Hechos 6:3 - Biblia Guarani Tumpa Iñee

³ Jáeramo peiparavo pepɨte güi, chiu kuimbae reta jërakua kavi vae reta, tɨnɨe Espíritu Santo pe jare iyarakuaa katu vae reta. Jae reta toyapo kuae mbaravɨkɨ.

Nuevo Testamento Guaraní Pe

³ Jae rambue peiparavo pepɨte güi, orerɨvɨ reta, siete cuimbae jeracua cavi jese vae reta, tɨnɨe Espíritu Santo pe jare iyaracuaa catu vae reta. Jae reta oyapota ñandeve cuae mbaravɨquɨ —jei reta—.

Hechos 6:3 ပူးပေါင်းရင်းမြစ်များ

ÉXODO 18:21

Jare eiparavo opaete vae güi, kuimbae oikatuta tëta güɨroata vae, Tumpa güi oipoɨu vae, kuimbae jupi vae, imbaepotaraimbae; jare eñono mil vae reta juvicharä, cien, cincuenta jare payandepo kuimbae reta juvicharä.

ISAÍAS 28:26

Echa Tumpa ko omboe kavi kërai oyapo vaerä.

ISAÍAS 28:6

jare oporojäa vae reta ipɨa pe oñonota jupi vae, jare sundaro reta oepɨ tëta guasu vae pe omeeta mɨ̈rata.

San Mateo 23:8

Ërei pe reta agüɨye peipota ïru vae reta jei vaerä peve: ‘Oporomboe vae.’ Echa meteiño ko oporomboe vae, jae ko Cristo, jare opaete pe reta metei tëtara ko.

San Juan 21:23

Jare opaete oporogüɨrovia vae reta oikuaa kuae Jesús jei vae, jare iyemongeta kuae temimboe mbaetɨta omano. Ërei Jesús mbaetɨ jei ngaraa omano. Jaeño jei: “Che aipota yave jae oiko vaerä che ayu ye regua, ¿maera pa reipota reikuaa?”

Hechos 1:15

Jare jókuae ara reta rupi Pedro imiari oporogüɨrovia vae reta ciento veinte rupi oyemboatɨ ñogüɨnoi vae pe, jei:

Hechos 1:21

Jáeramo ikavi ko kuae pe kuimbae reta yogüɨreko yande ndive opaete ara Jesús oiko yande pɨte pe güive,

Hechos 10:22

Jayave kuimbae reta jei Pedro pe: —Oime metei kuimbae Cornelio jee vae, cien sundaro vae juvicha. Jae ko kuimbae jupi vae jare omboete Tumpa vae. Jae ko opaete judío reta güɨrovia katu yae vae. Metei araɨgua jei chupe ndererajauka vaerä jëta pe, jae oyeapɨsaka vaerä remombeuta chupe vae re.

Hechos 15:23

Jare jae reta oikuatía omondo jae reta ndive. Kuae tupapire pe jei körai: “Ore temimondo reta, jare opaete oporogüɨrovia vae reta jare itenondegua reta, romondo tamaraeme opaete pe reta judiombae pe oporogüɨrovia Antioquía, Siria jare Cilicia pe peï vae pe.

Hechos 16:2

Oporogüɨrovia vae Listra jare Iconio pe ñogüɨnoi vae reta imiari kavi Timoteo re.

Hechos 2:4

Jayave opaete joko pe ñogüɨnoi vae reta tɨnɨe Espíritu Santo pe, jare omboɨpɨ imiari reta ambuaeyee vae ñee reta pe, Espíritu Santo omee chupe reta imiari vaerä vae pe.

Hechos 22:12

Jare oiko joko pe metei kuimbae Ananías jee vae. Jae oipoɨu Tumpa güi mborookuai oyapo reve, jare opaete judío joko pe yogüɨreko vae reta imiari kavi jese.

Hechos 28:14

Joko pe roväe oporogüɨrovia vae reta. Jare jae reta oparea oreve ropɨta vaerä jae reta ndive chiu ara pegua. Joko güi rojo tëta guasu Roma kotɨ.

Hechos 6:2

Jayave jókuae doce temimondo reta omboatɨ opaete jókuae jeta oporogüɨrovia vae reta, jare jei chupe reta: —Mbaetɨ jaekavi roeya vaerä Tumpa iñee romoërakua vae, royangareko vaerä roiko tembíu oyemboyao vae re.

Hechos 6:5

Kuae jaekavi jeta vae reta pe, jare oiparavo reta Esteban jae ko kuimbae iporogüɨrovia kavi jare tɨnɨe Espíritu Santo pe vae, Felipe, Prócoro, Nicanor, Timón, Parmenas jare Nicolás tëta guasu Antioquía pegua judiorä oyeapo vae.

Hechos 6:6

Jare güeru reta kuae oiparavogüe reta temimondo reta jóvai. Jayave jae reta oyerure Tumpa pe oñono reve ipo jese reta.

Hechos 9:30

Jare oporogüɨrovia vae reta kuae oikuaa yave, güɨraja reta Saulo Cesarea pe, jare joko güi omondo tëta guasu Tarso kotɨ.

1 Corintios 12:8

Echa Espíritu Santo omee metei vae pe imiari vaerä iyarakuaa katu reve. Jare jae vi omee ïru vae pe imiari vaerä oikuaa kavi yae reve.

1 Corintios 16:3

Jare che aja aväe pépɨri yave, ameeta tupapire reta peiparavo vae reta pe güɨraja vaerä mbota pemeegüe Jerusalén pe.

Efesios 5:18

Agüɨye peyembosavaɨpo, echa jókuae reta oyapo jeta mbae ikavimbae vae. Ërei pemaeño Espíritu Santo re omotɨnɨe vaerä pepɨa.

DEUTERONOMIO 1:13

Pemee pepɨte güi, ñemuña ñavo güi, kuimbae reta yarakuaa katu vae jare oikuaa kavi yae ma mbae vae, añono vaerä peve petenondeguarä.’

1 Timoteo 5:10

jare jërakua kavi jembiapo reta rupi vae, oyangareko kavi imembɨ reta re, omboresive kavi mboupa, oyoe oporogüɨrovia vae reta ipɨ, omborɨ oiporara vae reta jare oyapo opaete mbae ikavi vae yave.

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

3 Juan 1:12

Opaete vae imiari kavi Demetrio re. Echa jae oiko añete vae rupi. Ore vi romombeu peve jae jekuaeño oyapo ikavi vae. Jare peikuaa ore romombeu peve vae añete ko.