Hechos 6:7 - Biblia Guarani Tumpa Iñee

⁷ Jare Tumpa iñee jeiete oñemoai. Jare jeiete jeta yae oporogüɨrovia Jerusalén pe vae, jare jeta sacerdote reta ave vi oporogüɨrovia.

Nuevo Testamento Guaraní Pe

⁷ Jare Tumpa iñee jecuae oñemoai. Jeta yae vae oporogüɨrovia Jerusalén pe jare oñemoiru oporogüɨrovia vae reta ndive, jare jeta sacerdote reta vi oporogüɨrovia.

Hechos 6:7 ပူးပေါင်းရင်းမြစ်များ

2 CRÓNICAS 29:34

Ërei sacerdote mbovɨ jeko pegua, mbaetɨ oupitɨ omboi vaerä opaete mɨmba reta oyeyukagüe opaetei oyeapɨ vaerä vae, jáeramo jëtara levita reta omborɨ opa oyapo reta regua, ïru sacerdote reta opa regua oñeñono tee reta Tumpa pe; echa levita reta jarembae pegua voi oñeñono tee reta Tumpa pe sacerdote reta güi.

2 CRÓNICAS 30:24

Echa Ezequías mburuvicha guasu Judá pegua omee opaete yatɨ vae pe mil toro jare siete mil vecha; jare mburuvicha reta omee vi opaete vae pe mil toro jare diez mil vecha; jare sacerdote reta jeta ma vi oñeñono tee Tumpa pe.

SALMOS 132:16

Amboyekuaata ndesacerdote reta re chembaepuere yemborɨ pegua, jare joko pe chembae vae reta oyeroviata.

SALMOS 132:9

Ndesacerdote reta toyemonde jupi vae pe; toyerovia ndembae vae reta.

San Mateo 19:30

Ërei Tumpa omomichita oyembotuicha vae reta, jare ombotuichata oñemomichi vae reta.

San Lucas 2:34

Jare Simeón jei ñee kavi jese reta. Jayave jei ichɨ María pe: —Mase, kuae nemembɨ oïta jeta Israel pegua reta ogüɨapi vaerä jare opüa vaerä. Jare jeta vae reta güɨröɨrota.

San Juan 12:42

Ërei jeseve jeta mburuvicha reta güɨrovia Jesús re. Ërei mbaetɨ omboyekuaa reta fariseo reta jeko pegua, agüɨye vaerä oyemombouka reta judío reta itupao güi.

Hechos 12:24

Ërei Tumpa iñee jeiete oñemoai jare oñemoërakua opaete rupi.

Hechos 13:8

Ërei ichoropa vae Elimas omboavai tëi, agüɨye vaerä mburuvicha oporogüɨrovia.

Hechos 14:22

Jare kuae tëta guasu reta rupi jae reta omoäta ngatu oporogüɨrovia vae reta, jare omboarakuaa jekuaeño vaerä güɨnoi reta mborogüɨrovia Tumpa kotɨ. Jare jei vi chupe reta: “Yaiporara ñotai ko jeta yaike vaerä Tumpa iporookuaía pe.”

Hechos 19:20

Jökorai Tumpa iñee okuakuaa avei jare oñemoai mombɨrɨ rupi, mbaepuere yae reve.

Hechos 2:47

omboete reta Tumpa, jare opaete vae reta ipɨakatu jese reta. Jare ara ñavo yandeYa omoïru jae reta ndive oyemboasauka vae reta.

Hechos 21:20

Jae reta oendu yave, omboete Tumpa. Jayave jei reta Pablo pe: —Orerɨvɨ, reikuaa ma kërai jeta yae judío reta güɨrovia ma ko Jesús re, jare opaete jae reta jei oyeapoño vaerä mborookuai jei vae.

Hechos 6:1

Jókuae ara reta rupi jeiete jeta oñemoïru oporogüɨrovia vae reta yave, griego reta iñeenguru hebreo reta kotɨ. Echa mbaetɨ oyangareko kavi reta jëtaɨgua imemano vae reta re, ara ñavo oñemee tembíu yave.

Romanos 1:5

Jesucristo rupi Tumpa omee oreve ipɨakavi jare oremondo romoërakua vaerä opaete vae tëtaguasu pegua reta pe, oporogüɨrovia reta vaerä, Tumpa jee omboete reta vaerä.

Romanos 16:26

Ërei añave oyekuaa, ñeemombeúa reta oikuatía Tumpa Iñee vae rupi, Tumpa oiko ñomai vae iporookuai rupi, oikuaauka opaete tëtaguasu reta pe, oporogüɨrovia reta vaerä;

Gálatas 1:23

Jaeño oendu jei reta vae: “Jókuae kuimbae ikavimbae vae oyapo yepi yandeve vae, añave omoërakua mborogüɨrovia tenonde yave oipota tëi opa omboai vae.”

Gálatas 6:10

Jáeramo yandepuere yave, yayapo ikavi vae opaete vae pe, ërei yambotenonde oporogüɨrovia vae reta.

Colosenses 1:6

Kuae ñee jërakua peve vae jërakua vi opaete ɨvɨ rupi. Jare opaete kerupi oporogüɨrovia vae reta, jare oyeokuai pe reta rami Tumpa pe. Jókuae ara Tumpa ipɨakavi añete vae peendu jare peikuaa güive.

2 Tesalonicenses 1:8

Yogüeruta tata jendɨ vae re, oiporarauka vaerä mbaetɨ Tumpa oikuaa vae reta pe, ani ñäteɨ oendu ñee ikavi vae yandeYa Jesucristo regua vae reta pe.

2 Timoteo 2:9

Jese aiporara aiporara aï tembipɨɨrɨru pe ikavimbae iyapo rami. Ërei Tumpa iñee mbaetɨ oyeokenda oï.

Hebreos 11:8

Iporogüɨrovia rupi Abraham, Tumpa oenɨi yave ojo, Tumpa güɨrökuavee omeeta ɨvɨ imbaerä vae kotɨ; oë ojo oikuaambae reve ketɨ ko ojo vae kotɨ.

Hebreos 5:9

Jare opaete Tumpa jei vae oupitɨ ma yave, ou opɨta yemboasa opambae vae, opaete jae jei vae oyapo vae reta peguarä;

Judas 1:20

Ërei pe cherɨvɨ aaɨu vae reta, peñemomɨ̈rata peporogüɨrovia ikɨambae pe, peyerure reve Espíritu Santo rupi.

Judas 1:3

Cherɨvɨ aaɨu vae reta, chekɨ̈reɨ yae aikuatía peve yandeyemboasa regua. Ërei ikavi cheve aikuatía vaerä peve pomboarakuaa vaerä peñemoäta ngatu mborogüɨrovia oñemee oñeñono tee vae reta pe vae re.