Hechos 7:25 - Biblia Guarani Tumpa Iñee

²⁵ Moisés oyemongeta tëi jëtara reta oikuaata ko Tumpa oepɨ jae rupi vae, ërei mbaetɨ jökorai oyemongeta.

Nuevo Testamento Guaraní Pe

²⁵ Moisés oñemongueta tei jentara reta oicuaata co Tumpa oepɨta jae rupi, erei mbaeti oicuaa reta —jei Esteban—.

Hechos 7:25 ပူးပေါင်းရင်းမြစ်များ

2 REYES 5:1

Mburuvicha guasu Siria pegua isundaro reta itenondegua ete ko Naamán, jae ko tuicha yae juvicha guasu jóvai vae, jare oaɨu yae, echa Naamán rupi yepe yandeYa güeru yeyora Siria peguarä. Kuae kuimbae yepe jëia yae, ërei ipire ókui imbaerasɨ.

SALMOS 106:7

Egipto pe mɨakañɨ reta tuichagüe reyapo vae mbaeä etei oreñemuñagüe reta pe; mbaetɨ imaendúa reta ndeporoparareko yae ko vae re, Ɨguasu Pɨ̈ta vae jembeɨ pe oyembopɨapochɨ reta ndekotɨ.

ÉXODO 2:12

Jayave omae opaete iyɨ́vɨri rupi, oecha mbaetɨ kia jokoropi yave, oyuka jókuae Egiptoɨgua jare oñotɨ ɨvɨkuitï pe.

San Marcos 9:32

Ërei jae reta mbaetɨ oikuaa kavi mbae re ra Jesús imiari vae, jare oipoɨu oparandu reta vaerä chupe jese.

San Lucas 18:34

Ërei jemimboe reta mbaetɨ etei oikuaa mbae ra oipota jei chupe reta vae. Echa jókuae ñee reta oñeomi oï chugüi reta. Yavai yae chupe reta oikuaa vaerä mbae ra oipota jei vae.

San Lucas 9:45

Ërei jae reta mbaetɨ oikuaa kavi mbae re ra Jesús imiari vae. Echa oñeomi oï chugüi reta, jare oipoɨu reta oparandu vaerä chupe jese.

Hechos 14:27

Jare yogüeru oväe yave, Pablo jare Bernabé omboatɨ oporogüɨrovia vae reta, jare imiari chupe reta opaete Tumpa oyapo mbae tuichagüe jae reta ndive vae, jare kërai Tumpa omee judiombae vae reta pe oporogüɨrovia vaerä.

Hechos 15:4

Jare yogüɨraja oväe yave Jerusalén pe, temimondo reta jare opaete oporogüɨrovia vae reta itenondegua reta ndive omboresive kavi reta. Jare Pablo jare Bernabé imiari chupe reta opaete Tumpa oyapo mbaembae jae reta ndive vae.

Hechos 15:7

Jare jeta ma oyoaka yave, Pedro opüa jare jei chupe reta: —Tëtara reta, peikuaa katu ko kërai ɨma ma ko Tumpa cheparavo amoërakua vaerä judiombae vae reta pe ñee ikavi vae, jare jae reta güɨrovia vaerä.

Hechos 21:19

Jare opa ma maraetei oyapo yave, Pablo imiari chupe reta kërai jae rupi Tumpa jeta mbae oyapo judiombae vae reta ipɨte pe.

Hechos 7:24

Jare oecha metei Egiptoɨgua oinupa güɨnoi metei Israel iñemuña pegua. Jayave oepɨ jare oyuka Egiptoɨgua. Jökorai oepɨ oiporara vae.

Hechos 7:26

Pɨareve pe oecha mókoi jëtara oñeraro ñogüɨnoi, jare oipota tëi oñono kavi reta. Jáeramo jei chupe reta: “Kuimbae reta, pe reta metei tëtara vae ko. ¿Maera pa ikavimbae vae peyapo oyoupe?”

Romanos 15:18

Chemiarita Cristo oyapo che rupi vae reño. Kërai judiombae vae reta iñeereendu vaerä. Kuae ayapo chemiari jare ayapo reve;

1 Corintios 15:10

Ërei Tumpa ipɨakavi rupi ko aï. Mbaetɨ ipɨakaviiño chekotɨ, echa aparavɨkɨ täta yae opaete ïru reta temimondo reta güi. Ërei mbaetɨ ko cheiño, Tumpa ipɨakavi omee cheve vae ko oparavɨkɨ.

1 Corintios 3:9

Echa ore ko roparavɨkɨ Tumpa ndive vae. Pe reta ko jae temitɨ Tumpa iko pegua rami, jare metei o Tumpa omopüa oï vae rami.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

Colosenses 1:29

Kuae jeko pegua che vi aparavɨkɨ aï Tumpa pe. Täta aparavɨkɨ aï aiporara reve Cristo imbaepuere rupi, echa jae täta oparavɨkɨ oï chepɨa pe.

JUECES 15:12

Jayave jae reta jei chupe: —Ore reta royu ko ropɨɨ romee filisteo reta ipo pe. Sansón jei: —Pere añetete cheve Tumpa jee re, mbaetɨta ra pe reta cheyuka.

1 SAMUEL 14:45

Jayave opaete vae jei Saúl pe: —¿Omanota yera Jonatán opa ramo Israel jovaicho reta omoamɨri vae? ¡Agüɨye jökorai! YandeYa jee re, agüɨye metei ave ia toa iñäka güi ɨvɨ re, echa Tumpa iporomborɨ rupi ko jae oyapo jókuae. Jökorai sundaro reta güɨroasayepe mano güi Jonatán.

1 SAMUEL 19:5

Jae oñemoëgua ko mano pe oyuka yave filisteo Goliat, jare yandeYa güɨroasayepe Israel iñemuña reta jókuae ara jovaicho reta güi, nde etei reecha jare reyerovia remae jese. ¿Maera pa reipota reyuka jekombae reve? ¿Remomburu David mbaetɨ reve oñeväe teko jese?