Hechos 8:24 - Biblia Guarani Tumpa Iñee

²⁴ Jayave Simón jei chupe reta: —Peyerure cheré yandeYa pe, agüɨye vaerä kuae pere cheve vae oyeapo cheve.

Nuevo Testamento Guaraní Pe

²⁴ Jayave Simón jei chupe reta: —Peyerure cheré ñandeYa pe, agüɨye vaera cuae pere cheve vae oyeapo cheve.

Hechos 8:24 ပူးပေါင်းရင်းမြစ်များ

GÉNESIS 20:17

Jayave Abraham oyerure Tumpa pe; jare Tumpa oipoano Abimelec jare jembireko, jare jembiokuai kuña reta, oime vaerä iñemuña reta.

GÉNESIS 20:7

Jayave, emee ye kuña ime pe, echa jae ko ñeemombeúa, oyerureta nderé jare reikoveta. Ërei ngatu mbaetɨ yave remee ye, añetete remanota jare opaete neñemuña.”

1 REYES 13:6

Jayave mburuvicha guasu Jeroboam jei Tumpa iñeemombeúa pe: —Romoñera reyerure vaerä cheré ndeYa Tumpa pe, chepo okuera vaerä. Tumpa iñeemombeúa oyerure yandeYa pe, jare mburuvicha guasu ipo okuera, opɨta tenonde rami.

ESDRAS 6:10

omee reta vaerä mɨmba oyeyukagüe, Tumpa ara pe oï omboyerovia vaerä, jare oyerure reta vaerä mburuvicha guasu re jare taɨ reta re.

ESDRAS 8:23

Royekuaku tembíu güi, jare royerure oreTumpa pe jókuae re, jare jae oendu oreve.

JOB 42:8

Añave peipɨɨ chiu toro raɨ jare chiu vecha kuimbae, jare pekua cherembiokuai Job pɨri, jare perökuavee mbota mɨmba oyeyukagüe opa etei oyeapɨ vae peyé, jare cherembiokuai Job oyerureta peré; echa añetete jae iyerure reño ayeapɨsakata, agüɨye vaerä ayapo ikavimbae peve, echa mbaetɨ pemiari kavi jupi rupi cheré, cherembiokuai Job rami.”

ÉXODO 10:17

Ërei pomoñera peɨ̈ro ye vaerä chembaeyoa re cheve añave yepe, jare peyerure peYa Tumpa pe ombosɨrɨ vaerä chegüi kuae mbae pɨ̈chɨi yae vae.

ÉXODO 12:32

Peraja vi pevecha jare peguaka reta peipota rami, pekua jare peyerure vi cheré.

ÉXODO 8:8

Jayave Faraón oenɨi Moisés jare Aarón, jare jei chupe reta: —Peyerure peYa kotɨ oekɨ vaerä chegüi pïte reta jare cherëta güi, javoi amaeñota yogüɨraja nerëtaɨgua reta, omee reta vaerä mɨmba oyeyukagüe peYa pe.

JEREMÍAS 37:3

Mburuvicha guasu Sedequías omondo Jucal, Selemías taɨ, jare sacerdote Sofonías, Maasías taɨ jei reta vaerä Jeremías pe: “Eyerure oreré yandeYa Tumpa pe.”

JEREMÍAS 42:2

yogüeru jei reta Jeremías pe: —Roiporu ndeve añave, agüɨye neäteɨ oreve: Eyerure ndeYa Tumpa pe oreré, ore mbovɨ ropɨtagüe re. Tenonde yave jeta yae ko roikose, ërei añave mbovɨ yae ropɨta, reecha rami.

NÚMEROS 21:7

Jayave opaete vae yogüeru Moisés oïa pe, jare jei reta chupe: —¡Oreyoa, romoë ramo oreñee yandeYa kotɨ jare nde kotɨ! ¡Eyerure yandeYa pe oekɨ vaerä oregüi kuae mboi reta! Moisés oyerure opaete vae re,

Santiago 5:16

Peyoa yave oyokotɨ, pemombeu oyoupe, javoi peyerure oyoe, Tumpa pembogüera vaerä. Jupi vae iyerure opaete ipɨa reve vae, güɨnoi mbaepuere.

1 SAMUEL 12:19

Jayave opaete vae jei Samuel pe: —Eyerure yandeYa pe ore nderembiokuai reta re agüɨye vaerä romano; echa romoïru yé oreyoa reta roiporu kuae mburuvicha guasu vae pe.

1 SAMUEL 12:23

YandeYa tachemborɨ agüɨye vaerä ayerure poi peré, pomboe aveita peguata kavi vaerä jupi rupi.