Hechos 5:40 - Biblia Guarani Tumpa Iñee

⁴⁰ Jare kuae Gamaliel jei vae ikavi chupe reta. Jayave oenɨi reta temimondo reta, jare oinupa güire oyopia yeyé agüɨye ye vaerä ma imiari Jesús jee re, jare oyora reta.

Nuevo Testamento Guaraní Pe

⁴⁰ Jare cuae Gamaliel jei vae icavi chupe reta. Jayave oeni reta Jesús jemimondo reta, jare oinupa. Jayave oyócuai reta agüɨye vaera mo imiari ye Jesús jee re, jare omondo.

Hechos 5:40 ပူးပေါင်းရင်းမြစ်များ

PROVERBIOS 12:10

Jupi vae oyangareko kavi jɨmba reta re, ërei iyoa vae reta ipɨa-pïría yae ko.

ISAÍAS 30:10

Maratuta vae imombeúa reta pe jei: “Agüɨye peecha mbae maratuta vae”, ñeemombeúa reta pe jei: “Agüɨye pemombeu oreve jupi rupi; pere oreve mbae ipöra vae, mbae nunga oremboyerovia vaeño.

AMÓS 2:12

“Ërei pe reta pemoñera etei pemongau vino pe nasareo reta, jare ñeemombeúa reta pe pere: ‘¡Agüɨye mo pemiari Tumpa iñee re!’

MIQUEAS 2:6

“¡Agüɨye pemoërakua oreve mbae outa vae, echa ngaraa maratu roasa!”

San Mateo 10:17

Peyeandu kuimbae reta güi. Echa pereraja retata mburuvicha reta pe oporojäa pe. Jare penupata judío reta itupao reta pe.

San Mateo 20:19

jare chemeeta judiombae vae reta ipo pe. Jae reta cheyóyai yoyaita, chenupata retata chikote pe, jare chekutu retata kurusu re. Ërei mboapɨ araa pe aikove yeta.

San Mateo 23:34

Jáeramo ambouta peve ñeemombeúa reta, yarakuaa vae reta jare cheporookuai re oporomboe vae reta. Ërei peyukata, amogüe peyukata kurusu re, amogüe peinupata chikote pe petupao reta rupi jare peaɨkuemoña retata tëta guasu ñavo rupi.

San Marcos 13:9

Peyeandu. Echa ïru vae reta pererajata mburuvicha reta oporojäa pe, oñeapo vaerä peré. Jare penupata judío reta itupao reta rupi. Jare pererajata mburuvicha ani mburuvicha guasu reta jóvai chereko pegua, chemombeu vaerä chupe reta.

San Lucas 20:10

Jare uva yagüɨye ma yave, uvarupa iya ombou metei jembiokuai kó iporúa reta pe, jae reta omee vaerä tëi uva chupe. Ërei kó iporúa reta oinupa kó iya jembiokuai, jare omondo ye ipogüɨraiño.

Hechos 5:28

—Ore poyókuai tëi ma agüɨye ye vaerä peporomboe jókuae kuimbae jee re. Ërei pe reta pemotɨnɨe opaete Jerusalén peporomboe pe. Jare peipota pemboya jókuae kuimbae imano oreré.

2 Corintios 11:24

Judío reta pandepo ye chenupa chikote pe; chenupa reta metei oata cuarenta oiporu reta vaerä cheré.