Hechos 4:32 - Biblia Guarani Tumpa Iñee

³² Jare opaete oporogüɨrovia vae reta metei ramiño ñogüɨnoi. Mbaetɨ metei ave jei imbaembae re: “Kuae ko chembae.” Echa opaete imbaembae reta güɨnoi metei ramiño.

Nuevo Testamento Guaraní Pe

³² Jare opaete oporogüɨrovia vae reta metei ramiño ñogüɨnoi. Mbaeti metei ave jei imbaembae re: Jocuae co chembae. Echa opaete imbaembae reta metei ramiño.

Hechos 4:32 ပူးပေါင်းရင်းမြစ်များ

2 CRÓNICAS 30:12

Tumpa omongúe vi Judá pegua reta ipɨa-kɨ̈reɨ vaerä oyapo reta mburuvicha guasu iporookuai jare iyɨvɨrigua reta iporookuai, yandeYa jei rami.

JEREMÍAS 32:39

Jare ameeta chupe reta metei yemongetaño jare metei tekoño, oipoɨu avei vaerä chegüi reta, yogüɨreko kavi reta vaerä, jökoraita vi taɨkue rupi iñemuña reta.

San Juan 17:11

Jare mbaetɨta ma aï kuae ɨvɨ pe. Ërei jae reta opɨtañota kuae ɨvɨ pe. Che ajata ma ndépɨri. CheRu Tumpa iyoambae, kuae remee cheve vae reta, eñovatu nderee re; yogüɨreko vaerä metei ramiño, yande metei ramiño yaiko rami.

Hechos 1:14

Opaete kuae reta oyemboatɨ avei oyerure vaerä Jesús ichɨ María jare ïru kuña reta, jare Jesús tɨvɨ reta ndive.

Hechos 2:1

Arete Pentecostés pe opaete oporogüɨrovia vae reta metei ramiño oyemboatɨ ñogüɨnoi.

Hechos 5:12

Jare oyeapo jeta mɨakañɨ reta tëta guasu pegua reta ipɨte pe temimondo reta rupi. Jare opaete oporogüɨrovia vae reta oyemboatɨ metei rami Salomón ikorero jee vae pe.

Romanos 12:5

jökorai ko yande, yepe tëi jeta yae, ërei yayeapo ma metei jeteño Cristo re, jare opaete vae ñaï metei ramiño ïru reta ndive.

1 Corintios 1:10

Cherɨvɨ reta, che pomoñera yandeYa Jesucristo jee re pemiari kavi metei rami, agüɨye peyemboyao oyougüi. Pomoñera peiko kavi vaerä oyoupi. Toyovake peyemongeta jare pepɨa yovake.

2 Corintios 13:11

Yamboapɨ vaerä, cherɨvɨ reta, peyerovia, peyembojupi, peyombopɨakatu, peiko kavi metei rami, jare peiko päve mbɨakatu rupi; jare Tumpa ipɨakatu vae jare iporoaɨu vae oikota pe ndive.

Filipenses 1:27

Jaeño peiko kavi, echa perovia ma ñee ikavi vae Cristo regua. Güɨramoi aja apou pépɨri ani mbaetɨ, ërei aipota perërakua kavi cheve, kërai peñemomɨ̈rata metei ramiño jare peñemoäta ngatu peporogüɨrovia ñee ikavi vae re vae,

1 Pedro 3:8

Ïru mbae ye. Penoi metei ramiño yemongeta, peyoparareko, peyoaɨu, pepɨakavi jare peïru pota,

1 Pedro 4:11

Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!