Hechos 5:14 - Biblia Guarani Tumpa Iñee

¹⁴ Jare jeiete jeta güɨrovia yandeYa re kuimbae reta jare kuña reta.

Nuevo Testamento Guaraní Pe

¹⁴ Jare jecuaeño jeta iru cuimbae reta jare cuña reta güɨrovia ñandeYa re.

Hechos 5:14 ပူးပေါင်းရင်းမြစ်များ

2 SAMUEL 6:19

Jare omee opaete vae Israel iñemuña reta pe, kuimbae ani kuña pe yepe metei mbɨyape, soo peraso jare metei ipe uva oñemotinigüe. Javoi opa ye yogüɨraja opaete vae jo ñavo kotɨ.

ESDRAS 10:1

Esdras oyerure jare oyemombeu oyaeo reve oyetavatɨka Tumpa jo jóvai oï ramboeve, jeta yae Israel iñemuña reta yatɨ jese: Kuimbae reta, kuña reta jare michia reta; opaete vae oyaeo reta ipɨatɨtɨ reve.

NEHEMÍAS 8:2

Jare sacerdote Esdras güeru jókuae mborookuai, oyemboatɨ vae reta jóvai, jae ko kuimbae reta, kuña reta jare opaete michia ipuere ma oikuaa vae reta; jae ko tenondegua ara, yasɨ chiúa pe.

ÉXODO 35:22

Yogüeru kuimbae jare kuña, opaete ipɨa-kɨ̈reɨ vae güeru mboɨ, namicha, moäka-vera jare poapɨ regua, jare opaete mbaembae oro pegua, opaete vae reta omee mbota oro pegua yandeYa pe.

ISAÍAS 45:24

jare jei retata: ‘YandeYa reño ko oime jupi vae jare mbaepuere.’ Jare opaete oyemboyovaicho chekotɨ vae reta, oñemomaraiukata ko.

Hechos 11:24

Echa Bernabé ko jae kuimbae jupi vae, oporogüɨrovia kavi jare tɨnɨe Espíritu Santo pe vae. Jare jeta vae oñemoïru oporogüɨrovia vae yandeYa re.

Hechos 2:41

Jayave Pedro jei vae güɨrovia vae reta oyembobautisauka; jare jókuae ara tres mil rupi oñemoïru oporogüɨrovia vae reta ndive.

Hechos 2:47

omboete reta Tumpa, jare opaete vae reta ipɨakatu jese reta. Jare ara ñavo yandeYa omoïru jae reta ndive oyemboasauka vae reta.

Hechos 22:4

Che ayapo ikavimbae vae opaete Tape pɨau rupigua reta pe ayuka regua. Aipɨɨ añoñauka tembipɨɨrɨru pe kuimbae reta jare kuña reta.

Hechos 4:4

Ërei jeta oporogüɨrovia Tumpa iñee oendu vae reta; oupitɨ cinco mil rupi kuimbae oporogüɨrovia vae reta.

Hechos 6:7

Jare Tumpa iñee jeiete oñemoai. Jare jeiete jeta yae oporogüɨrovia Jerusalén pe vae, jare jeta sacerdote reta ave vi oporogüɨrovia.

Hechos 8:12

Ërei Felipe omoërakua ñee ikavi vae Tumpa iporookuaía regua jare Jesucristo regua yave, kuimbae reta jare kuña reta oyembobautisauka.

Hechos 8:3

Ërei Saulo oiporarauka yae oporogüɨrovia vae reta pe. Echa o ñavo rupi oike jare ombotɨrɨrɨ güɨraja kuimbae reta jare kuña reta oñono tembipɨɨrɨru pe.

Hechos 9:2

Jare oyerure chupe omee vaerä chupe tupapire mbaepuere pegua, ojo vaerä Damasco pegua judío reta itupao reta rupi, jare oväe yave joko pe kuimbae reta ani kuña reta Tape pɨau pegua reta, ipuere vaerä oipokua güeru Jerusalén pe.

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

Hechos 9:35

Jare opaete Lida pegua reta jare Sarón rupigua reta oecha kuae kuimbae, jare güɨrovia reta yandeYa re.

Hechos 9:42

Jókuae jërakua opaete Jope pegua reta pe. Jare jeta vae güɨrovia yandeYa re.

2 Corintios 6:15

¿Cristo oñemoïruta pa aña ndive?, ani ¿oñemoïruta pa oporogüɨrovia vae oporogüɨroviambae ndive?

Gálatas 3:28

Mbaetɨ ma ko judío ani judiombae vae; mbaetɨ ma tembiokuai ani tembiokuaimbae vae, kuimbae ani kuña. Echa Cristo Jesús re opaete pe reta metei ramiño ko.