Hechos 4:21 - Biblia Guarani Tumpa Iñee

²¹ Jayave jókuae mburuvicha reta oyókuai yeyé omongɨɨye reve oyora omondo Pedro jare Juan. Ipuereä oinupauka reta, opaete vae reta güi okɨɨye ramo. Echa opaete vae reta omboete Tumpa jókuae oyeapo vae jeko pegua.

Nuevo Testamento Guaraní Pe

²¹ Jayave yatɨ vae reta omonguɨye tei omondo Pedro jare Juan. Mbaeti oinupauca, tenta pegua reta güi oquɨye rambue. Echa opaete tenta pegua reta omboete Tumpa jocuae oyeapo vae jeco pegua.

Hechos 4:21 ပူးပေါင်းရင်းမြစ်များ

San Mateo 15:31

Jáeramo joko pe jeta vae reta ipɨakañɨ. Echa oendu iupa vae reta imiari, jare oecha ipo jovaichombae reta okuera, jare iköcho vae reta oguata kavi, jare jesambae vae reta omae. Jare opaete vae omboete Israel iTumpa.

San Mateo 21:46

Jare jae reta oipota tëi oipɨɨ Jesús. Ërei ipuereä. Echa okɨɨye reta jeta vae reta güi, güɨrovia reta ramo Jesús jae ko ñeemombeúa.

San Mateo 26:5

Ërei jei reta: —Agüɨye yaipɨɨ Pascua iara pe etei, agüɨye vaerä tëta guasu pegua reta oyapo tekorai.

San Mateo 9:33

Jare Jesús ombosɨrɨ aña chugüi rupive, iupa vae omboɨpɨ imiari. Jare jeta vae reta ipɨakañɨ reve jei: —Mbaetɨi oyeecha kuae nunga Israel pe.

San Mateo 9:8

Ërei jeta joko pe ñogüɨnoi vae reta oecha yave ipɨakañɨ, jare omboete reta Tumpa, mbaepuere tuicha vae omee kuimbae reta peguarä Jesús rupi.

San Lucas 13:17

Jesús jei kuae yave, opaete jovaicho reta imara. Ërei opaete vae reta oyerovia opaete mbae ikavi yae Jesús oyapo vae re.

San Lucas 20:19

Jayave jupivei sacerdote reta itenondegua reta jare mborookuai re oporomboe vae reta oipota tëi oipɨɨ Jesús. Echa oikuaa jókuae ombojaanga reve jei vae ikotɨ reta ko jei. Ërei okɨɨye tëta guasu pegua reta güi.

San Lucas 20:6

Ani yae yave: ‘Ɨvɨ pegua reta ko ombou’, opaete vae reta yandeapita ita pe yandeyuka. Echa jae reta güɨrovia Juan ko jae metei ñeemombeúa.”

San Lucas 22:2

Jayave sacerdote reta itenondegua reta jare mborookuai re oporomboe vae reta oeka kërai oyuka vaerä Jesús. Ërei okɨɨye opaete vae reta güi.

San Lucas 5:26

Jaeramiño vi opaete joko pe ñogüɨnoi vae reta omboete Tumpa. Echa opareve ipɨakañɨ yae jare okɨɨye reta reve jei: —Mɨakañɨ ko yaecha kuae ara.

Hechos 4:17

Ërei agüɨye vaerä jeieteño jërakua, yayopia reta agüɨye vaerä ma imiari reta kia pe ave añave güive kuae kuimbae jee re.

Hechos 4:22

Echa jókuae kuimbae mɨakañɨ rupi okuera vae, cuarenta año oasa ma güɨnoi.

Hechos 5:13

Jare opaete ïru vae reta okɨɨye oñemoïru vaerä jae reta ndive. Ërei opaete vae reta omboete.

Hechos 5:26

Jayave tupao järoa reta juvicha sacerdote tenondegua jembiokuai reta ndive yogüɨraja güeru kaviño. Echa okɨɨye reta oyeapiuka vaerä ita pe opaete vae reta pe.

Hechos 5:40

Jare kuae Gamaliel jei vae ikavi chupe reta. Jayave oenɨi reta temimondo reta, jare oinupa güire oyopia yeyé agüɨye ye vaerä ma imiari Jesús jee re, jare oyora reta.