Hechos 7:42 - Biblia Guarani Tumpa Iñee

⁴² Jáeramo Tumpa oyerova chugüi reta, jare omaeño omboete reta vaerä opaete ara ipo reta. Echa ñeemombeúa reta jembikuatía pe oyekuatía oï körai: “¿Cheve yera pemee mɨmba peyukagüe reta cuarenta año ñuu rupi peiko ramboeve, Israel iñemuña reta?

Nuevo Testamento Guaraní Pe

⁴² Jae rambue Tumpa oyerova chugüi reta, jare omaeño omboete reta vaera opaete ara regua reta. Echa Tumpa iñee aracae omombeu vae reta itupapire pe oyecuatía oi corai: ¿Cheve ra perocuavee maemɨmba peyuca cuarenta año ñuu pe vae reta, Israel pegua reta?

Hechos 7:42 ပူးပေါင်းရင်းမြစ်များ

2 REYES 17:16

Oeya reta opaete iYa Tumpa iporookuai reta, oyapo reta iyeupe mókoi toro taɨrusu vae iä jiero iyu vae pegua jare Asera iä reta, omboete reta opaete ara ipo reta jare Baal.

2 REYES 21:3

Echa omopüa pɨau ye mbaemboete renda ɨvɨtɨ rupigua reta tu Ezequías opa omboaigüe, jare omopüa mɨmba oyeyuka oyeapɨ jese vae reta Baal pe jare oyapo metei Asera iä, Acab, mburuvicha guasu Israel pegua oyapo rami, jare omboete opaete ara ipo reta,

SALMOS 95:10

Cuarenta año chearasɨ aiko kuae tëtaguasu kotɨ, jare jae: ‘Kuae tëta ipɨa güɨrave yae, ¡jare mbaetɨ oikuaa reta cheporookuai!’

ISAÍAS 43:23

Mbaetɨ peru cheve mɨmba oyeyukagüe opaetei oyeapɨ vaerä vae, mbaetɨ chemboete mɨmba oyeyukagüe pe ave. Che mbaetɨ ko pombogüérai aeka peve mbota vae rupi, mbaetɨ vi pomoambeko pemee vaerä cheve ikäti kavi vae incienso.

ISAÍAS 63:10

Ërei jae reta ipɨapochɨ yae yandeYa kotɨ, jare omboarasɨuka reta iespíritu; jáeramo oyemboyovaicho jae reta ndive, jare jae etei oñeraro jae reta ndive.

ISAÍAS 66:4

Jayave, che aiparavota vi tembiporara chupe reta, aruta chupe reta, jae reta okɨɨye yae chugüi vae. Echa aporoenɨi tëi yave mbaetɨ kia omboyevɨ cheve, cheñee amoë tëi yave, mbaetɨ kia oendu cheve; ikavimbae oyapo reta cheróvai, oiparavo reta iyeupe, mbaetɨ etei ipöra cheve vae.”

JEREMÍAS 19:13

O reta Jerusalén pegua jare mburuvicha guasu reta Judá pegua jo reta, jare o reta iárambo ikäti kavi vae incienso oapɨ reta yasɨtata reta pea pe, jare omee reta mbota vino oyepɨyere vae tumpa ambuae pe vae, ikɨata opɨta cheróvai Tofet rami.’ ”

JEREMÍAS 8:2

jare omoai retata ikatu rupi kuaraɨ pe, yasɨ pe jare opaete yasɨtata jae reta omboetese jare oyeokuaise chupe vae pe. Mbaetɨ eteita kia omonoo oñotɨ vaerä. Oñemoaita ñogüɨnoi ɨvɨ re tepoti rami.

EZEQUIEL 20:25

Jáeramo amee vi chupe reta mborookuai mbaetɨ ikavi vae, jare yavai yaeta jókuae rupi yogüɨreko vaerä vae.

EZEQUIEL 20:39

‘Israel iñemuña reta, yandeYa Tumpa jei körai: ¡Pekua metei ñavo pemboete petumpa-raanga reta, mbaetɨ yave pekɨ̈reɨ chemboete! Ërei oväeta ara chemboete vaerä jare ngaraa ye ma pemongɨa cheree ikɨambae vae jókuae pemee mbota vae rupi jare pemboete petumpa-raanga reta vae rupi.

EZEQUIEL 8:16

Jayave chereraja yandeYa itupao joka japɨpe pe, jare aecha yandeYa itupao jöke jare mɨmba oyeyuka oyeapɨ jese vae ipäu pe, veinticinco rupi kuimbae ikupe omee ñogüɨnoi yandeYa itupao kotɨ, omae reta kuaraɨ oëa kotɨ, itindɨasɨ reve ɨvɨ re omboete reta kuaraɨ.

OSEAS 4:17

¡Efraín pegua reta itumpa-raanga pota yae! ¡Peeya!

San Juan 6:45

Ñeemombeúa reta jembikuatía jei körai: “Tumpa omboeta opaete vae.” Jayave, opaete oyeapɨsaka cheRu re vae, jare jae omboe vae, ou chekotɨ.

Hechos 13:40

Jáeramo peyeandu, agüɨye vaerä oyeapo peve ñeemombeúa reta jei vae. Echa jei reta körai:

Hechos 7:36

Moisés güɨnoe reta güeru, mɨakañɨ reta oyapo Egipto pe vae rupi, Ɨguasu Pɨ̈ta vae pe, jare cuarenta año ñuu rupi yogüɨreko ramboeve.

DEUTERONOMIO 17:3

omboete yave oyetavatɨka reve tumpa-raanga, kuaraɨ, yasɨ ani opaete ara ipo reta yandeYa oyopia vae,

DEUTERONOMIO 4:19

Ani pemae yave ara kotɨ jare peecha kuaraɨ, yasɨ jare yasɨtata, jare opaete ara ipo reta jare petindɨ pemboete ani peyeokuai chupe; echa yandeYa Tumpa ko oyapo kuae mbaembae, opaete vae reta peguarä.

Hebreos 3:9

peñemuñagüe reta oipota tëi oyavɨuka chevea pe, chemboaporova reta, yepe oecha reta tëi ayapogüe cuarenta año rupi.

JOSUÉ 24:20

Pe pesɨrɨ yave yandeYa güi jare peyeokuai yave tumpa ambuae reta pe, jae oyapota ikavimbae vae peve jare opata pemokañɨtei jeta ma ikavi vae oyapo peve tëi reve.