Hechos 7:51 - Biblia Guarani Tumpa Iñee

⁵¹ Pe reta ko pepɨa täta vae, pepɨa jare peapɨsa oyembocircuncidambae. Peyovaicho avei Espíritu Santo kotɨ. Peñemuñagüe reta rami etei vi pe reta.

Nuevo Testamento Guaraní Pe

⁵¹ Pe reta pepɨatanta yae. Mbaeti peipota peyeócuai Tumpa pe, jare mbaeti ave peipota peyeapɨsaca jese. Jecuae peyovaicho Espíritu Santo ndive. Petenondegua reta oyapo rami, jocorai vi peyapo pe reta —jei—.

Hechos 7:51 ပူးပေါင်းရင်းမြစ်များ

2 REYES 17:14

Ërei Israel iñemuña reta mbaetɨ oendu, ipɨatäta yae reta iñemuñagüe reta ipɨatäta yae rami, echa jae reta mbaetɨ güɨrovia iYa Tumpa;

2 CRÓNICAS 30:8

Añave, agüɨye peyembopɨa täta peñemuñagüe reta rami; peñeñono yandeYa ipo pe jare peyu o mbaemboetea pe, jae oñono tee jekuae avei pegua vae pe. Peyeokuai yandeYa Tumpa pe, jökorai agüɨye vaerä ma iyarasɨ pekotɨ.

NEHEMÍAS 9:16

Ërei ngatu oreñemuñagüe reta ipɨa yemboete jare ipɨa täta, jare mbaetɨ oyeapɨsaka reta ndeporookuai reta re.

NEHEMÍAS 9:30

Reropɨa reta ɨma año rupi, jare remboyeandu reta tëi ndeEspíritu rupi, neñeemombeúa reta rupi, ërei mbaetɨ oyeapɨsaka reta; jáeramo, remee tëta ambuae vae reta ipo pe.

SALMOS 75:5

“Agüɨye peyembotuicha pembaepuere re, agüɨye pemiari pepɨarai reve.”

SALMOS 78:8

agüɨye vaerä iñemuñagüe reta rami: Ipɨarai reta jare ipɨapochɨ reta, mbaetɨ metei reño iyemongeta reta. ¡Tumpa kotɨ ave mbaetɨ jupigüe oyapo reta!

ÉXODO 32:9

YandeYa jei ye Moisés pe: —Che aecha kuae tëta, jare aikuaa ipɨa täta yae reta ko vae.

ÉXODO 33:3

Pekua ɨvɨ ikavi yae vae pe; ërei che mbaetɨta aja pe ndive, echa pe reta ipɨa täta yae vae ko, agüɨye vaerä opa pomboai tape rupi.

ÉXODO 33:5

echa yandeYa jei yepe Moisés pe: —Ere Israel iñemuña reta pe: “Pe reta jae ko ipɨa täta yae vae. Michi pegua yepe aï pepɨte pe yave, opata pomboai. Añave pemboi peyeugüi peremimonde ikavigüe, che aikuaa vaerä mbae ayapota peve vae.”

ÉXODO 34:9

Jare jei: —Añave cheYa, ndepɨakatu ko chekotɨ yave, ekua orerupíe añave; echa kuae reta ipɨa täta yae vae ko, neɨ̈ro oreve orembaeyavɨ re, oreyoa re jare toroiko ndembaerä.

ISAÍAS 48:4

Rokuaa ndepɨa täta yae ko, jiero täta rami, jare jiero iyu vae rami vae,

ISAÍAS 63:10

Ërei jae reta ipɨapochɨ yae yandeYa kotɨ, jare omboarasɨuka reta iespíritu; jáeramo oyemboyovaicho jae reta ndive, jare jae etei oñeraro jae reta ndive.

JEREMÍAS 17:23

Ërei jae reta mbaetɨ oendu, ñäteɨ oyapo reta jaegüe, jaeño oyembopɨapochɨ reta agüɨye vaerä oendu, ñenupa rupi ave mbaetɨ oipota oendu reta.’

JEREMÍAS 4:4

Judá pegua jare Jerusalén pegua reta, peyembocircuncida pepɨa pe yandeYa pe, agüɨye chearasɨ tijendɨ pekotɨ tata rami, javoi mbaetɨ kia ipuere ombogüe vaerä, pereko reta ikavimbae vae jeko pegua.

JEREMÍAS 6:10

Che jae: “¿Kia pa oenduta cheñee, amoërakua yave kuae re? Oyeapete ko oï iyapɨsa reta, cheYa, mbaetɨ ipuere oendu reta, oyóyai yoyaiño ko neñee reta, mbaetɨ oaɨu reta iyeupe.

EZEQUIEL 2:4

Jaeramiño vi taɨ reta iñeereenduä jare ipɨatäta. Ikotɨ reta romondota, rere vaerä chupe reta: ‘Körai jei yandeYa Tumpa.’

EZEQUIEL 44:7

Pe reta pemongɨa chetupao, ketɨgua reta peru ipɨa oyembocircuncidambae jare isoo oyembocircuncidambae oike vaerä pɨpe vae rupi. Mbɨyape, mbaekɨra jare tugüɨ pemee vae rupi pemongɨa, pemboeteä cheporogüɨrökuavee, opaete ikavimbae yae peyapo vae rupi.

EZEQUIEL 44:9

Körai jei yandeYa Tumpa: Metei ave ketɨgua ipɨa oyembocircuncidambae jare isoo oyembocircuncidambae, mbaetɨta oike chetupao pe, opaete ketɨgua reta yogüɨreko Israel iñemuña reta ipɨte pe vae.

LEVÍTICO 26:41

che ayovaichota vi pe ndive, jare pogüɨrajata perovaicho reta iɨvɨ pe; jare joko pe peñemomichi yave, jare peikuaa reve peiporara peyoa re yave,

NÚMEROS 27:14

peyembopɨapochɨ cheporookuai kotɨ ñuu Zin pe jeko pegua, opaete vae reta oyemboarasɨ chekotɨ yave, pe reta mbaetɨ chemboete jae reta ɨ oeka yave. (Kuae ko jae ɨ yemboarasɨ pegua, Cades pe, ñuu Zin pe.)

Hechos 6:10

Ërei jae reta mbaetɨ ipuere omoamɨri Esteban. Echa Esteban imiari iyarakuaa katu reve Espíritu Santo rupi.

Hechos 7:27

Ërei jókuae kuimbae oinupa güɨnoi jëtara vae omoaña Moisés, jare jei chupe: “¿Kia pa neñono oreruvicharä, orejäa vaerä?

Hechos 7:35

Kuae Moisés ko jae Israel pegua reta güɨröɨro vae. Echa jei reta chupe: “¿Kia pa neñono oreruvicharä, orejäa vaerä?” Tumpa omondo Moisés mburuvicharä jare oporoyora vaerä, araɨgua yai jendɨ vae pe oyekuaa chupe vae rupi.

Hechos 7:39

Ërei ñaneñemuñagüe reta mbaetɨ oipota oyapo Moisés jei vae, güɨröɨro reta. Jae reta ipɨa pe oyemongeta oyerova ye vaerä Egipto kotɨ.

Hechos 7:9

Jókuae yandeɨpɨ reta omotareɨ José ramo omee reta korepoti re, oyererajauka vaerä Egipto pe. Ërei Tumpa oï José ndive,

Romanos 2:25

Reyembocircuncidauka vae jaekavi ko, Moisés iporookuai jei vae reyapo yave. Ërei mbaetɨ reyapo mborookuai jei vae yave, reyembocircuncidaukambae rami ko.

Efesios 4:30

Agüɨye pembopɨatɨtɨ Tumpa iEspíritu Santo. Echa pɨpe Tumpa ñanemokañɨmaa yandereraja ete regua.

DEUTERONOMIO 10:16

Peyembocircuncida pepɨa pe, jare agüɨye mo peyembopɨa täta,

DEUTERONOMIO 30:6

Jare yandeYa Tumpa ombocircuncidata pepɨa, jare peñemuña reta ipɨa, peaɨu vaerä yandeYa Tumpa opaete pepɨa ndive jare opaete perekove ndive, jekuaeño peikove vaerä.

DEUTERONOMIO 31:27

Echa che aikuaa pepɨapochɨ jare pepɨa täta vae; añave rupi oimeño vɨteri aiko pepɨte pe yave viña pa pepɨapochɨ yandeYa kotɨ, ¡vɨtei ndipo amano ma yave!

DEUTERONOMIO 9:13

YandeYa jei cheve: ‘Aecha ma kuae tëta, ipɨa täta yae.

DEUTERONOMIO 9:6

Jáeramo, ikavi ko peikuaa mbaetɨ ko pereko kavi rupi yandeYa Tumpa omee peve pepɨ̈ro vaerä ɨvɨ kavi vae, echa pe reta ko ipɨa täta yae vae.

Filipenses 3:3

Echa yande ko jae añetete oyembocircuncida vae reta, echa yande yamboete Tumpa Espíritu rupi, mbaetɨ etei yayeko yandesoo pe oyeapo vae re.

Colosenses 2:11

Jese peyembocircuncida ma, mbaetɨ ko circuncisión yanderete pegua, echa Cristo oekɨ omombo ma pegüi peyoa, jae ko kuae circuncisión Cristo güi ou vae.