Hechos 7:5 - Biblia Guarani Tumpa Iñee

⁵ Ërei Tumpa mbaetɨ omee Abraham pe ɨvɨ imbaerä etei kërai ave yepe. Ërei jei omeeta ko chupe jare iñemuña reta pe iɨvɨrä, yepe tëi Abraham ndei taɨ.

Nuevo Testamento Guaraní Pe

⁵ Erei Tumpa mbaeti omee Abraham pe iɨvɨ aera cuae pe, mbaeti ipɨ jendara yepe. Erei jei omeeta co chupe jare iñemoña reta pe iɨvɨ aera, yepe tei Abraham ndei taɨ —jei chupe reta—.

Hechos 7:5 ပူးပေါင်းရင်းမြစ်များ

GÉNESIS 12:7

YandeYa oyekuaa Abram pe, jare jei chupe: “Neñemuña reta pe ameeta kuae ɨvɨ.” Jayave Abram omopüa mɨmba oyeyuka oyeapɨ jese vae yandeYa peguarä, jókuae jae oyekuaa chupea pe.

GÉNESIS 13:15

echa opaete kuae ɨvɨ remae reï jese vae ameeta ndeve jare neñemuña reta peguarä jekuae avei pegua.

GÉNESIS 15:18

Jókuae ara etei yandeYa oyapo morogüɨrökuavee päve Abram ndive, jei reve körai: —Neñemuña reta pe ameeta kuae ɨvɨ, ɨ̈aka Egipto pegua güive ɨ̈aka guasu kotɨ, ɨ̈aka Éufrates jee vae pe.

GÉNESIS 16:2

Jayave Sarai jei Abram pe: —Reecha ma kërai yandeYa cheapo chemembɨmbae vaerä; añave romoñera rereko vaerä kuae cherembiokuai; güɨramoi jupi anoita chemembɨ retarä. Jare Abram oyapo jembireko Sarai jei vae.

GÉNESIS 17:8

Kuae ɨvɨ Canaán reiko pɨpe vae ameeta ndeve, jare nderaɨkue rupi neñemuña reta peguarä vi ameeta jekuae avei pegua; jare aikota jae reta iTumparä.

GÉNESIS 23:4

—Ketɨgua jare oguataiño vae che pepɨte pe, pemee ɨvɨ cheve anoi vaerä pepɨte pe tëogüe renda, cherembireko añotɨ vaerä pɨpe.

GÉNESIS 26:3

eiko oguataiño vae rami kuae ɨvɨ pe, che aïta nde ndive, cheporerekuata nderé, echa ndeve jare neñemuña reta pe ameeta opaete kuae ɨvɨ. Jökorai amoañeteta ñererökuavee ayapo nderu Abraham ndive vae.

NEHEMÍAS 9:8

Jare reecha ipɨa jupi ndekotɨ, jare reyapo morogüɨrökuavee päve jae ndive, remee vaerä chupe jare iñemuña reta pe cananeo reta iɨvɨ, heteo reta, amorreo reta, ferezeo reta, jebuseo reta jare gergeseo reta imbae. ¡Jare nde rembopo neñee, echa nde ko jupi vae!

EZEQUIEL 33:24

“Nde kuimbae, jókuae Israel iñemuña reta jëta guasu reta opa oyemboaia rupi yogüɨreko vae reta, jei: ‘Abraham meteiño ko, ërei oiko ɨvɨ iyarä; ërei yande reta ko jeta ñaï, yandepuere vi ko yaiko ɨvɨ iyarä, echa yandembae ko.’

DEUTERONOMIO 10:11

Jare jei yandeYa cheve: ‘Epüa jare egüeyɨ ekua, reguata vaerä opaete vae reta jenonde, peike vaerä pepɨ̈ro ɨvɨ amombeu peñemuñagüe reta pe vae.’

DEUTERONOMIO 11:9

Jare peiko vaerä jeta ara jókuae ɨvɨ pe, yandeYa güɨrökuavee ɨvɨ kavi peñemuñagüe reta pe jare iñemuña reta pe vae pe.

DEUTERONOMIO 2:5

Agüɨye peñoraro jae reta ndive, echa ngaraa amee peve kërai ave yepe jae reta iɨvɨ güi. Che ko amee Esaú iñemuña reta imbaerä ɨvɨtɨ Seir.

DEUTERONOMIO 34:4

Jare jei chupe yandeYa: “Kuae ko jae ɨvɨ arökuavee cheree re Abraham, Isaac jare Jacob pe vae, jae chupe körai: ‘Neñemuña reta pe ameeta.’ Amaeño reecha etei vaerä nderesa pe, ërei ngaraa reasa jokotɨ.”

DEUTERONOMIO 9:5

Mbaetɨ ko pe jupi yae ani pepɨa isɨmbi yae ramo peiketa pepɨ̈ro ɨvɨ pembaerä, jókuae ɨvɨ pegua reta jeko kavimbae vae jeko pegua ko yandeYa Tumpa omoë omombo peróvai güi, omoañete vaerä yandeYa iñee jei jee re ae peñemuñagüe Abraham, Isaac jare Jacob pe vae.