Hechos 5:2 - Biblia Guarani Tumpa Iñee

² Jare Ananías oekɨ iyeupe jókuae ɨvɨ jepɨgüe güi jembireko vi oikuaa reve, jare güeru mbovɨño oñono temimondo reta ipo pe.

Nuevo Testamento Guaraní Pe

² Jayave Ananías oñovatu iyeupe mbovɨ ɨvɨ jepɨgüe güi jembireco oicuaa reve, jare güeru mbovɨño oñono Jesús jemimondo reta jóvai.

Hechos 5:2 ပူးပေါင်းရင်းမြစ်များ

MALAQUÍAS 1:14

¡Yepopeyu toa oporombotavɨ vae re, oime tëi güɨnoi mɨmba kavi jɨmba pɨte pe reve, güɨrökuavee jare güeru oikomeguagüe omee oyeyuka vaerä vae! Che ko jae Mburuvicha Guasu, cheree kɨɨyea ko opaete tëtaguasu ñavo rupi. Jei yandeYa Imbaepuere yae ete vae.

San Mateo 23:5

Echa jókuae oporomboe vae reta mbae oyapo yave, ïru vae reta oecha vaeräño ko oyapo. Echa jae reta mborookuai oyekuatiagüe oñono iyé vae jɨru, ombopɨguasu kavi reta iyeupe jare jemimonde jopea ombopuku reta iyeupe.

San Juan 12:6

Ërei mbaetɨ jei jökorai paravete vae reta omborɨ vaerä. Jei jökorai imonda ramo. Echa güɨnoi korepoti ïru vae reta omee chupe reta vae jɨru, jare oekɨ vɨari yepi korepoti iyeupeguarä.

Hechos 2:44

Jare opaete oporogüɨrovia vae reta oyemboatɨ, jare opaete imbaembae reta metei ramiño güɨnoi reta.

Hechos 4:37

Jae omee iɨvɨ jare güeru jepɨgüe oñono temimondo reta ipo pe.

Hechos 5:1

Oiko metei kuimbae Ananías jee vae jembireko Safira ndive, omee reta iɨvɨ.

Hechos 5:3

Jayave Pedro jei chupe: —Ananías, ¿maera pa remaeño Satanás güɨnoi mbaepuere nderé, ndeapu vaerä Espíritu Santo pe jare reekɨ ndeyeupe ndeɨvɨ jepɨgüe güi?

Hechos 5:8

Jayave Pedro oparandu chupe: —Emombeu cheve, ¿pemee pa peɨvɨ körai pe? Kuña jei chupe: —Añete, jökorai pe ko.

Filipenses 2:3

Agüɨye mbae peyapo peyovaicho vaerä oyoe. Agüɨye mbae peyapo peyembotuicha reve; ërei opaete mbaembae peyapo peñemomichi reve, metei ñavo tomae ïru vae re tuichagüe re rami;

1 Timoteo 6:10

Echa korepoti yaipota yae vae ko güeru opaete mbaembae ikavimbae vae. Jare amogüe vae oipota yae oikokatu ramo, opia iporogüɨrovia güi, jare täta oiporara.