Hechos 7:2 - Biblia Guarani Tumpa Iñee

² Jayave Esteban jei joko pe ñogüɨnoi vae reta pe: —Tëtara reta, tëta guasu itenondegua reta, peyeapɨsaka cheré: Tumpa imboetea yae vae oyekuaa ñaneñemuñagüe Abraham pe, Mesopotamia pe oiko yave, ndei oiko Harán pe mbove.

Nuevo Testamento Guaraní Pe

² Jayave Esteban jei joco pe ñogüɨnoi vae reta pe: —Cherɨqueɨ reta, tenta pegua reta itenondegua reta, peyeapɨsaca cheré. Tumpa maemboete pegua oyecuaa ñanetenondegua Abraham pe, Mesopotamia pe oico yave, ndei ojo oico Harán pe mbove —jei—.

Hechos 7:2 ပူးပေါင်းရင်းမြစ်များ

GÉNESIS 11:31

Jare Taré oë tëta Ur güi, Caldeaɨgua reta iɨvɨ güi, ojo vaerä ɨvɨ Canaán jee vae kotɨ. Güɨraja jupíe taɨ Abram, jare jɨmɨmino Lot, jare taɨtatɨ Sarai. Ërei yogüɨraja ma oväe reta tëta Harán jee vae pe yave, joko pe opɨta reta oñemoëta.

GÉNESIS 12:1

Ërei yandeYa jei yepe Abram pe: “Ekua kuae ndeɨvɨ güi jare nerëtara reta ipɨte güi, jare nderu jo güi; ɨvɨ che amombeuta ndevea kotɨ.

GÉNESIS 12:5

Abram güɨraja jembireko Sarai jare jiɨ Lot, jare opaete imbaembae, jare vi opaete jembiokuai reta Harán pe oguagüe. Oë reta yogüɨraja vaerä ɨvɨ Canaán jee vae kotɨ. Jare opa yogüɨraja oväe Canaán pe.

GÉNESIS 15:7

Jei chupe: —Che ko ndeYa, rogüɨnoe tëta Ur güi Caldeaɨgua reta iɨvɨ güi vae, amee vaerä ndembaerä kuae ɨvɨ.

GÉNESIS 29:4

Jacob oparandu vecha iyangarekoa reta pe: —¿Kia pegua pa pe reta? —Ore ko Harán pegua —jei reta.

NEHEMÍAS 9:7

Nde oreYa ko jae Tumpa, nde ko reiparavo Abram, jare renoe Ur güi, Caldeaɨgua reta jëta guasu güi, jare rembojee Abraham.

SALMOS 24:10

¿Kia pa ko kuae Mburuvicha guasu imboetea yae vae? ¡Jae ko yandeYa Imbaepuere yae ete vae! ¡Jae ko Mburuvicha guasu imboetea yae vae!

SALMOS 24:7

¡Öke reta, peyepea! ¡Öke reta ñɨma vae, peyepea, Mburuvicha guasu imboetea yae vae oiketa!

SALMOS 29:3

YandeYa iñee oyeendu ɨguasu iárambo, Tumpa iyemboetea vae jɨapu; ¡yandeYa oï ɨguasu reta iárambo!

ISAÍAS 37:12

¿Cheñemuñagüe reta opa omboai tëtaguasu reta vae oepɨ yera itumpa-raanga reta? ¿Oepɨ yera tëta Gozán, Harán, Resef jare Edén pegua reta yogüɨreko Telasar pe vae?

ISAÍAS 51:2

Pemae peñemuñagüe Abraham re, jare Sara re, chugüi peñemuña vae. Abraham aenɨi yave, jaeño etei oiko yepi, ërei cheporerekua jese, jare jeta oñemuña.

ISAÍAS 6:3

Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

San Mateo 6:13

Jare agüɨye emaeño roipota oreyoa vaerä. Orereepɨ ikavimbae güi. Echa ndembae ko jekuae avei pegua mborookuaía, mbaepuere jare yemboetea. Amén.’

San Lucas 2:14

“¡Toyemboeteuka Tumpa ara pe, jare ɨvɨ pegua reta tipɨakatu, Tumpa ipɨakavi chupe vae reta!”

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 12:41

Isaías kuae jei, oecha yave Tumpa iyemboetea. Jáeramo imiari jökorai jese.

Hechos 22:1

“Tëtara reta jare cheru reta, peyeapɨsaka añemoeta peve cheyé vae re.”

Hechos 23:7

Kuae jei yave, fariseo reta omboɨpɨ oyoaka saduceo reta ndive, jare yatɨ vae reta oyemboyao oyougüi.

Hechos 7:1

Jayave sacerdote tenondegua ete oparandu Esteban pe: —¿Añete pa jökorai?

1 Corintios 2:8

Ërei mbaetɨ metei ave ɨvɨ pegua mburuvicha reta oikuaa kuae arakuaa. Echa oikuaa reta yave mona, ngaraa tëi ko oyuka kurusu re yandeYa imboetea yae vae.

Efesios 1:17

yandeYa Jesucristo iTumpa, Tu imboetea yae vae, tomee peve arakuaa katu jare toikuaauka peve mbaembae, peikuaa kavi vaerä Tumpa regua.

Tito 2:13

jare ñaäro yayerovia reve yandeRu Tumpa yandemboasa vae Jesucristo ou yeta vae.

Hebreos 1:3

Jae ko Tumpa iyemboetea, jae etei ko Tumpa, jae iñee mbaepuere pegua re opaete mbaembae oyeapo vae oiko, jae etei oñemee vae rupi oyoe yandeyoa reta güire oguapɨ Tumpa iyakatu kotɨ ara pe.

Hebreos 11:8

Iporogüɨrovia rupi Abraham, Tumpa oenɨi yave ojo, Tumpa güɨrökuavee omeeta ɨvɨ imbaerä vae kotɨ; oë ojo oikuaambae reve ketɨ ko ojo vae kotɨ.

Santiago 2:1

Cherɨvɨ reta, perovia yandeYa Jesucristo re vae reta, agüɨye peyoparavoño pemae kavi oyoe.

JOSUÉ 24:2

Jare Josué jei opaete vae pe: —Körai jei yandeYa, Israel iTumpa: “Arakae ete, peñemuñagüe Taré, Abraham jare Nacor tu, yogüɨrekose ɨ̈aka Éufrates jembeɨ pe; jare omboetese reta yepi tumpa ambuae.

Apocalipsis 4:11

“OreYa, jupi ko oñemee vaerä ndeve yemboetea, mbaemboete jare mbaepuere, echa nde reyapo opaete mbaembae, jare nderemimbota rupi opaete mbaembae oiko jare oyeapo.”