Hechos 7:30 - Biblia Guarani Tumpa Iñee

³⁰ Cuarenta año ma oasa yave, metei araɨgua oyekuaa chupe ñuu pe, ɨvɨtɨ guasu Sinaí iyɨpɨ pe. Metei yai jendɨ oï vae güi.

Nuevo Testamento Guaraní Pe

³⁰ Cuarenta año ma oasa yave, ñuu pe coiño ɨvɨtɨ Sinaí jee vae güi oi yave, metei araɨgua oyecuaa Moisés pe metei yai jendɨ oi vae pe —jei—.

Hechos 7:30 ပူးပေါင်းရင်းမြစ်များ

1 REYES 19:8

Jare opüa okaru jare oɨu; jókuae tembíu omomɨ̈rata, jare oguata cuarenta ara jare cuarenta pɨ̈tu, ojo regua oväe Horeb pe, Tumpa iɨvɨtɨ re.

SALMOS 66:12

Remaeño oipotagüe kuimbae reta opɨ̈ro oreaseo re; roasa tata rupi jare ɨ rupi rami, ërei taɨkue ete rupi remee roikove.

ÉXODO 3:6

Che ko jae neñemuñagüe Abraham, Isaac jare Jacob iTumpa. Jayave Moisés oñomi jova, echa okɨɨye omae vaerä Tumpa re.

ÉXODO 7:7

Moisés güɨnoi ochenta año jare Aarón güɨnoi ochenta y tres año yave imiari reta Faraón ndive.

ISAÍAS 43:2

Ɨ reta reasa yave, che aïta nde ndive, ɨ̈aka reta reasa yave, ngaraa ɨ ndereraja; tata reasa yave, ngaraa rékai, ngaraa ave nderendɨ.

ISAÍAS 63:9

opaete mbɨatɨtɨ rupi yogüɨreko vae güi. Jae etei ko ou güɨroasayepe reta; jae ko oepɨ reta iporoaɨu rupi jare iporoparareko rupi, jare güeru reta jare omopüa reta jekuae avei pegua.

DANIEL 3:27

Jare oyemboatɨ ɨvɨ iyangarekoa reta, tenondegua reta, sundaro ruvicha reta, jare mburuvicha guasu imboarakuaa reta, omae reta vaerä kuae kuimbae reta re, kërai tata mbaetɨ ave güɨnoi mbaepuere jete reta re, ia reta ave mbaetɨ ókai; jemimonde reta ave mbaetɨ maratu, mbaetɨ ave tata piche yepe jae reta.

MALAQUÍAS 3:1

YandeYa Imbaepuere yae ete vae jei: “Mase, ko amondo cheñeemombeúa, jae oyapo kavita cheraperä; jare yandeYa outa güɨramoiño tupao guasu pe jókuae pe reta peeka vae, araɨgua morogüɨrökuavee päve pegua, jókuae pe reta peipota vae.”

San Marcos 12:26

Omanogüe reta oikove yeta vae regua ¿mbaetɨ pa pemongeta Moisés oikuatiagüe pe?, kërai Tumpa jei Moisés pe jókuae yai jendɨ vae güi: “Che ko jae, Abraham, Isaac jare Jacob iTumpa.”

San Lucas 20:37

Omanogüe reta oikove yeta vae regua, Moisés oikuaauka vi jókuae yai jendɨ vae regua oikuatía vae rupi. Echa jei, yandeYa jae ko Abraham, Isaac jare Jacob iTumpa.

Hechos 7:17

Ërei köiño ma ou oyembopo vaerä Tumpa güɨrökuavee jee re ae oyapo vaerä Abraham pe vae yave, ñaneñemuñagüe reta jeta yae ma oñemoña Egipto pe.

Hechos 7:31

Moisés oecha jókuae yave, ipɨakañɨ jese. Ërei oyakatu omae vaerä jese köiño güi yave, oendu yandeYa iñee jei:

Hechos 7:32

“Che ko jae neñemuñagüe reta Abraham, Isaac jare Jacob iTumpa.” Jayave Moisés orɨrɨi okɨɨye güi, jare oipoɨu omae vaerä jese.

Hechos 7:35

Kuae Moisés ko jae Israel pegua reta güɨröɨro vae. Echa jei reta chupe: “¿Kia pa neñono oreruvicharä, orejäa vaerä?” Tumpa omondo Moisés mburuvicharä jare oporoyora vaerä, araɨgua yai jendɨ vae pe oyekuaa chupe vae rupi.

Gálatas 4:25

Echa kuae Agar oyembojaanga ɨvɨtɨ Sinaí Arabia pegua re, jare oyembojaanga vi tëta guasu Jerusalén añave pegua re. Echa jókuae tëta guasu jare ipo reta tembiokuai reta ko.

DEUTERONOMIO 33:16

yagüɨye kavi yae ɨvɨ rupi vae ñurati pɨte pe oyekuaa vae, ipɨakatu vae tou José iárambo, jókuae jëtara reta itenondeguarä oï vae re.

DEUTERONOMIO 4:20

Ërei ngatu yandeYa perenoe jókuae horno omondɨkui jiero vae güi, jae ko Egipto, peapo vaerä jae imbaerä, añave rami.