Hechos 5:31 - Biblia Guarani Tumpa Iñee

³¹ Ërei kuae Jesús, Tumpa imbaepuere rupi oñono Tenondeguarä jare Oporomboasa vaerä, Israel pegua reta oeya vaerä iyemongeta ikavimbae vae ipɨa pe güɨnoi vae, jare Tumpa iñɨ̈ro vaerä chupe reta iyoa reta re.

Nuevo Testamento Guaraní Pe

³¹ Imbaepuere pe Tumpa oyapo ma cuae Jesús tenondegua vae jare oporomboasa vae, Israel pegua reta oeya vaera iñemongueta icavi mbae vae ipɨa pe oi vae, jare Tumpa iñɨro vaera chupe reta imbaeyoa reta re.

Hechos 5:31 ပူးပေါင်းရင်းမြစ်များ

SALMOS 89:19

Jayave nemiari yepi nderembiokuai reta pe körai: “Aiparavo metei jëia yae vae, chembae vae reta ipɨte pe, ambotuicha yae jare amborɨ.

SALMOS 89:24

Cheporoparareko jare cheñee añete vae oikota jae ndive, cheree re imbaepuere tuicha yaeta.

ISAÍAS 43:11

Che ko peYa, mbaetɨ yé ko oime chegüi ïru ipuere oporoepɨ vae.”

ISAÍAS 43:3

Echa, che ndeYa Tumpa ndereroasayepe vae ko, Tumpa Iyoambae Israel pegua. Che ko rogua; amee ko nderekovia pe Egipto, Etiopía jare Sabá.

ISAÍAS 45:21

Pemiari oyoupii jare peikuaauka oyoupe, peparandu oyoupe: ¿Kia ra omombeu kuae regua iyɨpɨ güive voi? ¿Kia ra jei arakae güive voi ma? Che ko, che peYa ko ayapo jókuae. Mbaetɨ yé ko ïru Tumpa chegüi. Mbaetɨ yé ko chegüi ïru Tumpa jupi vae jare oporoepɨ vae.

ISAÍAS 49:26

Nderovaicho reta pe jauukata isoo aeño, jare jugüɨ ae pe oyembosavaɨpo reta vino pe rami. Jökorai opaete vae toikuaa, che ndeYa, ndereroasayepe jare ndeReepɨ vae, jae ko Imbaepuere yae ete vae Jacob pe.”

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

EZEQUIEL 17:24

Jare opaete ɨvɨra reta oikuaata che ko jae peYa vae. Che amboai ɨvɨra ɨvate yae vae, jare amboɨvate ɨvɨra ɨ̈vɨi vae; che amboɨpi ɨvɨra jokɨ vae, jare ɨvɨra yɨpi vae ambojokɨ. Che peYa jae kuae, jare ayapota.’ ”

EZEQUIEL 34:24

Che peYa aikota peTumparä jare cherembiokuai David rami vae peruvicharä. Che peYa Tumpa jae kuae.

EZEQUIEL 37:25

Yogüɨreko retata jókuae ɨvɨ amee cherembiokuai Jacob pe vae pe, joko pe yogüɨrekose peñemuñagüe reta. Joko pe yogüɨrekota jae reta, taɨ reta jare iñemuña reta jekuae avei pegua; jare cherembiokuai David rami vae oikota juvicharä jekuae avei pegua.

DANIEL 10:21

Añave amombeu kavita ndeve tembikuatía añetete vae pe oyekuatía oï vae: Jae reta ndive añeraro yave jaeño chemborɨ araɨgua Miguel, mburuvicha tenondegua ete ɨvɨ Israel pegua.

DANIEL 9:25

Nde eikuaa kavi kuae: Jókuae mborookuai oñemee oñemopüa ye jare oñeñono kavi ye vaerä Jerusalén güive, oväe regua Mesías, oasata chiu semana, jare sesenta y dos semana; Jerusalén ikaye reta jare ikësea reta oñemopüa ye yave mbɨatɨtɨ yaeta jókuae ara rupi.

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

San Mateo 1:21

María imembɨta metei kuimbae raɨ, jare rembojeeta Jesús. Echa jae omboasata imbae vae reta imbaeyoa reta güi.”

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.

San Marcos 2:10

Ërei peikuaa vaerä che Kuimbaerä ayeapo vae anoi ko mbaepuere cheɨ̈ro vaerä mbaeyoa reta re kuae ɨvɨ pe. Jayave jei kuimbae jete jëogüe vae pe:

San Marcos 4:12

Kuae ayapo agüɨye vaerä oikuaa kavi, yepe tëi oecha reta, ërei mbaetɨ oecha kavi reta, yepe tëi oendu reta, ërei mbaetɨ oikuaa reta, agüɨye vaerä oyerova reta Tumpa kotɨ, iyoa reta oyemboai vaerä.”

San Lucas 2:11

Echa kuae pɨ̈tu oa oporomboasa vae David jëta pe. Jae ko yandeYa Cristo.

San Lucas 24:47

jare kërai oñemoërakuata jee re Jerusalén güive opaete tëtaguasu rupi oeya vaerä iyemongeta ikavimbae vae ipɨa pe güɨnoi vae jare Tumpa iñɨ̈ro vaerä chupe reta iyoa reta re.

San Juan 4:42

Jayave jei reta kuña pe: —Mbaetɨ roporogüɨrovia nde rere oreve güiño, roporogüɨrovia ko ore etei roendu ramo, jare añave roikuaa kuae ko jae ɨvɨ pegua reta Omboasa vae, Cristo jee vae.

Hechos 11:18

Jayave Pedro jei chupe reta vae oendu yave, mbaetɨ mbae jei reta, jare omboete reta Tumpa, jei reta: —¡Tumpa omee vi yepe judiombae vae reta pe oeya vaerä iyemongeta ikavimbae vae ipɨa pe oï vae, güɨnoi vaerä tekove opambae vae!

Hechos 13:23

Kuae David iñemuña reta güi Tumpa omee Jesús jae güɨrökuavee rami. Jae ko Israel pegua reta Imboasaa.

Hechos 2:33

Jare Tumpa güɨraja güire oñono iyakatu kotɨ, jare omee chupe jókuae jei omeeta chupe Espíritu Santo vae. Jáeramo Jesús etei ko ombou kuae peecha jare peendu vae.

Hechos 2:36

Israel iñemuña reta, peikuaa kavi kuae, jókuae Jesús peikutu kurusu re vae, añetete ko Tumpa oyapo ma yandeYarä jae Cristo ramo.”

Hechos 2:38

Jayave Pedro jei chupe reta: —Peeya peyemongeta ikavimbae vae pepɨa pe penoi vae, jare peyembobautisauka metei ñavo Jesucristo jee re, Tumpa iñɨ̈ro vaerä peve peyoa reta re. Jare jae omeeta peve Espíritu Santo.

Hechos 3:15

Jare peyukauka jókuae tekove Iya. Jae ko Tumpa omoingove ye omanogüe reta ipɨte güi vae. Jókuae ko ore roecha vae.

Hechos 3:19

Jayave peeya peyemongeta ikavimbae vae pepɨa pe penoi vae jare peyerova Tumpa kotɨ, peyoa reta oyemboai vaerä, jare ou vaerä yandeYa güi ara mbɨakatu pegua,

Hechos 3:26

Tumpa omopüa Taɨ peve, oyapo vaerä ikavi vae peve, metei ñavo peyerova vaerä Tumpa kotɨ pereko ikavimbae vae güi.”

Hechos 4:11

Kuae Jesús ko jae ita, pe o iyapoa reta peröɨro vae, ërei jae ou opɨta o ekina iguapɨkarä.

2 Corintios 2:10

Pe reta peɨ̈ro yave kia pe mbae re, che vi cheɨ̈ro chupe. Echa cheɨ̈ro chupe, oime mbae re cheɨ̈ro vaerä yave, cheɨ̈ro ko chupe peré Cristo jóvai,

Efesios 1:7

jugüɨ rupi yandereepɨ ma, Tumpa iñɨ̈ro vaerä yandeve yandeyoa reta re, ipɨakavi yae rupi,

Filipenses 3:20

Ërei ñanerëta ara pe ko oï, jare ñaäro ñaï joko güi ou vaerä Yandemboasa vae, jae ko yandeYa Jesucristo,

Colosenses 1:14

yandeRu yandereepɨ Taɨ imano rupi, jare iñɨ̈ro yandeyoa reta re.

Tito 1:4

Aikuatía kuae tupapire ndeve Tito, cheraɨ añetete vae mborogüɨrovia rupi: YandeRu Tumpa jare yandeYa Jesucristo ipɨakavi jare iporoparareko jare ipɨakatu toï nde ndive.

Tito 2:10

agüɨye timonda, ërei toechauka kavi iya pe ipuere vaerä güɨrovia katu, jökorai oikuaaukata ikavi yae ko Tumpa Yandemboasa vae iporomboe.

Tito 2:13

jare ñaäro yayerovia reve yandeRu Tumpa yandemboasa vae Jesucristo ou yeta vae.

Hebreos 12:2

Jare ñamae avei Jesús re, mborogüɨrovia iyapoa jare jae vi ombokavi. Jae tuicha güɨropɨa omano vaerä kurusu re, oyandúä oiporarauka chupe vae reta pe. Jare oguapɨ oï Tumpa iyakatu kotɨ.

Hebreos 2:10

Tumpa opaete mbaembae iyapoa, jese oï opaete mbaembae vae pe ikavi jeta ɨvɨ pegua reta oyeapo vaerä taɨ retarä, jáeramo, omee oiporara vaerä Jesús jare oupitɨ oporomboasa vaerä.

1 Pedro 3:22

Jesucristo ojo ma ara pe vae oime oï Tumpa iyakatu kotɨ; jae jeia re ñogüɨnoi araɨgua reta, mburuvicha reta jare mbaepuere güɨnoi vae reta.

2 Pedro 1:1

Che Simón Pedro, Jesucristo jembiokuai jare jemimondo, aikuatía peve pe peupitɨ mborogüɨrovia ikavigüe vae ñaneTumpa jare yandeYa Jesucristo jupi vae rupi, ore rami.

2 Pedro 1:11

Jare jökorai yave, oyepeata opaete peve yandeYa Yandemboasa vae Jesucristo iporookuaía opambae.

2 Pedro 2:20

Echa kia oyembosɨrɨ mbae ikavimbae vae ɨvɨ pegua güi yandeYa Jesucristo yandemboasa vae oikuaa vae rupi, ërei taɨkue rupi oyapo ye yave ñamɨri ma ko, jare ou opɨta ikavimbae yae tenonde oiko vae güi.

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!

1 Juan 4:14

Jare ore roecha jare romoërakua Tumpa ombou Taɨ ɨvɨ pegua reta Omboasa vae.

Judas 1:25

Tumpa jaeño vae jare yarakuaa vae, Yandemboasa vae pe toñemee mbaemboete, yembotuicha jare mbaepuere, añave jare jekuaekuae avei rupi. ¡Amén!

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,