Hechos 8:12 - Biblia Guarani Tumpa Iñee

¹² Ërei Felipe omoërakua ñee ikavi vae Tumpa iporookuaía regua jare Jesucristo regua yave, kuimbae reta jare kuña reta oyembobautisauka.

Nuevo Testamento Guaraní Pe

¹² Erei Felipe omombeu tenta pegua reta pe ñee icavi vae. Imiari chupe reta Tumpa iporoocuaia re jare Jesucristo re. Jayave cuimbae reta jare cuña reta güɨrovia jare oñembobautizauca.

Hechos 8:12 ပူးပေါင်းရင်းမြစ်များ

San Mateo 28:19

Jáeramo pekua pemboe opaete tëtaguasu pegua reta cheremimboerä, jare pembobautisa cheRu jee re, cheree re jare Espíritu Santo jee re.

San Lucas 9:2

Jayave omondo reta omombeu vaerä Tumpa iporookuaía jare ombogüera vaerä imbaerasɨ vae reta.

San Lucas 9:60

Jayave Jesús jei chupe: —Emaeño toñotɨ kuri tekove opambae vae mbaetɨ güɨnoi vae reta. Ërei nde ekua emombeu Tumpa iporookuaía.

Hechos 1:3

Jesús omano güire, oyekuaa chupe reta jae etei, oechauka reve añetete ko oikove vae. Oyekuaa chupe reta cuarenta ara rupi, jare imiari chupe reta Tumpa iporookuaía re.

Hechos 11:20

Ërei jae reta ipɨte pe ñogüɨnoi amogüe kuimbae Chipre jare Cirene pegua. Kuae reta oike Antioquía pe, imiari vi judiombae vae reta pe, omoërakua ñee ikavi vae yandeYa Jesús regua.

Hechos 18:8

Jare judío reta itupao pegua reta itenondegua Crispo jee vae jare opaete jo pegua reta güɨrovia yandeYa re. Jare jeta Corinto pegua reta oendu Pablo omoërakua vae yave, güɨrovia jare oyembobautisauka.

Hechos 19:5

Jare kuae oendu reta yave, oyembobautisauka reta yandeYa Jesús jee re.

Hechos 2:38

Jayave Pedro jei chupe reta: —Peeya peyemongeta ikavimbae vae pepɨa pe penoi vae, jare peyembobautisauka metei ñavo Jesucristo jee re, Tumpa iñɨ̈ro vaerä peve peyoa reta re. Jare jae omeeta peve Espíritu Santo.

Hechos 2:41

Jayave Pedro jei vae güɨrovia vae reta oyembobautisauka; jare jókuae ara tres mil rupi oñemoïru oporogüɨrovia vae reta ndive.

Hechos 20:21

Amombeu reve judío reta jare judiombae vae reta pe oyerova vaerä Tumpa kotɨ jare güɨrovia yandeYa Jesucristo re.

Hechos 20:25

Jare añave aikuaa katu opaete pe reta, amoërakua peve Tumpa iporookuaía regua vae reta, ngaraa ma chereecha ye.

Hechos 28:31

Jare omombeu reve Tumpa iporookuaía regua, jare oporomboe yandeYa Jesucristo re okɨɨyembae reve, jare mbaetɨ kia omboavai.

Hechos 5:14

Jare jeiete jeta güɨrovia yandeYa re kuimbae reta jare kuña reta.

Hechos 8:4

Ërei jókuae oporogüɨrovia vae reta opa oñemoai moai vae omoërakua ñee ikavi vae yogüɨrajaa rupi.

Romanos 10:10

Echa yandepɨa ndive ko yaroviata, yayembojupiuka vaerä, ërei yandeyuru pe ko yae yayemboasauka vaerä.

1 Corintios 11:11

Ërei yandeYa jóvai kuimbae mbaetɨ ipuere oiko kuñambae reve, jökoraiño vi kuña mbaetɨ ipuere oiko kuimbaembae reve.

Gálatas 3:28

Mbaetɨ ma ko judío ani judiombae vae; mbaetɨ ma tembiokuai ani tembiokuaimbae vae, kuimbae ani kuña. Echa Cristo Jesús re opaete pe reta metei ramiño ko.

1 Pedro 3:21

Jókuae ɨ ombojaanga añave pe reta peyemboasauka peyembobautisauka yave Jesucristo oikove ye ou omanogüe vae reta ipɨte güi ramo. Pepuereä peyemboasauka peyoe perete vae rupi. Jaeño peyemongeta kavi yave Tumpa kotɨ.