Hechos 5:36 - Biblia Guarani Tumpa Iñee

³⁶ Echa karamboe yave oyekuaa Teudas jee vae, jare oyereroviauka ïru vae reta pe. Jare cuatrociento rupi kuimbae reta oñemoïru jae ndive. Ërei jae oyeyukauka yave, opaete jae ndive ñogüɨnoi vae reta opa oñemoai moai, jare opa okañɨ.

Nuevo Testamento Guaraní Pe

³⁶ Echa carambué yave oyecuaa Teudas jee vae, jare oñemboete iru vae reta jóvai. Jare jeta cuimbae reta, güɨramoi cuatrocientos, oñemboatɨ jae ndive. Erei jae oyeyucauca, jare opaete jae ndive ñogüɨnoi vae reta opa oñemoai, jare mbaeti mbae ipuere oyapo.

Hechos 5:36 ပူးပေါင်းရင်းမြစ်များ

San Mateo 24:24

Echa opüata jeta Cristo jaanga reta, jare ñeemombeúa jaanga reta. Jare jae reta oyapota jeta mɨakañɨ reta tuichagüe, oporombotavɨ vaerä, jare ipuereta vi ombotavɨ Tumpa jembiparavo reta ave.

San Mateo 24:26

Jayave ïru vae reta jei yave peve: “Mase, oime oï ñuu pe”, agüɨye pekua, ani jei yave peve: “Mase, oime ko kuae o pe oï”, agüɨye perovia.

San Mateo 24:5

Echa yogüeruta jeta cheree re jei reve: “Che ko jae Cristo.” Jare jeta yae ko ombotavɨta vae.

Hechos 21:38

¿Jaeä pa ko nde jókuae Egiptoɨgua, metei ara oñemopüa mburuvicha reta kotɨ cuatro mil oporoyuka vae reta oñeraro vaerä ñuu pe vae?

Hechos 5:35

jare jae jei chupe reta: —Kuimbae Israel iñemuña reta, pemae kavi mbae peyapota kuae kuimbae reta pe vae re.

Hechos 8:9

Jare joko pe oiko metei kuimbae Simón jee vae. Jae ko ichoropa vae, jae ombotavɨ Samaria pegua reta mbaembae oyapo vae pe. Jáeramo oyereroviauka yae.

Gálatas 2:6

Ërei jókuae tenondegua reta mbaetɨ etei omombeu mbae ipɨau vae cheve (mbaetɨ mbae cheve tenonde güive ma yogüɨreko reta vae, echa Tumpa mbaetɨ ko oporomboyoavɨ).

Gálatas 6:3

Ërei oime yave kia oyembotuicha vae mbaeä reve, oyembotavɨ ko.

2 Pedro 2:18

Imiari reta oyemboete reve ñee añetembae, ombotavɨ ye soo jemimbota rupi oyembosɨrɨ tëi ma ikavimbae vae iyapoa reta güi vae.

2 Pedro 2:2

Jare jeta vae omomoeta jae reta iporomboe kavimbae, jae jeko pegua ïru vae reta jeita ñee ikavimbae mboromboe añete vae kotɨ.

Judas 1:16

Jae reta ko iñeenguru vae reta, oporoangao vae reta, yogüɨreko ipɨa jemimbota reño vae reta. Jae reta imiari oyemboete reve, iñee kavi jaanga reta oipota ïru vae reta omee mbae chupe ramo.

Apocalipsis 17:3

Jayave araɨgua chereraja Espíritu Santo imbaepuere pe ñuu kotɨ. Jare joko pe aecha metei kuña oguapɨ oï metei mbaemɨmba guasu pɨ̈ta vae chiu iñäka vae jare payandepo jäti vae re. Jare jókuae mbaemɨmba guasu re oyekuatía oï jeta tee jare jókuae tee reta rupi jei ikavimbae vae Tumpa kotɨ.

Apocalipsis 17:5

jare jesɨva re oyekuatía metei tee yaikuaambae, jei körai: “BABILONIA GUASU. JAE KO IYAGUASA POTA VAE RETA ICHƗ JARE MBAE PƗ̈CHƗI ƗVƗ PEGUA.”