Hechos 8:14 - Biblia Guarani Tumpa Iñee

¹⁴ Jare temimondo reta Jerusalén pe ñogüɨnoi vae, oikuaa Samaria pegua reta güɨrovia ma Tumpa iñee yave, omondo reta joko pe Pedro jare Juan.

Nuevo Testamento Guaraní Pe

¹⁴ Jare Jesús jemimondo Jerusalén pe ñogüɨnoi vae reta oicuaa yave quirai Samaria pegua reta güɨrovia ma Tumpa iñee, omondo reta Pedro jare Juan.

Hechos 8:14 ပူးပေါင်းရင်းမြစ်များ

1 REYES 13:32

echa jae omoërakua yandeYa iñee ikäti kavi vae incienso oyeapɨ jese vae Bet-el pegua kotɨ vae oyembopota ko jare opaete tumpa-raanga jo mbaemboete renda ɨvɨtɨ rupigua tëta guasu reta Samaria pe vae kotɨ.

San Mateo 13:23

Ërei jókuae temitɨ oa ɨvɨ kavi pe vae oyembojaanga Tumpa iñee oendu jare oikuaa kavi vae re. Jare jókuae metei temitɨ güi, amogüe cien jäɨ, amogüe sesenta jäɨ jare amogüe treinta jäɨ vae rami ko.”

San Lucas 22:8

Jayave Jesús jei Pedro jare Juan pe: —Pekua peyapo kavi yau vaerä vecha kuimbae taɨrusu vae isoo Pascua pegua.

San Juan 12:48

Jókuae chereröɨro jare mbaetɨ oyapo che jae chupe vae, oñejäata ko. Echa ara taɨkuegua pe kuae ñee jae vae ojäata ko.

Hechos 11:1

Jayave temimondo reta jare ïru oporogüɨrovia vae Judea rupi ñogüɨnoi vae reta, oikuaa kërai judiombae vae reta güɨrovia vi Tumpa iñee.

Hechos 15:4

Jare yogüɨraja oväe yave Jerusalén pe, temimondo reta jare opaete oporogüɨrovia vae reta itenondegua reta ndive omboresive kavi reta. Jare Pablo jare Bernabé imiari chupe reta opaete Tumpa oyapo mbaembae jae reta ndive vae.

Hechos 17:11

Jare joko pegua judío reta iyarakuaa yae Tesalónica pegua reta güi. Ikɨ̈reɨ ngatu reve oyeapɨsaka Tumpa iñee re, jare ara ñavo omongeta kavi Tumpaa Iñee, oikuaa vaerä añete ra Pablo jei vae.

Hechos 2:41

Jayave Pedro jei vae güɨrovia vae reta oyembobautisauka; jare jókuae ara tres mil rupi oñemoïru oporogüɨrovia vae reta ndive.

Hechos 8:1

Jare Esteban imano jaekavi Saulo pe. Jare jókuae ara voi oporogüɨrovia vae Jerusalén pe ñogüɨnoi vae reta re oñemopüa tätagüe vae. Jare opaete oporogüɨrovia vae reta opa oñemoai ɨvɨ Judea jare Samaria rupi. Ërei temimondo reta opɨtaño Jerusalén pe.

Gálatas 2:9

Jáeramo oporogüɨrovia vae reta itenondegua Jacobo, Cefas jare Juan oikuaa reta kërai Tumpa ko omee cheve kuae mbaravɨkɨ. Jare oechauka vaerä ore ko jae jae reta iñeïru vae, orepopɨɨ che jare Bernabé; rojo vaerä judiombae vae reta pɨri jare jae reta yogüɨraja vaerä judío reta pɨri.

1 Tesalonicenses 2:13

Jókuae re romee avei yasoropai Tumpa pe. Echa perovia Tumpa iñee romombeu peve vae yave, mbaetɨ pemboresive kuimbae iñee rami, pemboresive ko Tumpa iñee añetete vae. Jare kuae Tumpa iñee oparavɨkɨ pe peporogüɨrovia vae reta ipɨa pe.

1 Tesalonicenses 3:2

jare romondo yanderɨvɨ Timoteo pépɨri. Jae ko Tumpa pe oyeokuai vae, oremborɨ omoërakua ñee ikavi vae Cristo regua vae. Romondo ko pemomɨ̈rata jare pemboarakuaa vaerä peporogüɨrovia pe;

2 Tesalonicenses 2:10

Oyapota oipotagüe mbae ikavimbae, ombotavɨ vaerä okañɨteita vae reta. Echa mbaetɨ omboresive reta mboroaɨu añete pegua, oyemboasauka vaerä.