Hechos 8:22 - Biblia Guarani Tumpa Iñee

²² Eeya kuae ndeyemongeta ikavimbae, jare eyerure Tumpa pe. Güɨramoi iñɨ̈rota ndeve kuae ndepɨa pe reyemongeta vae re.

Nuevo Testamento Guaraní Pe

²² Eeya cuae ndereco icavi mbae vae, jare eyerure Tumpa pe. Güɨramoi iñɨrota ndeve cuae reñemongueta ndepɨa pe vae re.

Hechos 8:22 ပူးပေါင်းရင်းမြစ်များ

PROVERBIOS 24:9

Yarakuaambae iyemongeta ko, mbaeyoaño; oporoyóyai yóyai vae, ikaviä yae ko kuimbae reta pe.

DANIEL 4:27

Jáeramo nde mburuvicha guasu, eendu cheporomboarakuaa: Eyapo jupi vae, agüɨye mo ndeyoa, ikavimbae reta reyapo vae jekovia pe, eyapo mboroparareko oiporara ñogüɨnoi vae reta pe, jayave güɨramoi kuae ndepɨagüive reiko vae oyembopukuta ndeve.’ ”

AMÓS 5:15

¡Pemotareɨ ikavimbae! ¡Jare peaɨu ikavi vae! Ñejäa pe toime jupi vae; güɨramoi jayave yandeYa Tumpa Imbaepuere yae ete vae iñɨ̈rota José iñemuñagüe reta pe.

AMÓS 5:6

Peyu yandeYa kotɨ jare peikoveta; agüɨye vaerä ou tata rami José iñemuña reta kotɨ, jare opa pemboai, jare mbaetɨta Bet-el pe kia ipuere ombogüe.

JONÁS 1:6

Jayave barco pe oparavɨkɨ vae reta juvicha oecha jare jei chupe: —¿Maratu pa reiko, nderopeɨ mbatee? ¡Epüa jare eyerure neTumpa pe! Güɨramoi jae yandepararekota, agüɨye vaerä ñamano.

JONÁS 3:9

Mbaetɨ yaikuaa Tumpa oipoepɨta ra iyemongeta iyarasɨ güi, agüɨye vaerä ñakañɨtei.”

Hechos 17:30

Ërei Tumpa ɨma rupi mbaetɨ oiporarauka oikuaambae vae reta pe. Ërei añave jae oyókuai opaete ɨvɨ pegua reta oeya vaerä iyemongeta ikavimbae vae ipɨa pe güɨnoi vae.

Hechos 2:38

Jayave Pedro jei chupe reta: —Peeya peyemongeta ikavimbae vae pepɨa pe penoi vae, jare peyembobautisauka metei ñavo Jesucristo jee re, Tumpa iñɨ̈ro vaerä peve peyoa reta re. Jare jae omeeta peve Espíritu Santo.

Hechos 3:19

Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua,

Hechos 8:20

Ërei Pedro jei chupe: —Nde rekañɨteita ko ndekorepoti ndive. Echa reyemongeta regua vaerä korepoti re mbota Tumpa omee vae.

Hechos 9:11

Jayave yandeYa jei chupe: “Epüa ekua kaye Sɨmbi jee vae pe, jare eeka Judas jo pe metei Tarso pegua, Saulo jee vae. Echa jae oyerure oï.

Romanos 2:4

Reröɨro Tumpa ipɨakavi jare ipɨaguasu yae ndeve vae. ¿Mbaetɨ pa reikuaa ipɨakavi ko ndeve, reeya vaerä ikavimbae ndepɨa pe oï vae?

Hebreos 4:12

Echa Tumpa iñee ko oikove jare imbaepuere, jaimbe yae metei kɨsepuku jaimbe yoyavi vae güi, ipuere oike yandepɨa pe jare yanderekove pe, yandeyoapɨa pɨa pe jare ñaneäputuu pe; ojäa yandeyemongeta reta jare yandepɨa jemimbota reta.

Apocalipsis 2:21

Jare amee ma jókuae kuña pe oeya vaerä iyemongeta ikavi mbae vae ipɨa pe oï vae, ërei mbaetɨ oipota oeya jeko ikavimbae.