Hechos 7:56 - Biblia Guarani Tumpa Iñee

⁵⁶ Jayave Esteban jei: —¡Mase! Aecha ara oyepea oï, jare aecha vi Kuimbaerä oyeapo vae oï Tumpa iyakatu kotɨ.

Nuevo Testamento Guaraní Pe

⁵⁶ Jayave Esteban jei: —¡Mase! Aecha ara oyepea oi, jare aecha vi cuimbaera oyeapo vae oñemboɨ oi Tumpa iyacatu cotɨ.

Hechos 7:56 ပူးပေါင်းရင်းမြစ်များ

EZEQUIEL 1:1

Che sacerdote Ezequiel, Buzi taɨ, metei ara aï ɨ̈aka Quebar jembeɨ pe, Babilonia pe, tembipɨɨ oyereraja vae reta ipɨte pe yave, oyepea ara, jare aecha Tumpa. Kuae ko oasa treinta añoa re, irundɨa yasɨ re, pandepo araa pe, jae ko pandepo año ma mburuvicha guasu Joaquín oyererajauka tembipɨɨrä yave. YandeYa ombou oñono ipo cheré.

San Mateo 25:31

Che Kuimbaerä ayeapo vae ayu ye yave cheyemboetea reve opaete araɨgua oñeñono tee Tumpa peguarä vae reta ndive. Jayave aguapɨta cheyemboetea, mborookuaía pegua pe.

San Mateo 3:16

Jare Juan ombobautisa ma yave, Jesús oë ɨ güi. Jare jupivei oecha ara oyepea, jare oecha vi Tumpa iEspíritu ogüeyɨ jese pɨkasu rami.

San Mateo 8:20

Jesús jei chupe: —Aguara reta oime ikua, jare güɨra reta oime jaitɨ. Ërei che Kuimbaerä ayeapo vae mbaetɨ anoi kia pe aputuu vaerä ave.

San Marcos 1:10

Jare Jesús opüa ye ɨ güi yave, oecha ara oyepea, jare oecha vi Espíritu Santo ogüeyɨ jese pɨkasu rami.

San Lucas 3:21

Metei ara Juan ombobautisa opaete vae güɨnoi yave, ombobautisa vi Jesús. Jare Jesús oyerure ramboeve, ara oyepea.

San Juan 1:51

Añetete che jae ndeve, reechata ara oyepea oï, jare reechata vi Tumpa iaraɨgua reta oyeupi jare ogüeyɨ che Kuimbaerä oyeapo vae re.

Hechos 10:11

jare oecha ara oyepea jare metei asoya tuicha vae rami vae ogüeyɨ ɨ́vɨkotɨ. Kuae oñeapɨti reve irundɨ ekina reta pe oyembogüeyɨ.

Hechos 10:16

Kuae mboapɨ ye oyekuaa güire, jókuae asoya rami vae oyereraja ye ara kotɨ.

Hechos 7:57

Jayave jae reta täta osapúkai reve iyapɨsa oyopia. Jayave metei rami oepeña reta Esteban oipɨɨ.

Apocalipsis 11:19

Jare Tumpa itupao oyepea ara pe, jare käjou morogüɨrökuavee päve pegua oyekuaa oï japɨpe pe. Jare oyeendu ama-vera, ñee reta, ararɨapu, ɨvɨkana jare jeta amandau.

Apocalipsis 19:11

Jayave aecha ara oyepea. Jare joko pe oyekuaa metei kavayu tïi vae, jare opo jese vae jee Jupi vae jare Añetete vae, jae oporojäa jare oñeraro jupi rupi.

Apocalipsis 4:1

Kuae jaɨkue rupi amae jare aecha metei öke oyepea oï ara pe. Jare ñee tenonde yave aendu mimbɨguasu iñee rami vae imiari cheve vae jei cheve: “Eyeupi kuae pe jare aechaukata ndeve mbaembae oasata kuae jaɨkue rupi vae.”