, jei: ‘Ambopota cheñee oñemoërakua kuae tëta guasu oyemboaita vae, mbaetɨ ikavi vae. Kuae oyeapo yave, nde oimeta reï.

SOFONÍAS 3:10

Ɨvɨ Etiopía pegua ɨ̈aka reta kutɨ jovaicho kotɨ güi tëta chembae vae opa oñemoai moai ñogüɨnoi vae güeru retata cheve mbota.

San Mateo 12:42

Jökoraiño vi Tumpa oporojäa yave, mburuvicha kuña oiko arayevɨ kotɨ vae opüata omboeko vaerä añave yogüɨreko vae reta. Echa jae ou mombɨrɨ güi oyeapɨsaka vaerä Salomón iyarakuaa re. Ërei, ko oï tuichagüe yae Salomón güi vae.

San Juan 12:20

Yogüeru arete Pascua pe ombaemboete vae reta ipɨte pe ñogüɨnoi amogüe Greciaɨgua reta.

Hechos 8:28

Jare eunuco oguapɨ ikäretou pe omongeta ojo oiko ñeemombeúa Isaías jembikuatía.

DEUTERONOMIO 30:13

Jare mbaetɨ oï ɨguasu jovaicho kotɨ, pere vaerä: ‘¿Kia ra oasata yandeve ɨguasu, jare güeru oenduka yandeve, yayapo vaerä?’

Hebreos 11:8

Iporogüɨrovia rupi Abraham, Tumpa oenɨi yave ojo, Tumpa güɨrökuavee omeeta ɨvɨ imbaerä vae kotɨ; oë ojo oikuaambae reve ketɨ ko ojo vae kotɨ.